លិខិតនោះ មានខ្លឹមសារ ៤ចំណុច គឺទី១ អនុញ្ញាតឲ្យគណបក្សសង្គ្រោះជាតិ ធ្វើបាតុកម្មដោយសន្តិវិធី នៅថ្ងៃទី១៥ កញ្ញា ចាប់ពីម៉ោង ៦ព្រឹក ដល់ម៉ោង ៦ល្ងាច នៅទីលានប្រជាធិបតេយ្យ។ ហាមការប្រមូលផ្តុំ និងការស្នាក់នៅពេលយប់នៅទីលានប្រជាធិបតេយ្យ ឬកន្លែងសាធារណៈផ្សេងទៀត ដែលអាចប៉ះពាល់ធ្ងន់ធ្ងរដល់សេចក្តីស្ងប់ស្ងៀមសាធារណៈ សណ្ដាប់ធ្នាប់សង្គម និងការបង្កគ្រោះថ្នាក់ដល់សន្តិសុខជាតិ។
ទី២ មិនអនុញ្ញាតឲ្យធ្វើបាតុកម្មនៅថ្ងៃទី១៦ និង ១៧ កញ្ញា ឡើយ ដោយហេតុថា កាលបរិច្ឆេទនេះត្រូវចំថ្ងៃសិស្សប្រឡងសញ្ញាបត្រមធ្យមសិក្សាបឋមភូមិ នៅរាជធានីភ្នំពេញ និងខេត្តទូទាំងប្រទេស។ ទី៣ អនុញ្ញាតឲ្យបាតុករចូលរួមក្នុងចំនួនមិនលើសពី ១ម៉ឺននាក់ ដែលជាចំនួនអតិបរមា សមាមាត្រទៅនឹងទំហំទីលានប្រជាធិបតេយ្យ។ ទី៤ បាតុកម្មដោយសន្តិវិធីនេះ ត្រូវដំណើរការនៅទីលានប្រជាធិបតេយ្យតែមួយគត់ និងហាមហែក្បួនបាតុកម្ម ឬដង្ហែញត្តិតាមដងផ្លូវនានាក្នុងរាជធានីភ្នំពេញ ដូចដែលបានព្រមព្រៀងគ្នារវាងសាលារាជធានីភ្នំពេញ និងតំណាងគណបក្សសង្គ្រោះជាតិ ក្នុងកំណត់ហេតុប្រជុំចុះថ្ងៃទី១១ កញ្ញា ឆ្នាំ២០១៣។
លិខិតនេះ ក្រសួងមហាផ្ទៃ ផ្ញើជូនអភិបាលនៃគណៈអភិបាលរាជធានីភ្នំពេញ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖
ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។