មន្ត្រីគណបក្សសង្គ្រោះជាតិ ដែលកំពុងជាប់ឃុំ លោក មាជ សុវណ្ណារ៉ា ប្រកាសធ្វើកូដកម្មដោយអត់អាហារក្នុងពន្ធនាគារ។
ក្នុងលិខិតដែលសរសេរផ្ទាល់ដៃផ្ញើចេញពីពន្ធនាគារព្រៃស នៅថ្ងៃទី៥ ខែធ្នូ លោក មាជ សុវណ្ណារ៉ា បញ្ជាក់ថា លោកនឹងចាប់ផ្ដើមធ្វើកូដកម្មពីថ្ងៃទី៦ ខែធ្នូ នៅក្នុងបន្ទប់ឃុំឃាំងបន្តរហូតដល់ថ្ងៃទី១០ ធ្នូ ដែលជាទិវាសិទ្ធិមនុស្សអន្តរជាតិ។ លោកថានឹងមិនទទួលទានអាហារ មិនចេញក្រៅបន្ទប់ មិនជួបសន្ទនាជាមួយក្រុមគ្រួសារ ឬភ្ញៀវផ្សេងៗ។
លិខិតដដែលបញ្ជាក់ដែរថា គោលបំណងនៃកូដកម្មនេះ គឺចូលរួមទាមទារអោយបញ្ចប់និទ្ទណ្ឌភាពក្នុងសង្គម និងប្រឆាំងអំពើហិង្សាលើស្ត្រី និងកុមារ។
លោក មាជ សុវណ្ណារ៉ា ត្រូវចាប់ខ្លួន និងបញ្ជូនទៅឃុំនៅក្នុងពន្ធនាគារព្រៃស កាលពីថ្ងៃទី១១ ខែវិច្ឆិកា ក្នុងសំណុំរឿងហិង្សានៅទីលានប្រជាធិបតេយ្យ ដែលបណ្ដាលឲ្យសន្តិសុខសាលារាជធានីភ្នំពេញជាច្រើននាក់រងរបួស៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖
ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។