មន្ត្រី​រដ្ឋាភិបាល​កម្ពុជា​ប្រតិកម្ម​នឹង​ការ​ចោទ​ប្រកាន់​របស់​សហភាព​អន្តរ​សភា

ដោយ ម៉ម មុនីរតន៍
2017-04-06
អ៊ីម៉ែល
មតិ
ចែករំលែក
បោះពុម្ព
  • បោះពុម្ព
  • ចែករំលែក
  • មតិ
  • អ៊ីម៉ែល
អ្នក​នាំ​ពាក្យ​គណបក្ស​ប្រជាជន​កម្ពុជា លោក សុខ ឥសាន ចេញ​ពី​សាលា​ដំបូង​រាជធានី​ភ្នំពេញ កាល​ពី​ព្រឹក​ថ្ងៃ​ទី​៦ ខែ​ឧសភា ឆ្នាំ​២០១៦។ RFA/Brach Chev
អ្នក​នាំ​ពាក្យ​គណបក្ស​ប្រជាជន​កម្ពុជា លោក សុខ ឥសាន ចេញ​ពី​សាលា​ដំបូង​រាជធានី​ភ្នំពេញ កាល​ពី​ព្រឹក​ថ្ងៃ​ទី​៦ ខែ​ឧសភា ឆ្នាំ​២០១៦។ RFA/Brach Chev
RFA/Brach Chev

មន្ត្រី​នាំ​ពាក្យ និង​ជា​តំណាងរាស្ត្រ​គណបក្ស​ដែល​គ្រប់គ្រង​រដ្ឋាភិបាល ប្រតិកម្ម​នឹង​ការ​ចោទ​ប្រកាន់​របស់​សហភាព​អន្តរ​សភា ហៅ​កាត់​ថា អាយ.ភី.យូ (IPU) ស្ដីបន្ទោស​ថា រដ្ឋាភិបាល​ដែល​ដឹកនាំ​ដោយ​លោក ហ៊ុន សែន ពូកែ​ខាង​រុក​កួន និង​ជិះ​ជាន់​សិទ្ធិ​សេរីភាព​ពលរដ្ឋ​របស់​ខ្លួន ជាពិសេស​សមាជិក​សភា​ពី​ខាង​បក្ស​ប្រឆាំង។

ប្រតិកម្ម​របស់​មន្ត្រី​ជាន់​ខ្ពស់​គណបក្ស​កាន់​អំណាច​នេះ ស្រប​ពេល​សមាជិក​សហភាព​អន្តរ​សភា តំណាង​ឲ្យ​ប្រទេស​ជិត ២០០​ប្រទេស​នៅ​ជុំវិញ​ពិភពលោក បាន​អនុម័ត​នៅ​លើ​ញត្តិ​ស្ដីពី​ការ​គោរព​សិទ្ធិ​មនុស្ស​នៅ​កម្ពុជា កាល​ពី​ថ្ងៃ​ទី​៥ ខែ​មេសា។

លោក សុខ ឥសាន មន្ត្រី​នាំ​ពាក្យ​គណបក្ស​កាន់​អំណាច យល់​ឃើញ​ថា ការ​វាយ​តម្លៃ​ពី​ស្ថានភាព​កម្ពុជា របស់​សមាជិក​សភា IPU គឺ​មិន​ត្រឹមត្រូវ និង​មិន​ចំ​ទិសដៅ​សោះ​ឡើយ។ មន្ត្រី​នាំ​ពាក្យ​រូប​នេះ ក៏​ទទូច​ឲ្យ​សភា IPU ចុះ​ពិនិត្យ​ដោយ​ផ្ទាល់​នៅ​កម្ពុជា ថា​តើ​កំពុង​ដឹកនាំ​ប្រទេស​ទៅ​រក​អំពើ​ហិង្សា ឬ​យ៉ាង​ណា? ដោយឡែក​រឿង​បក្ស​ប្រឆាំង​វិញ ក៏​កំពុង​ដំណើរការ និង​មាន​សិទ្ធិ​ពេញលេញ​ក្នុង​ជីវភាព​នយោបាយ​ដូច​បក្ស​កាន់​អំណាច​ដែរ។ លោក​បន្ត​ថា «អ៊ីចឹង​ខ្ញុំ​យល់​ថា ការ​វាយ​តម្លៃ​របស់​គាត់​ហ្នឹង​ផ្អែក​តែ​លើ​របាយការណ៍​មួយ​ជ្រុង​ទេ មិន​មាន​ផ្សារភ្ជាប់​ការពិត​ជាក់ស្ដែង​នៅ​កម្ពុជា ទេ។ ហើយ​បើ​ចង់​ដឹង​ការពិត សូម​អញ្ជើញ​មេ IPU អញ្ជើញ​មក​លេង​ភ្នំពេញ​ម្ដង​មើល! ហើយ​បើ​គ្មាន​កន្លែង​ណា​លេង ចូល​កាស៊ីណូ​ណាហ្គា ហ្នឹង​មើល បី​យប់​បី​ថ្ងៃ​មើល»

