លោក ស៊ុន ចាន់ថុល បដិសេធ​សារ​បែក​ធ្លាយ​ពី​ព័ត៌មាន​សម្ងាត់

ដោយ ទីន ហ្សាការីយ៉ា
2018-01-09
អ៊ីម៉ែល
មតិ
ចែករំលែក
បោះពុម្ព
  • បោះពុម្ព
  • ចែករំលែក
  • មតិ
  • អ៊ីម៉ែល
​រដ្ឋមន្ត្រី​ក្រសួង​សាធារណការ និង​ដឹក​ជញ្ជូន លោក ស៊ុន ចាន់ថុល នៅ​ក្នុង​វេទិកា​ពិភាក្សា​ពី​វិស័យ​ពាណិជ្ជកម្ម និង​អប់រំ​នៅ​កម្ពុជា បច្ចុប្បន្ន នា​រាជធានី​ភ្នំពេញ កាល​ពី​​ថ្ងៃ​ទី​១៩ មីនា ឆ្នាំ​២០១៦។
​រដ្ឋមន្ត្រី​ក្រសួង​សាធារណការ និង​ដឹក​ជញ្ជូន លោក ស៊ុន ចាន់ថុល នៅ​ក្នុង​វេទិកា​ពិភាក្សា​ពី​វិស័យ​ពាណិជ្ជកម្ម និង​អប់រំ​នៅ​កម្ពុជា បច្ចុប្បន្ន នា​រាជធានី​ភ្នំពេញ កាល​ពី​​ថ្ងៃ​ទី​១៩ មីនា ឆ្នាំ​២០១៦។
Photo: RFA

រដ្ឋមន្ត្រី​ក្រសួង​សាធារណការ និង​ដឹក​ជញ្ជូន លោក ស៊ុន ចាន់ថុល នៅ​ថ្ងៃ​ទី​៩ ខែ​មករា បដិសេធ​សារ​អេឡិចត្រូនិក​របស់​លោក​ដែល​បាន​លេច​ធ្លាយ​កាល​ពី​ថ្ងៃ​ទី​៨ ខែ​មករា ថា លោក​មិន​បាន​ដឹង​រឿង​នេះ​ទេ។ សារ​ដែល​អាស៊ីសេរី ទទួល​បាន​បង្ហាញ​ពី​ព័ត៌មាន​សម្ងាត់​នៃ​ទំនាក់ទំនង​ចិន-​ខ្មែរ និង​យុទ្ធសាស្ត្រ​សម្រាប់​ប្រឆាំង​នឹង​គណបក្ស​ប្រឆាំង និង​ប្រព័ន្ធ​ផ្សព្វផ្សាយ​ឯករាជ្យ។

​អាស៊ីសេរី បាន​ព្យាយាម​សុំ​ការ​ពន្យល់​បន្ថែម​ពី​លោក ស៊ុន ចាន់ថុល ជុំវិញ​ការ​បែក​ធ្លាយ​សារ​នេះ ប៉ុន្តែ​លោក​បដិសេធ​មិន​ឆ្លើយ​តប ដោយ​អះអាង​ថា​លោក​កំពុង​ជាប់​រវល់៖ «»។

សារ​ជុំវិញ​កិច្ច​ប្រជុំ​សម្ងាត់​រវាង​លោក​នាយករដ្ឋមន្ត្រី ហ៊ុន សែន និង​ប្រធានាធិបតី​ចិន ស៊ី  ជីនពីង (Xi Jinping) ដែល​បែក​ធ្លាយ​នោះ​បង្ហាញ​ថា សម្រាប់​​ខួប​លើក​ទី​៦០ នៃ​ទំនាក់ទំនង​ប្រទេស​ទាំង​ពីរ​ហើយ​ចិន នឹង​ផ្ដល់​កាដូ ឬ​ជំនួយ​ចំនួន ១៥០​លាន នៅ​ក្នុង​ទិវា​ខួប​លើក​ទី​៦០​នេះ។ ចិន​ក៏​នឹង​ផ្ដល់​ជំនួយ​ផ្សេង​ទៀត​ដល់​អង្គការ​សង្គម​ស៊ីវិល​ណា​ដែល​គាំទ្រ​គណបក្ស​ប្រជាជន​កម្ពុជា​ដែរ។

នៅ​ក្នុង​ជំនួប​នោះ ប្រធានាធិបតី​ចិន ចាត់​ទុក​កម្ពុជា គឺ​ជា​មិត្ត​ស្មោះត្រង់ ហើយ​ចិន ចង់​ឲ្យ​លោក ហ៊ុន សែន និង​គណបក្ស​ប្រជាជន​កម្ពុជា នៅ​តែ​គ្រប់គ្រង​អំណាច ដោយ​ចិន នៅ​គាំទ្រ​ស្ថានភាព​នយោបាយ និង​ជួយ​កម្ពុជា នៅ​ពី​ក្រោយ​ខ្នង។

