"លោក ហ៊ុន សែន មិនមែន​ជា​គំរូ​នៃ​ការ​ផ្លាស់ប្ដូរ​សង្គម"

ដោយ​ ជី វិតា
2015-09-06
អ៊ីម៉ែល
មតិ
ចែករំលែក
បោះពុម្ព
  • បោះពុម្ព
  • ចែករំលែក
  • មតិ
  • អ៊ីម៉ែល
លោក ហ៊ុន សែន ថ្លែង​ក្នុង​ពិធី​សម្ពោធ​ដាក់​ឲ្យ​ប្រើប្រាស់​ស្ពាន​មិត្តភាព​កម្ពុជា-ចិន នា​ខេត្ត​ស្ទឹងត្រែង នៅ​ថ្ងៃ​ទី០១ ខែ​មេសា ឆ្នាំ​២០១៥។
លោក ហ៊ុន សែន ថ្លែង​ក្នុង​ពិធី​សម្ពោធ​ដាក់​ឲ្យ​ប្រើប្រាស់​ស្ពាន​មិត្តភាព​កម្ពុជា-ចិន នា​ខេត្ត​ស្ទឹងត្រែង នៅ​ថ្ងៃ​ទី០១ ខែ​មេសា ឆ្នាំ​២០១៥។
RFA/Brach Chev

មន្ត្រី​ជាន់​ខ្ពស់​នៃ​អង្គការ​ឃ្លាំមើល​សិទ្ធិមនុស្ស​អន្តរជាតិ យូមែន រ៉ៃត៍ វ៉ច្ឆ (Human Rights Watch) អោយ​ដឹង​ថា  លោក​នាយករដ្ឋមន្ត្រី ហ៊ុន សែន មិន​មែន​ជា​សាស្ត្រាចារ្យ​នៃ​ការ​ផ្លាស់ប្ដូរ​ដូច​ការ​អះអាង​របស់​គាត់​នោះ​ទេ។

ការ​ប្រើ​ល្បិច និង​ការ​ប្រកាស​នៅ​បន្ត​កាន់​អំណាច​រហូត​ដល់​អាយុ​ជិត ១០០​ឆ្នាំ​របស់​គាត់ ឆ្លុះ​បញ្ចាំង​ពី​ការ​មិន​ផ្លាស់ប្ដូរ។ ក្រោម​ការ​ដឹកនាំ​របស់​លោក ហ៊ុន សែន កម្ពុជា​មាន​បញ្ហា​សង្គម​ជា​ច្រើន​មិន​អាច​ដោះស្រាយ​ចេញ ហើយ​ថែមទាំង​ប្រែប្រួល​ទៅ​រក​ស្ថានការណ៍​អាក្រក់​ទៀត​ផង។

តើ​លោក​នាយករដ្ឋមន្ត្រី ហ៊ុន សែន អាច​មាន​គុណសម្បត្តិ​គ្រប់គ្រាន់​ជា​សាស្ត្រាចារ្យ​គំរូ​សម្រាប់​ប្រធានាធិបតី​សហរដ្ឋអាមេរិក និង​នាយករដ្ឋមន្ត្រី​នៃ​ប្រទេស​ផ្សេង​ទៀត​បាន​ទេ?

លោក ប៊្រែដ អាដាម ប្រតិកម្ម​តប​លោក ហ៊ុន សែន

មាន​ប្រតិកម្ម​ទៅ​នឹង​ការ​អះអាង​របស់​លោក​នាយករដ្ឋមន្ត្រី ហ៊ុន សែន ដែល​ថា លោក​អាច​បង្រៀន​ប្រធានាធិបតី​សហរដ្ឋអាមេរិក និង​នាយករដ្ឋមន្ត្រី​នៃ​ប្រទេស​ផ្សេងៗ​អំពី​ការ​ផ្លាស់ប្ដូរ​នោះ លោក ប្រ៊ែដ អាដាម (Brad Adams) នាយក​ប្រតិបត្តិ​នៃ​អង្គការ​ឃ្លាំមើល​សិទ្ធិមនុស្ស​អន្តរជាតិ យូមែន រ៉ៃត៍ វ៉ច្ឆ ទទួល​បន្ទុក​តំបន់​អាស៊ី មាន​ប្រសាសន៍​ថា លោក​អត់​ផ្ទុះ​សំណើច​មិន​បាន​នៅ​ពេល​លោក​ឮ​ដូច្នេះ។

