អ្នកស្រី អ៊ុង សាន ស៊ូជី (Aung San Suu Kyi) មេដឹកនាំគណបក្សប្រឆាំង នៅថ្ងៃទី១១ ខែវិច្ឆិកា អះអាងថា ប្រធានាធិបតីប្រទេសមីយ៉ាន់ម៉ា ឬ ភូមា បានសន្យានឹងផ្តល់អំណាចទៅគណបក្សប្រឆាំងដោយសន្តិវិធី។
ក្នុងលិខិតដែលផ្ញើទៅគណបក្សសម្ព័ន្ធជាតិដើម្បីលទ្ធិប្រជាធិបតេយ្យ (National League for Democracy) ប្រធានាធិបតី ថេន សេន (Thein Sein) បញ្ជាក់ថា ផ្អែកតាមលទ្ធផលរបស់សហព័ន្ធគណៈកម្មាធិការជាតិរៀបចំការបោះឆ្នោត រដ្ឋាភិបាលស្វាគមន៍គណបក្សប្រឆាំងដែលទទួលបានលទ្ធផលនាំមុខក្នុងការបោះឆ្នោត។ លោកបន្តថា រដ្ឋាភិបាលនឹងផ្ទេរអំណាចតាមច្បាប់កំណត់។
ទាក់ទងនឹងលទ្ធផលបោះឆ្នោតនេះដែរ អ្នកស្រី អ៊ុង សាន ស៊ូជី ក៏បានស្នើជួបនឹងមេដឹកនាំយោធា និងប្រធានាធិបតី ដើម្បីបង្កើតរដ្ឋាភិបាលថ្មីយោងទៅតាមលទ្ធផលបោះឆ្នោត។ អ្នកស្រីស្នើឲ្យមេដឹកនាំទាំងអស់គោរពទៅតាមលទ្ធផលបោះឆ្នោត និងឆន្ទៈរបស់ពលរដ្ឋក្នុងការបោះឆ្នោតកាលពីថ្ងៃទី៨ ខែវិច្ឆិកា។ លទ្ធផលបោះឆ្នោតបណ្ដោះអាសន្នបង្ហាញថា គណបក្សអ្នកស្រី អ៊ុង សាន ស៊ូជី ទទួលបានការគាំទ្រប្រមាណ ៩០ភាគរយ។
សូមស្ដាប់កិច្ចពិភាក្សាអំពីលទ្ធផលបោះឆ្នោតនៅប្រទេសមីយ៉ាន់ម៉ា ដូចតទៅ៖
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖
ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។