គណបក្សប្រឆាំងប្រកាសគាំទ្រ និងចូលរួមយុទ្ធនាការ "ថ្ងៃច័ន្ទពណ៌ខ្មៅ" ដើម្បីបង្ហាញនូវសាមគ្គីភាពជាមួយប្រជាពលរដ្ឋទូទៅ និងអង្គការក្រៅរដ្ឋាភិបាលដែលកំពុងទាមទារឲ្យដោះលែងមន្ត្រីសិទ្ធិមនុស្សមកវិញ។
ប្រធានគណបក្សសង្គ្រោះជាតិ លោក សម រង្ស៉ី ដែលកំពុងរស់នៅនិរទេសខ្លួននៅក្រៅប្រទេស បានផ្ញើសារជាវីដេអូឃ្លិបខ្លីមួយ ចូលរួមយុទ្ធនាការនេះតាមទំព័រហ្វេសប៊ុក (Facebook) របស់លោក កាលពីថ្ងៃច័ន្ទ ទី៩ ខែឧសភា៖ «ពណ៌ខ្មៅជានិមិត្តរូបនៃភាពខ្មៅងងឹត ឧបទ្រព ការរំលោភសិទ្ធិមនុស្ស ប្រជាពលរដ្ឋ ដូច្នេះយើងត្រូវរួមកម្លាំងគ្នាបញ្ចប់ភាពខ្មៅងងឹតឧបទ្រព បញ្ចប់អំណាចផ្ដាច់ការ ដើម្បីនាំមកនូវសិទ្ធិ សេរីភាព និងប្រជាធិបតេយ្យពេញលេញ ពិតប្រាកដជូនប្រជាពលរដ្ឋខ្មែរនៅពេលឆាប់ខាងមុខនេះ»។
កាលពីថ្ងៃទី៩ ខែឧសភា លោក សម រង្ស៉ី ក៏បានស្លៀកពាក់ខោខ្មៅ អាវខ្មៅដែរ ហើយបានថ្លែងចាត់ទុកការចាប់ខ្លួនមន្ត្រីសិទ្ធិមនុស្សថា គឺជារឿងអយុត្តិធម៌បំផុត ដែលចាំបាច់ត្រូវមានកិច្ចអន្តរាគមន៍ឲ្យដោះលែងពួកគេមកវិញជាបន្ទាន់៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖
ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។