នៅ​ក្នុង​សន្និបាត​នៅ​ប្រទេស​បង់ក្លាដេស (Bangladesh) តំណាង​រដ្ឋាភិបាល​ដែល​ចូលរួម​នៅ​ក្នុង​សន្និបាត​លើក​ទី​១៣៦ នៃ​សហភាព​អន្តរ​សភា IPU មិន​បង្អង់​យូរ​ឡើយ បាន​ទាត់​ចោល​ភ្លាមៗ​ដែរ​នៅ​ក្នុង​អង្គ​សន្និបាត​កាល​ពី​ថ្ងៃ​ទី​៥ មេសា។ សមាជិក IPU តំណាង​ឲ្យ​រដ្ឋាភិបាល បាន​ថ្លែង​ការពារ​ចំពោះ​ការ​អនុវត្ត​ច្បាប់​នៅ​កម្ពុជា ថា មាន​ដំណើរការ​ទៅ​ដោយ​ល្អ គោរព​សិទ្ធិ​មនុស្ស បង្កើត​ឲ្យ​មាន​លំហូរ​ពាណិជ្ជកម្ម និង​សិទ្ធិ​សេរីភាព​នៃ​ការ​បញ្ចេញ​មតិ​យ៉ាង​ទូលំទូលាយ។

តាម​រយៈ​វីដេអូ​ដែល​បង្ហោះ​នៅ​លើ​បណ្ដាញ​សង្គម​ហ្វេសប៊ុក (facebook) របស់​អតីត​ប្រធាន​គណបក្ស​ប្រឆាំង លោក សម រង្ស៊ី គឺ​សមាជិក​សហភាព​អន្តរ​សភា IPU នៅ​ក្នុង​អង្គ​សន្និបាត មិន​ពេញ​ចិត្ត​ចំពោះ​ការ​ដឹកនាំ​សព្វថ្ងៃ​របស់​រដ្ឋាភិបាល​ឡើយ។

មុន​អនុម័ត​ទៅ​លើ​ញត្តិ​ដែល​ជា​របៀបវារៈ​របស់​កម្ពុជា សមាជិក​របស់​សហភាព​អន្តរ​សភា IPU បាន​លើក​ឡើង​ថា ក្នុង​នាម​សភា IPU គប្បី​ផ្ញើ​សារ​ទៅ​រដ្ឋាភិបាល​កម្ពុជា ដោយ​ម៉ឺងម៉ាត់ និង​ប្រាកដ​ថា ការ​គោរព​សិទ្ធិ​មនុស្ស និង​សិទ្ធិ​នយោបាយ ត្រូវ​ប្រាកដ​ឡើង ជាពិសេស​ការ​លូក​ដៃ​យ៉ាង​ជ្រៅ​របស់​រដ្ឋាភិបាល​រឿង​ច្បាប់​ស្ដីពី​គណបក្ស​នយោបាយ។ ជាង​នេះ​ទៀត បើ​មិន​ធ្វើ​ដូច្នេះ​ទេ វា​នឹង​ធ្វើ​ឲ្យ​ប៉ះពាល់​ដល់​កិត្យានុភាព​របស់​សភា IPU។ លោក​បន្ត​ថា «យើង​មិន​ចាំបាច់​បន្ត​កិច្ច​ពិគ្រោះ​យោបល់​អ្វី​ទៀត​ទេ។ ប៉ុន្តែ​ខ្ញុំ​គិត​ថា ត្រូវ​ផ្ដល់​សារ​ខ្លាំងៗ​ទៅ​រដ្ឋាភិបាល​វិញ​ពី​បញ្ហា​ការ​រំលោភ​សិទ្ធិ​មនុស្ស​នេះ គឺ​ថា​មិន​អាច​ទទួល​យក​បាន​ឡើយ។ នេះ​វា​មិន​មែន​រឿង​លេង​សើច​ទេ ក្នុង​នាម​សភា IPU ត្រូវ​អនុវត្ត​ឲ្យ​បាន​ម៉ត់ចត់»

