មន្ត្រីជាន់ខ្ពស់បក្សសង្គ្រោះជាតិ លោក សុន ឆ័យ ថាគណបក្សនៅមិនទាន់សម្រេចឲ្យប្រធានគណបក្សសង្គ្រោះជាតិ លោក សម រង្ស៊ី ត្រឡប់មកកម្ពុជា ទេ លុះត្រាតែមានពេលវេលាសមស្របមកដល់។
ថ្លែងក្នុងសន្និសីទកាសែតនាទីស្នាក់ការកណ្ដាលគណបក្សសង្គ្រោះជាតិ នៅថ្ងៃទី១២ ខែមេសា លោក សុន ឆ័យ មិនទាន់អាចបញ្ជាក់ពីពេលវេលាថា តើ លោក សម រង្ស៊ី នឹងត្រឡប់មកពេលណាទេ? លោកបញ្ជាក់ទៀតថា ប្រសិនបើ លោក សម រង្ស៊ី មកកម្ពុជា នៅពេលនេះ គឺមិនចំណេញដល់ជាតិ និងគណបក្សឡើយ។
លោក សម រង្ស៊ី កំពុងនិរទេសខ្លួននៅក្រៅប្រទេស បន្ទាប់ពីអតីតរដ្ឋមន្ត្រីការបរទេសកម្ពុជា លោក ហោ ណាំងហុង ប្ដឹងលោក ពាក់ព័ន្ធនឹងសំណុំរឿងចាស់នៃបទបរិហារកេរ្តិ៍ កាលពី ៧ឆ្នាំមុន។ បច្ចុប្បន្ន លោក សម រង្ស៊ី កំពុងជាប់ក្ដីនៅតុលាការចំនួន ៣ករណីទៀត៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖
ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។