ប្រធានាធិបតី​ចិន ក៏​បាន​សន្យា​ជា​ច្រើន​ទៀត ជាមួយ​លោក ហ៊ុន សែន ដូចជា ចិន​នឹង​ជួយ​បណ្ដុះបណ្ដាល​សមាជិក​បក្ស​កាន់​អំណាច ជួយ​ទិញ​អង្ករ​របស់​កម្ពុជា ២​សែន​តោន​ក្នុង​មួយ​ឆ្នាំ ជំរុញ​អ្នក​វិនិយោគ​ចិន មក​កម្ពុជា​កាន់​តែ​ច្រើន  ជួយ​សហការ​ក្នុង​ការ​ការពារ​រដ្ឋាភិបាល និង​ជួយ​ផ្ដល់​សម្ភារៈ​យោធា​កាន់​តែ​ច្រើន​ថែម​ទៀត។ ចំណែក​ឯ​បញ្ហា​ជម្លោះ​សមុទ្រ​ចិន​ខាង​ត្បូង​វិញ កម្ពុជា​ត្រូវ​តែ​ជួយ​គាំទ្រ​ចិន ហើយ​ចិន ក៏​ជួយ​រដ្ឋាភិបាល​កម្ពុជា វិញ​ដែរ។

​ចំណែក​សារ​ដែល​និយាយ​ពី​គណៈកម្មការ​កណ្ដាល​គណបក្ស​ប្រជាជន​កម្ពុជា បើក​កិច្ចប្រជុំ​សម្ងាត់​នៅ​ឯ​កោះ​ពេជ្រ​វិញ​បង្ហាញ​ពី​​ផែនការ​សកម្មភាព​សម្រាប់​ការ​បោះឆ្នោត​ឆ្នាំ​២០១៨ រួម​មាន​ឈប់​ផ្ដល់​ជំនួយ​ដល់​គណបក្ស​តូចៗ ប៉ុន្តែ​ធ្វើ​យ៉ាង​ណា​ឲ្យ​គណបក្ស​ទាំង​នោះ​ចូលរួម​បោះឆ្នោត​នៅ​ថ្ងៃ​ទី​២៩ ខែ​កក្កដា ឆ្នាំ​២០១៨។

​សារ​នេះ ក៏​បាន​បង្ហាញ​យុទ្ធសាស្ត្រ​បក្ស​កាន់​អំណាច​ទៀត​ថា គណបក្ស​កាន់​អំណាច​ត្រូវ​តែ​ប្រើប្រាស់​អំណាច និង​ផ្ដោត​អារម្មណ៍​លើ​ការ​ទទួល​ខុស​ត្រូវ​ថ្នាក់​ជាតិ​រហូត​ដល់​ថ្ងៃ​បោះឆ្នោត។

​សារ​នោះ​បន្ត​ថា បង្កើត​យុវជន​មួយ​ក្រុម​សម្រាប់​ឃុំ សង្កាត់​នីមួយៗ សម្រាប់​តាមដាន​សកម្មភាព​ខុស​ច្បាប់​របស់​គណបក្ស​ប្រឆាំង។ ផ្លាស់ប្ដូរ​មេ​ភូមិ​ណា​ដែល​ធ្វើ​ការ​បម្រើ​ប្រជាពលរដ្ឋ​ជាដើម។

​ចំណែក​ផែនការ​សម្រាប់​ថ្នាក់​ជាតិ​វិញ មាន​ដូចជា ត្រូវ​ធ្វើ​កំណែ​ទម្រង់​ស្ថាប័ន​រដ្ឋាភិបាល និង​ប្រព័ន្ធ​តុលាការ។ បង្កើន​គោលនយោបាយ​យក​ចិត្ត​ទុក​ដាក់​ផ្ដល់​ជំនួយ​ដល់​អង្គការ​ណា​ដែល​ជួយ​ដល់​គណបក្ស​ប្រជាជន​កម្ពុជា ការ​ស្វែង​រក​ប្រជាប្រិយភាព​សម្រាប់​គណបក្ស​ប្រជាជន​កម្ពុជា មក​វិញ ដែល​កិច្ចការ​នេះ ត្រូវ​ប្រគល់​ជូន​ប្រធាន​រាជបណ្ឌិត្យសភា​កម្ពុជា លោក​បណ្ឌិត សុខ ទូច។