ប្រតិកម្ម​នឹង​ការ​ចោទ​ប្រកាន់​នេះ ត្រូវ​បាន​តំណាង​ពី​ខាង​រដ្ឋាភិបាល​ថ្លែង​ការពារ​នូវ​ជំហរ​ដឹកនាំ​រដ្ឋាភិបាល​មួយ​រំពេច​ដែរ ដោយ​ចោទ​ជា​សំណួរ​ទៅ​វិញ​ថា តើ​សមាជិក​សភា IPU ពិត​ជា​ចង់​ឲ្យ​កម្ពុជា ត្រឡប់​ទៅ​រក​របប​ដឹកនាំ​ដូច​សម័យ ប៉ុល ពត វិញ​ឬ​យ៉ាង​ណា? បើ​ទោះ​ជា​បែប​ណា អង្គការ​ផ្នែក​សិទ្ធិ​មនុស្ស ចាត់​ទុក​ថា​រដ្ឋាភិបាល​ហាក់​មិន​ខ្វល់ខ្វាយ​រឿង​ការ​គោរព​សិទ្ធិ​មនុស្ស​ប៉ុន្មាន​នោះ​ឡើយ។

បញ្ហា​នេះ លោក អេង ឆៃអ៊ាង អនុប្រធាន​គណបក្ស​ប្រឆាំង ទទួល​ស្គាល់​ថា ការ​ស្រាវជ្រាវ​ពី​ការ​គោរព​សិទ្ធិ​ពលរដ្ឋ និង​សិទ្ធិ​នយោបាយ​ដោយ​សមាជិក​សភា IPU នេះ អាច​ជា​ការ​ច្បាស់​ជាង​ការ​មើល​ឃើញ​របស់​ពលរដ្ឋ​ទៅ​ទៀត។ មិន​តែ​ប៉ុណ្ណោះ លោក​ថា​ដើម្បី​បញ្ចៀស​ពី​ការ​រិះគន់​នេះ រដ្ឋាភិបាល​គួរ​កុំ​ប្រព្រឹត្ត​កំហុស ទើប​មិន​មាន​អ្នក​ដឹង៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (4)
  • បោះពុម្ព
  • ចែករំលែក
  • អ៊ីម៉ែល

អ្នក​អាន​អនាមិក


ជំរាបសួលោកអ្នកនាំពាក្យឲ្យបក្សស៊ីភីភី លោកមានប្រសាសន៍ថាបក្សស៊ីភីភីមិនបានដឹកនាំប្រទេសទៅរកហិង្សាទេ សូមសួរលោកអ្នកនាំពាក្យឲ្យបក្សស៊ីភីភីថា ចុះកងអង្គរ័ក្សរបស់ ហ៊ុន សែន បញ្ជាឲ្យទាត់ធាក់វាយដំយ៉ាងសាហាវទៅលើតំណាងរាស្រ្តដោយគ្មានមូលហេតុសមរម្យ លោកអ្នកនាំពាក្យឲ្យបក្សស៊ីភីភីស្គាល់ថាអាហ្នឹងគេហៅអីទេ? ចុះការបាញ់សម្លាប់រាស្រ្តខ្មែរយ៉ាងព្រៃផ្សៃពេល ហ៊ុន សែន ប្លន់អំណាចយកពីសម្តេចក្រុមព្រះ លោកអ្នកនាំពាក្យឲ្យបក្សស៊ីភីភីស្គាល់ថាអាហ្នឹងគេហៅអីទេ?

