សាឡាងនៃកំពង់ចម្លងកោះថ្កូវ ដែលធ្លាប់ដឹកអ្នកដំណើររាល់ថ្ងៃពីត្រើយម្ខាងទន្លេ គឺតំបន់នានាក្នុងស្រុកជលគីរី មកកាន់ក្រុងកំពង់ឆ្នាំង ត្រូវបានបិទតាំងពីម៉ោង ៦ព្រឹកថ្ងៃទី២០ កុម្ភៈ។
ការបិទកំពង់ចម្លងនេះ មានការអះអាងពីរខុសគ្នា គឺខាងអាជ្ញាធរអះអាងថា ដោយសារសាឡាងខូច តែមន្ត្រីបក្សសង្គ្រោះជាតិ រួមទាំងមន្ត្រីអង្គការមិនមែនរដ្ឋាភិបាលមួយចំនួនចោទថា អាជ្ញាធរបិទកំពង់ចម្លងនេះមានចេតនាចង់ផ្ដាច់ផ្លូវ មិនឲ្យអ្នកគាំទ្របក្សសង្គ្រោះជាតិ ធ្វើដំណើរមកជួបមេបក្សសង្គ្រោះជាតិ ដែលគ្រោងចុះទៅជួបអ្នកគាំទ្រនៅក្រុងកំពង់ឆ្នាំង នៅថ្ងៃទី២០ កុម្ភៈ នេះ។
ស្របពេលនេះដែរ អ្នកគាំទ្របក្សប្រជាជនកម្ពុជា ប្រដាប់ដោយដំបង ដែលពួកគាត់អះអាងថា ទុកសម្រាប់ចងទង់ជាតិ បានប្រមូលផ្ដុំគ្នានៅទីស្នាក់ការបក្សប្រជាជនកម្ពុជា ស្រុករលាប្អៀរ និងស្រុកកំពង់ត្រឡាច ខណៈមានប៉ូលិសជាច្រើនត្រូវបានគេដាក់ពង្រាយតាមផ្លូវមួយចំនួនក្នុងក្រុងកំពង់ឆ្នាំង៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖
ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។