លិខិតឆ្លើយតបទៅកាន់ប្រធានគណបក្សខ្មែរឈប់ក្រ លោក ក្រវ៉ាញ ដារ៉ន ដែលមានចំណារពី លោក ស ខេង ឧបនាយករដ្ឋមន្ត្រី និងជារដ្ឋមន្ត្រីក្រសួងមហាផ្ទៃ បានបញ្ជាក់ថា ការបដិសេធនេះធ្វើឡើងដើម្បីរក្សាស្ថិរភាពនយោបាយ សន្តិសុខ សុវត្ថិភាពសង្គម និងដោយសារលទ្ធផលបោះឆ្នោតបណ្ដោះអាសន្ននៅមិនទាន់ត្រូវបានចេញផ្សាយជាផ្លូវការដោយគណៈកម្មាធិការជាតិរៀបចំការបោះឆ្នោតនៅឡើយ។
ថ្វីបើគណបក្សខ្មែរឈប់ក្រ ច្រានចោលលទ្ធផលបណ្ដោះអាសន្ននៃការបោះឆ្នោតដូចគណបក្សសង្គ្រោះជាតិ ក៏ដោយ ក៏គណបក្សនេះអះអាងថា នឹងមិនចូលរួមធ្វើបាតុកម្មជាមួយគណបក្សប្រឆាំងដែរ លុះត្រាតែការតវ៉ានោះធ្វើឡើងក្នុងលក្ខណៈជាកូដកម្ម។ នេះបើតាមប្រសាសន៍របស់អគ្គលេខាធិការរងគណបក្សខ្មែរឈប់ក្រ លោក ស៊ូ បុត្រា៖ «ខ្ញុំបានស្ដាប់ប្រសាសន៍លោកប្រធាន គាត់បានមានប្រសាសន៍នោះ គឺទាក់ទងនឹងការធ្វើកូដកម្ម ហើយខ្ញុំបានបដិសេធមិនធ្វើបាតុកម្ម ប៉ុន្តែបើសិនក្នុងករណីធ្វើកូដកម្មអហិង្សា អាហ្នឹង គឺយើងចូលរួមបាទ! ពីព្រោះបាតុកម្មវាធ្វើឲ្យមានបញ្ហាកើតឡើង ហើយវាធ្វើឲ្យប្រជាពលរដ្ឋមានការភ័យខ្លាច មានសង្គ្រាមកើតឡើង។ ប៉ុន្តែទាក់ទងនឹងការធ្វើកូដកម្ម មានន័យថា អហិង្សា នៅមួយកន្លែង រក្សានូវភាពស្ងៀមស្ងាត់ ប៉ុន្តែយើងបញ្ចេញនូវឆន្ទៈទាមទារចង់បានអ្វីមួយ»៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖
ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។