Apr 06, 2017 09:45 PM

អ្នក​អាន​អនាមិក

IPU ពិតជាមិនចង់ឲ្យកម្ពុជា​ ត្រឡប់ទៅរករបបដឹកនាំដូច
សមយ័ប៉ុល​ ពតនុះទេ? ប៉ុន្តែសព្វថ្ងៃនេះរបប​ប៉ុល​ ពតបានកើតឡើងរួចទៅហើយដោយសារស្នារដៃរបស់រដ្ឋាភិបាល​លោកហ៊ុន សែនប្រើអំពើហឹង្សាឃោឃៅដាក់​​​​ប្រជាពលរដ្ឋខ្លួនឯង​ មិនដែលគោរពសិទ្ធមនុស្សនោះទេ៕

Apr 06, 2017 09:43 PM

ភវវ្ម័ន

ពី បាវិត ស្វាយ​រៀង​

ពួក​​ខ្មែរ​ក្រហម​ជំនាន់​មុនដែលបាន​កាន់​អំណាច​ពី​ឆ្នាំ​១៩៧៥ ដល់ ១៩៧៩ បានបង្កើត​របប​ប្រល័យពូជសាសន៍​ សម្លាប់ជាតិ​ខ្មែរ​ទាំង​ស្រុង​ក៏​ពួក​វា​មិន​ទទួល​ស្គាល់​ការ​ថ្កោល​ទោសនិង​ប្រកែក​ច្រានចោល​គ្រប់​ពាក្ស! ខ្មែរ​ក្រហម​ជំនាន់​ក្រោយនេះ​ ទោះបី​​ជា​បំផ្លាញ​ជាតិ​សម្លាប់មនុស្ស​ដោយ​ប្រយោល តាម​ផែនការយួន ក៥ កំទេច​ទាំងស្រុង​ធនធាន​ធម្មជាតិ​ព្រៃ​ឈើ​ ឲ្យ​ប្រជាជន​យួន​ចូល​មកដណ្ដើម​ទឹក​ដី​ ដណ្ដើម​សេដ្ឋកិច្ច​ បំផ្លាញបរិស្ថាន ជាតិ​ខ្មែរ ធ្វើ​ឲ្យ​ជាតិ​ខ្មែរ​ម្ចាស់​ស្រុក​ ក្រ​រហាម​ និរាស​ព្រាត់ប្រាស់​គ្រួសារបាត់បង់​​មុខ​របរ​ ចាក​ឆ្ងាយ​ភូមិ​កំណើត​ទៅ​ស៊ីឈ្នួល​ជាតិ​ដទៃ​ជិតខាង​ ក្លាយ​ជា​ជនជាតិ​ភាគតិច​​លើ​មាតុភូមិខ្លួន​ឯង ។ល។ ក៏​ពួក​វា​​បក​ស្រាយ​របៀប​ អីចឹង​ដដែល​គឺ​ច្រានចោល​ យ៉ាង​អគតិ ងងើលឥត​ខ្មាស់​​! របប​ខ្មែរ​ក្រហម​ជំនាន់ថ្មី ជ្រក​ក្រោម​លិទ្ធិ​ប្រជាធិបតេយ្យ វាយ​តំណាង​រាស្រ្ដ​ វាយ​រាស្រ្ដ ចាប់​តំណាង​រាស្រ្ដ​ដាក់គុក​ទាំង​នៅ​មាន​អភ័យឯកសិទ្ធិ​ចាប់​ទាំង​ប្រជាពលរដ្ឋ​ សមាជិក​អង្គការ​ ការពារសិទ្ធិុមនុស្ស​ មន្រ្ដី​គ.ជ.ប​ ដាក់គុក ក៏​ពួក​វា​បក​ស្រាយច្រាល​ចោល រាល់ការ​ថ្កោល​ទោស​ពី​មតិ​ជាតិ​និង​អន្ដរជាតិ យ៉ាង ងងើល​ដដែល!

Apr 06, 2017 09:20 PM

អ្នក​អាន​អនាមិក

I wonder if ,one of the day Sok IIsan turn to be a minor, and other party does exactly what he treats the minority members like right now because there is nothing last for ever (Kong trach Kong thnong) ,how he feels ???? Did he ever think those day will come ?

Apr 07, 2017 10:04 AM

Mike

ពី Boston

They talked about human rights and law enforcement, Mr. Sok Ei San was proud of casinos. Cambodia may move forward faster when there are better educated and thoughtful figures.

Apr 06, 2017 08:45 PM

គេហទំព័រ​ទាំងមូល