លិខិតសរសេរថា សព្វថ្ងៃមានអង្គការសមាគមមួយចំនួន កំពុងផ្តល់ការគាំទ្រដល់បុគ្គល និងគណបក្សនយោបាយមួយ តាមរយៈការធ្វើសកម្មភាពនានា ដូចជាការអំពាវនាវអោយពលរដ្ឋបោះឆ្នោតគាំទ្រគណបក្សនយោបាយមួយ ឬការធ្វើចលនាអោយប្រជាពលរដ្ឋធ្វើបាតុកម្មតវ៉ាប្រឆាំងទៅនឹងបុគ្គល ឬគណបក្សនយោបាយមួយ ឬស្ថាប័នរបស់ជាតិ ឬរបស់រដ្ឋាភិបាល ឬលទ្ធផលនៃការបោះឆ្នោតជ្រើសតាំងតំណាងរាស្ត្រជាដើម។ សកម្មភាពទាំងនោះ មានលក្ខណៈផ្ទុយពីលក្ខន្តិកៈរបស់អង្គការសង្គមស៊ីវិល សមាគម ឬអង្គការមិនមែនរដ្ឋាភិបាល ដែលបានតម្កល់ទុកនៅក្រសួងមហាផ្ទៃ និងច្បាប់នានាជាធរមាន។
ទោះបីជាយ៉ាងណាក៏ដោយ លិខិតមិនបានបញ្ជាក់ឈ្មោះគណបក្សនយោបាយដែលថាមានអង្គការសង្គមស៊ីវិល ជួយគាំទ្រពីក្រោយនោះទេ ហើយលិខិតក៏មិនបានបញ្ជាក់ឈ្មោះអង្គការ សមាគមដែលគាំទ្រគណបក្សនយោបាយមួយនោះដែរ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖
ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។