មហាសន្និបាតគណបក្សប្រជាជនកម្ពុជាផ្ដោតសំខាន់លើការកែទម្រង់គណបក្ស
2015.01.30
លោកនាយករដ្ឋមន្ត្រី ហ៊ុន សែន (ស្ដាំ) និងលោក ហេង សំរិន (ឆ្វេង) ក្នុងមហាសន្និបាតផ្ទៃក្នុងជាលើកដំបូងរបស់គណបក្សប្រជាជនកម្ពុជា បន្ទាប់ពីការបោះឆ្នោត នៅថ្ងៃទី៣០ ខែមករា ឆ្នាំ២០១៥។
គណបក្សប្រជាជនកម្ពុជា ចាប់ផ្ដើមមហាសន្និបាតផ្ទៃក្នុងជាលើកដំបូង បន្ទាប់ពីការបោះឆ្នោត។ កិច្ចប្រជុំដែលមានសមាជិកគណបក្សទូទាំងប្រទេសចូលរួមចំនួនជាង ១.៣០០នាក់ នឹងប្រព្រឹត្តទៅរយៈពេលពីរថ្ងៃកន្លះ គឺចាប់ពីរសៀលថ្ងៃទី៣០ ខែមករា រហូតដល់ល្ងាចថ្ងៃទី១ ខែកុម្ភៈ។
មហាសន្និបាតវិសាមញ្ញរបស់គណបក្សប្រជាជនកម្ពុជា ផ្ដោតសំខាន់លើការកែទម្រង់។ គណបក្សកាន់អំណាចលើកពាក្យស្លោកថា ការកែទម្រង់ គឺជាអាយុជីវិតរបស់ជាតិ និងគណបក្សប្រជាជនកម្ពុជា។
មហាសន្និបាតនេះ នឹងធ្វើកិច្ចការមួយចំនួនរួមមាន អនុម័តរបាយការណ៍សភាពការណ៍ទូទៅក្នុងអំឡុងពេលបោះឆ្នោត និងក្រោយបោះឆ្នោត ស្តាប់របាយការណ៍កែទម្រង់ការបោះឆ្នោត និងចំណុចសំខាន់ចុងក្រោយនោះ គឺបោះឆ្នោតបំពេញបន្ថែមសមាជិកគណៈកម្មាធិការកណ្ដាលមួយចំនួន។
សមាជិកអចិន្ត្រៃយ៍គណបក្សប្រជាជនកម្ពុជា លោក ស ខេង បានប្រាប់អ្នកកាសែតកាលពីថ្ងៃទី២៩ ខែមករា ថា គណបក្សកាន់អំណាចនឹងបញ្ចូលយុវជនមួយចំនួនទៅក្នុងគណៈកម្មាធិការកណ្ដាល ដែលមានស្រាប់ជាង ២០០នាក់នោះ។
ក្នុងមហាសន្និបាតវិសាមញ្ញនេះ ប្រធានគណបក្ស លោក ជា ស៊ីម មិនបានចូលរួមឡើយ ព្រោះលោកកំពុងសម្រាកព្យាបាលជំងឺនៅក្រៅប្រទេស។ អ្នករៀបចំកម្មវិធីប្រកាសថា លោក ហ៊ុន សែន គឺជាប្រធានស្តីទីគណបក្ស និងជាប្រធានអង្គមហាសន្និបាតបក្សនេះ។ លោក ហ៊ុន សែន ដែលជាអ្នកដឹកនាំមហាសន្និបាត មានប្រសាសន៍ថា មហាសន្និបាតនេះគឺជាការពង្រឹងសាមគ្គីភាពផ្ទៃក្នុង ដើម្បីឲ្យសមាជិកគណបក្សទាំងចាស់ទាំងថ្មីអាចធ្វើការជាមួយគ្នាបាន។
អ្នកចូលរួមមហាសន្និបាត ជាមន្ត្រីដែលកាន់តំណែងជាថ្នាក់ដឹកនាំគណបក្សស្រុកឡើងទៅ។ អ្នកទាំងនោះជាអភិបាលស្រុក អភិបាលខេត្ត ប្រធានក្រុមប្រឹក្សាស្រុកប្រធានក្រុមប្រឹក្សាខេត្ត និងមេបញ្ជាការកងកម្លាំងប្រដាប់អាវុធ រដ្ឋមន្ត្រី រដ្ឋលេខាធិការ តាមក្រសួងនានា។ មហាសន្និបាត បានការពារយ៉ាងតឹងរ៉ឹងពីសំណាក់អង្គរក្សរបស់លោកនាយករដ្ឋមន្ត្រី ហ៊ុន សែន៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អត្ថបទពេញនិយម
RFA
- វៀតណាមព្រមានថា ព្រែកជីកហ្វូណនតេជោអាចជួយសម្រួលវត្តមានយោធាចិនក្នុងទឹកដីកម្ពុជាកាន់តែជ្រៅ
- ពលរដ្ឋនៅតំបន់បឹងតាមោក ចោទប្រកាន់អាជ្ញាធរខណ្ឌព្រែកព្នៅថា ប្រើអំពើហិង្សា
- អាជ្ញាធរក្រុងភ្នំពេញមិនអនុញ្ញាតឱ្យបក្សកម្លាំងជាតិធ្វើបាតុកម្ម នៅទីលានប្រជាធិបតេយ្យ
- ក្រសួងដែនដីបានហៅអតិថិជនបុរីពិភពថ្មីទៅពិភាក្សា ដើម្បីរកដំណោះស្រាយ
- ពលរដ្ឋខ្មែរ-អូស្ត្រាលីម្នាក់ ដែលរិះគន់រដ្ឋាភិបាលកម្ពុជា រងការវាយដំពីជនមិនស្គាល់មុខមួយក្រុម ពេលទៅលេងស្រុកខ្មែរ
អត្ថបទពេញនិយម
នយោបាយ
- លោក ហ៊ុន សែន បដិសេធការចោទរបស់វៀតណាម ដែលថា ព្រែកជីកហ្វូណនសម្រាប់សម្រួលវត្តមានយោធាចិន
- លោក ហ៊ុន ម៉ាណែត ថ្លែងការពារគម្រោងព្រែកជីកហ្វូណនតេជោ ក្រោយពេលវៀតណាមរិះគន់
- លោក ហ៊ុន សែន ស្នើជួបមេដឹកនាំរដ្ឋប្រហារយោធាភូមាភ្លាមៗក្រោយឡើងតំណែងជាប្រធានព្រឹទ្ធសភា
- ពលរដ្ឋខ្មែរនៅក្រៅប្រទេសចង់ឃើញលោក ហ៊ុន ម៉ាណែត បង្រួបបង្រួមជាតិឡើងវិញក្នុងឱកាសចូលឆ្នាំខ្មែរ
- មន្ត្រីរដ្ឋាភិបាលអះអាងថា ការជីកព្រែកហ្វូណនជាសិទ្ធិអធិបតេយ្យរបស់កម្ពុជា គ្មានការចាំបាច់បំភ្លឺគ្រប់រឿងដល់វៀតណាមទេ