ទាក់ទងនឹងរឿងដំណើរការជួបចរចាគ្នារវាងគណបក្សប្រជាជនកម្ពុជា និងគណបក្សសង្គ្រោះជាតិ សារព័ត៌មាន ហ្វ្រេស ញ៉ូវ (Fresh News) ផ្សព្វផ្សាយកាលពីយប់ថ្ងៃទី១១ មិថុនា ថា លោកនាយករដ្ឋមន្ត្រី ហ៊ុន សែន ប្រកាសថា «គ្មានការចរចាណាមួយកើតឡើងរវាងគណបក្សប្រជាជនកម្ពុជា និងគណបក្សសង្គ្រោះជាតិ នៅពេលខាងមុខនេះទេ»។
លោកនាយករដ្ឋមន្ត្រីបញ្ជាក់ថា ទី១ ព្រោះបើមានការចរចា នឹងអាចជះឥទ្ធិពលលើដំណើរការតុលាការដែលកំពុងមានចំណាត់ការលើសំណុំរឿងមួយចំនួន។
រដ្ឋសភា គឺជាច្រកតែមួយគត់ដែលអាចជួបប្រជុំលើដំណើរការរបស់ជាតិ តែគណបក្សសង្គ្រោះជាតិ បានបោះបង់ចោលដោយខ្លួនឯង។ ទី២ ប្រសិនមានការជួបចរចាគ្នាណាមួយនាពេលខាងមុខ គណបក្សប្រជាជនកម្ពុជា មិនពិភាក្សាលើរឿងណាដែលជាសមត្ថកិច្ចរបស់តុលាការនោះទេ ហើយក៏មិនពិភាក្សាលើករណីអ្នកជាប់គុកនោះដែរ។
វិទ្យុអាស៊ីសេរី មិនទាន់អាចទាក់ទងមន្ត្រីគណបក្សប្រជាជនកម្ពុជា ដើម្បីបកស្រាយបញ្ជាក់ជុំវិញព័ត៌មាននេះបាននៅឡើយទេ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖
ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។