រដ្ឋាភិបាលកម្ពុជា អនុម័តថវិកាជាតិប្រមាណ ៣.៩២៤លានដុល្លារអាមេរិក សម្រាប់ការចំណាយនៅក្នុងឆ្នាំ២០១៥។
នៅក្នុងសេចក្តីប្រកាសព័ត៌មានប្រចាំសប្ដាហ៍របស់ខ្លួនកាលពីថ្ងៃសុក្រ ទី២៤ តុលា ទីស្ដីការគណៈរដ្ឋមន្ត្រីបានប្រកាសថា ចំនួនថវិកាជាតិប្រចាំឆ្នាំ២០១៥ នេះ មានសារសំខាន់ក្នុងការអភិវឌ្ឍប្រទេសជាតិគ្រប់វិស័យទាំងអស់ ជាពិសេសនឹងធានានូវកំណើនសេដ្ឋកិច្ចប្រចាំឆ្នាំអោយបានប្រមាណ ៧%។
ក្រោមអធិបតីភាពរបស់លោកនាយករដ្ឋមន្ត្រី ហ៊ុន សែន អង្គប្រជុំគណៈរដ្ឋមន្ត្រី បានសម្រេចថា ថវិកាជាតិឆ្នាំ២០១៥ នេះ នឹងផ្ដោតការចំណាយទៅលើវិស័យរដ្ឋបាលទូទៅ ការពារជាតិ សន្តិសុខ សង្គមកិច្ច អប់រំ សុខាភិបាល កសិកម្ម ហេដ្ឋារចនាសម្ព័ន្ធ និងការអភិវឌ្ឍសេដ្ឋកិច្ច៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖
ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។