មន្ត្រីគណបក្សសង្គ្រោះជាតិ បានចោទគណបក្សប្រជាជនកម្ពុជា ថាបាននាំក្បួនម៉ូតូ និងរថយន្តជាច្រើនគ្រឿងមករំខានក្បួនរបស់គណបក្សប្រឆាំងនៅស្រុកពញាឮ ខេត្តកណ្ដាល មិនអាចឃោសនាបាន នៅថ្ងៃទី១ កក្កដា ឆ្នាំ២០១៣។ បញ្ហានេះ ត្រូវមន្ត្រីសង្គមស៊ីវិលមួយចំនួន បានចាត់ទុកថា ការប្រកួតប្រជែងការបោះឆ្នោតនីតិកាលទី៥ មិនមានលក្ខណៈសេរី ត្រឹមត្រូវ និងយុត្តិធម៌ទេ។
សូមស្ដាប់សេចក្ដីរាយការណ៍របស់លោក ដែន អយុធ្យា៖
ចំណែកនៅឯខេត្តឧត្តរមានជ័យ មានសេចក្ដីរាយការណ៍ថា អាជ្ញាធរនៅតាមមូលដ្ឋានខ្លះបានចាក់បំពងសំឡេងឃោសនារបស់គណបក្សកាន់អំណាចបំពានទៅលើច្បាប់ស្ដីពីការឃោសនា។
ប្រជាពលរដ្ឋមួយចំនួនបានចោទប្រកាន់មេភូមិអំពិល នៃឃុំពង្រ ស្រុកចុងកាល់ ថា បានប្រើឧបករណ៍ចាក់បំពងសំឡេងឃោសនាលាន់ឭខ្លាំងៗ មិនកំណត់តាមពេលវេលាត្រឹមត្រូវ ដូចដែលគណៈកម្មការរៀបចំការបោះឆ្នោតបញ្ញតិ្តនោះទេ។
សូមស្ដាប់សេចក្ដីរាយការណ៍របស់លោក ហង្ស សាយុត៖
នៅឯខេត្តបាត់ដំបង គណបក្សសង្គ្រោះជាតិ បានប្ដឹងគណបក្សប្រជាជនកម្ពុជា ទាក់ទិននឹងការយកសាលារៀនមួយកន្លែងនៅស្រុកបវេល ខេត្តបាត់ដំបង ធ្វើជាកន្លែងឃោសនារកសំឡេងឆ្នោត។
ករណីនេះ ត្រូវបានមន្ត្រីឃ្លាំមើលដំណើរបោះឆ្នោតបញ្ជាក់ថា បក្សប្រជាជនកម្ពុជា បានអនុវត្តបំពានលើច្បាប់បោះឆ្នោតដែលអាចទទួលការពិន័យជាប្រាក់ និងត្រូវព្រមានថែមទៀតផង។
សូមស្ដាប់សេចក្ដីរាយការណ៍របស់លោក សួន សុផលមុន្នី៖
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។