ទោះ​ជា​យ៉ាង​ណា លោក​ថា ផ្អែក​តាម​ការ​ជាក់ស្ដែង លោក​នាយករដ្ឋមន្ត្រី ហ៊ុន សែន អាច​ជា​គ្រូ​ដ៏​ពូកែ​ម្នាក់​បង្រៀន​មេដឹកនាំ​ជុំវិញ​ពិភពលោក​អំពី​វិធីសាស្ត្រ​ក្នុង​ការ​កាន់​អំណាច​បាន​យូរ​តាម​រយៈ​អំពើ​ពុករលួយ និង​ការ​គំរាមកំហែង៖ «ខ្ញុំ​គិត​ថា លោក ហ៊ុន សែន គឺ​ជា​សាស្ត្រាចារ្យ​ផ្នែក​រំលោភ​សិទ្ធិមនុស្ស និង​ផ្ដាច់ការ។ ខ្ញុំ​មិន​គិត​ថា មាន​មេដឹកនាំ​ប្រទេស​ណា​មួយ​ចង់​រៀន​ពី​គាត់​ទេ ពីព្រោះ​គាត់​បាន​ដឹកនាំ​ប្រទេស​ពោរពេញ​ទៅ​ដោយ​ការ​រំលោភ​សិទ្ធិមនុស្ស  មិន​មាន​ការ​បោះឆ្នោត​ដោយ​សេរី និង​យុត្តិធម៌។ លោក ហ៊ុន សែន និង​មន្ត្រី​ជុំវិញ​ខ្លួន​គាត់​ប្រព្រឹត្ត​អំពើ​ពុករលួយ​យ៉ាង​ខ្លាំង។ នៅ​ពេល​គាត់​លើក​ឡើង​ថា គាត់​ជា​សាស្ត្រា​ចារ​នៃ​ការ​ផ្លាស់ប្ដូរ​នោះ ធ្វើ​អោយ​ខ្ញុំ​ហួសចិត្ត​និយាយ​លែង​ចេញ ពីព្រោះ​លោក ហ៊ុន សែន កាន់​អំណាច​ជាង ៣០​ឆ្នាំ​ហើយ នោះ​ហើយ​ជា​ការ​មិន​ផ្លាស់ប្ដូរ​គណបក្ស​ប្រជាជន​កម្ពុជា កាន់​អំណាច​ជាង ៣៦​ឆ្នាំ​ហើយ  នោះ​ហើយ​ដែល​ជា​ការ​មិន​ផ្លាស់ប្ដូរ ។ មន្ត្រី​គណបក្ស​ប្រជាជន​កម្ពុជា មុខ​ដដែលៗ​ច្រើន​នាក់​ណាស់​ដែល​កាន់​តំណែង​ជា​រដ្ឋមន្ត្រី​ជាង ២០​ឆ្នាំ​ហើយ ដោយ​គ្មាន​ការ​ផ្លាស់ប្ដូរ ហើយ​លោក ហ៊ុន សែន  ខ្លួន​ឯង​ប្រកាស​ថា គាត់​នឹង​នៅ​កាន់​អំណាច​យូរ​​ទៅ​មុខ​ទៀត នោះ​ហើយ​ជា​ការ​មិន​មាន​ការ​ផ្លាស់ប្ដូរ។  ដើម្បី​ខ្លួន​គាត់ និង​គណបក្ស​ប្រជាជន​កម្ពុជា បន្ត​កាន់​អំណាច​បាន​យូរ​ទៅ​មុខ លោក ហ៊ុន សែន ដែល​ពូកែ​ខាង​នយោបាយ បាន​ប្រើ​ល្បិចកល​កខ្វក់​ក្នុង​ការ​បំបែកបំបាក់ គាបសង្កត់ និង​បង្ក្រាប​មនុស្ស​ដែល​ប្រឆាំង​នឹង​គាត់»

ប៊្រែដ អាដាម ៦២០
នាយក​ប្រតិបត្តិ​ទទួល​បន្ទុក​កិច្ចការ​តំបន់​អាស៊ី​របស់​អង្គការ យូមែន រ៉ៃត៍ វ៉ច្ឆ (Human Rights Watch) លោក ប្រ៊ែដ អាដាម (Brad Adams) ផ្ដល់​បទសម្ភាសន៍​ដល់​វិទ្យុ​អាស៊ីសេរី កាល​ពី​ថ្ងៃ​ទី​៦ កុម្ភៈ ២០១៥។ RFA/Yun Samean RFA/Yun Samean

​កាល​ពី​ថ្ងៃ​ទី​២២ ខែ​សីហា ឆ្នាំ​២០១៥ នៅ​ឯ​មជ្ឈមណ្ឌល​ពិព័រពណ៍ និង​សន្និបាត​កោះ​ពេជ្រ ក្នុង​ពិធី​ជួបជុំ​ពិសា​ភោជនាហារ​សាមគ្គី ដែល​រៀបចំ​ឡើង​ដោយ​សមាគម​អ្នក​ឧកញ៉ា លោក​នាយករដ្ឋមន្ត្រី ហ៊ុន សែន មាន​ប្រសាសន៍​ថា  លោក​បាន​ប្រាប់​ទៅ​អតីត​ឯកអគ្គរាជទូត​សហរដ្ឋអាមេរិក ដែល​ផុត​អាណត្តិ ដែល​លោក​បាន​ជួប​ថា លោក​អាច​ធ្វើ​ជា​គ្រូបង្រៀន​ប្រធានាធិបតី​សហរដ្ឋអាមេរិក​អំពី "ការ​ផ្លាស់ប្ដូរ"។