​សារ​នេះ​ក៏​ឲ្យ​ដឹង​ទៀត​ថា គណបក្ស​ប្រជាជន​កម្ពុជា ត្រូវ​យក​ភ្នាក់ងារ ឬ​សកម្មជន​បក្ស​ប្រឆាំង​ដែល​កាល​ពី​មុន​ធ្លាប់​គាំទ្រ​បក្ស​កាន់​អំណាច​នោះ បង្កើន​ការ​ធ្វើ​ការ​ជា​ក្រុម​នៅ​ក្នុង​បក្ស បង្កើន​ការ​ប្រើប្រាស់​ប្រព័ន្ធ​សង្គម (Social Media) រៀបចំ​យុទ្ធសាស្ត្រ​សម្រាប់​ការ​បោះឆ្នោត​ជ្រើសតាំង​សមាជិក​ព្រឹទ្ធសភា និង​បោះឆ្នោត​ជាតិ។

​អនុវត្ត​តាមដាន​ត្រួត​ពិនិត្យ​គណបក្ស​នយោបាយ អង្គការ​សង្គម​ស៊ីវិល វិទ្យុ​អាស៊ីសេរី និង​វិទ្យុ​សំឡេង​សហរដ្ឋអាមេរិក បង្កើន​អ្នក​គាំទ្រ​ដែល​ជា​ក្រុម​យុវជន។ លោក ហ៊ុន សែន នឹង​ទៅ​ធ្វើ​យុទ្ធនាការ​ឃោសនា​ដោយ​ផ្ទាល់ បង្កើត​ក្រុម​សម្រាប់​ធ្វើការ​លើ​កិច្ចការ​បោះឆ្នោត និង​គោលនយោបាយ និង​ផែនការ​យុទ្ធសាស្ត្រ​ជា​ច្រើន​ទៀត។ ក្នុង​សារ​ដោយ​ឡែក​មួយ​ផ្សេង​ទៀត លោក ស៊ុន ចាន់ថុល សរសេរ​ថា ការ​បោះឆ្នោត ឆ្នាំ​២០១៨ ខាង​មុខ ជា​ការ​បោះឆ្នោត​ដែល​គណបក្ស​កាន់​អំណាច​មិន​ងាយ​នឹង​ទទួល​យក​ជ័យជំនះ​បាន។ លោក​សរសេរ​បន្ត​ថា កាល​ពី​​ឆ្នាំ​២០១៣ គណបក្ស​ប្រជាជន​កម្ពុជា ឈ្នះ ៦៨​កៅអី ហើយ​បក្ស​សង្គ្រោះ​ជាតិ​ឈ្នះ ៥៥។ សម្រាប់​ការ​បោះ​ឆ្នោត​ឆ្នាំ​២០១៨ អាសនៈ​សភា​នឹង​កើន​ឡើង​ដល់ ១២៥​អាសនៈ គណបក្ស​ប្រជាជន​កម្ពុជា អាច​ឈ្នះ ៦៥​កៅអី ចំណែក​បក្ស​ប្រឆាំង​អាច​ឈ្នះ ៦០​កៅអី។ ហើយ​សេនារីយោ​អាក្រក់​បំផុត​សម្រាប់​បក្ស​ប្រជាជន​កម្ពុជា គឺ​បក្ស​កាន់អំណាច​បាន ៦៣ និង​បក្ស​ប្រឆាំង​បាន ៦២។ លោក​បន្ត​ថា អ្នក​បោះឆ្នោត​ជា​យុវជន​នឹង​មិន​បោះឆ្នោត​ឲ្យ​បក្ស​ប្រជាជន​កម្ពុជា​ទេ នៅ​ឆ្នាំ​២០១៨៕

ទាក់ទង​ករណី​នេះ សូមលោក​អ្នក​នាង​ស្ដាប់បទសម្ភាសន៍របស់​លោក ជុន ច័ន្ទបុត្រ និង​​បណ្ឌិត ឡៅ ម៉ុងហៃ ដូច​តទៅ។

ស្ដាប់​សំឡេង៖

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (1)
  • បោះពុម្ព
  • ចែករំលែក
  • អ៊ីម៉ែល

All Khmer pple be ready in 2018

We the khmer pple wants Mr.Xi stop to helps this sick man and let him go because the whole world wanted this horrible man out of the power in 2018"let this beggar go to hell",and especially Hun Sen face the world economic sanctions to against this criminal mind and the world most wanted".China still make a friend with a new Cambodia,but not tmil Hun Sen with the world didn't like him.

Jan 15, 2018 07:55 PM

គេហទំព័រ​ទាំងមូល