មន្ត្រីជាន់ខ្ពស់គណបក្សសង្គ្រោះជាតិ បានអះអាងនៅព្រឹកថ្ងៃទី១០ ខែមេសា ថា បេក្ខជនតំណាងរាស្ត្ររបស់គណបក្សប្រឆាំង មិនទាន់ចូលប្រជុំសភា នៅព្រឹកថ្ងៃសុក្រ ទី១១ ខែមេសា ដូចកាសែតមួយចំនួនចេញផ្សាយ នៅព្រឹកថ្ងៃព្រហស្បតិ៍ នេះទេ។
លោក អេង ឆៃអ៊ាង បេក្ខជនតំណាងរាស្ត្រមណ្ឌលកណ្ដាលគណបក្សសង្គ្រោះជាតិ ថ្លែងបដិសេធថា ការចុះផ្សាយរបស់កាសែតខ្លះដែលថា សមាជិកសភាគណបក្សសង្គ្រោះជាតិ ទាំងអស់ នឹងចូលប្រជុំសភានៅថ្ងៃសុក្រ ទី១១ ខែមេសា ជារឿងមិនពិតទេ។
ប៉ុន្តែ លោក អេង ឆៃអ៊ាង ទទួលស្គាល់ថា កិច្ចសន្ទនាតាមទូរស័ព្ទរបស់លោកនាយករដ្ឋមន្ត្រី ហ៊ុន សែន និងលោក សម រង្ស៊ី ប្រធានគណបក្សសង្គ្រោះជាតិ រយៈពេលជាង ៤០នាទី កាលពីថ្ងៃពុធ ម្សិលមិញ ដើម្បីទម្លុះភាពទាល់ច្រកខាងនយោបាយក្រោយការបោះឆ្នោតសភានីតិកាលទី៥ មានលទ្ធផលវិជ្ជមានច្រើន៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖
ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។