លោក ហ៊ុន សែន៖ «ថ្ងៃ​មុន​ខ្ញុំ​ជួប​ជាមួយ​ឯកអគ្គរដ្ឋទូត​អាមេរិក មុន​ពេល​ដែល​ចាកចេញ​ពី​កម្ពុជា។ នៅ​ពេល​ដែល​គាត់​និយាយ​ជាមួយ​ខ្ញុំ គាត់​និយាយ​យ៉ាង​ច្រើន​អំពី​អ្វី​ដែល​ហៅ​ថា ការ​ផ្លាស់ប្ដូរ។ ខ្ញុំ​ក៏​បាន​និយាយ​ទៅ​កាន់​គាត់​វិញ​ថា តើ​អ្នក​ភ្លេច​ទេ ឬ​អ្នក​កំពុង​និយាយ​អ្នក​ណា? ឯកឧត្ដម​កំពុង​និយាយ​ជាមួយ​អ្នក​ណា? ឯកឧត្ដម​ពិត​ជា​កំពុង​និយាយ​ជាមួយ​សាស្ត្រាចារ្យ​ម្នាក់​ដែល​អាច​បង្រៀន​ឯកឧត្ដម ឬ​ប្រធានាធិបតី​ប្រទេស​ឯកឧត្ដម ឬ​នាយករដ្ឋមន្ត្រី​ប្រទេស​ផ្សេង​លើ​បញ្ហា​ការ​ផ្លាស់ប្ដូរ»

ចំណុច​វិជ្ជមាន និង​អវិជ្ជមាន​ក្រោម​ការ​ដឹកនាំ​របស់​លោក ហ៊ុន សែន

ក្នុង​រយៈពេល ៣០​ឆ្នាំ ក្រោម​ការ​ដឹកនាំ​របស់​លោក​នាយករដ្ឋមន្ត្រី ហ៊ុន សែន ការ​ផ្លាស់ប្តូរ​ពិតជា​កើត​មាន​ទាំង​ចំណុច​វិជ្ជមាន និង​អវិជ្ជមាន។ ឧទាហរណ៍៖ ការ​បញ្ចប់​សង្គ្រាម​ជាមួយ​ខ្មែរ​ក្រហម និង​ការ​ជួយ​អោយ​កម្ពុជា ត្រឡប់​ចូល​ទៅ​ក្នុង​ឆាក​អន្តរជាតិ​វិញ ក្លាយ​ជា​សមាជិក​អង្គការ​ពាណិជ្ជកម្ម​ពិភពលោក (WTO) ជា​សមាជិក​សមាគម​ប្រជាជាតិ​អាស៊ីអាគ្នេយ៍ (ASEAN) និង​បាន​បង្ក​លក្ខណៈ​អោយ​វិនិយោគិន​បរទេស​ជា​ច្រើន​ចូល​មក​កម្ពុជា ជាដើម។ ប៉ុន្តែ​សម្រាប់​លោក ប្រ៊ែដ អាដាម យល់​ឃើញ​ថា ការ​បញ្ចប់​សង្គ្រាម​ជាមួយ​ខ្មែរ​ក្រហម​គឺ​បណ្ដាល​មក​កត្តា​ខាង​ក្រៅ​ដែល​ខ្មែរ​ក្រហម​លែង​មាន​បរទេស​គាំទ្រ និង​ខ្មែរ​ក្រហម​ខ្លួន​ឯង​នឿយណាយ​លែង​ចង់​ធ្វើ​សង្គ្រាម ហើយ​លោក ហ៊ុន សែន គ្រាន់តែ​ឆក់​ឱកាស​តាម​កាលៈទេសៈ​ប្រែប្រួល​ប៉ុណ្ណោះ។

ចំណែក​ការ​ចូល​ជា​សមាជិក​អង្គការ​ពាណិជ្ជកម្ម​ពិភពលោក និង​អាស៊ាន វិញ លោក​ថា ទោះជា​អ្ន​កណា​ជា​នាយករដ្ឋមន្ត្រី ក៏​កម្ពុជា​អាច​ចូល​បាន​ដែរ។ លោក ប្រ៊ែដ អាដាម បន្ត​ថា ការ​ពិត​ទៅ​គឺ​ដោយសារ​តែ​លោក ហ៊ុន សែន ទេ​ដែល​ធ្វើ​អោយ​សមាគម​ប្រជាជាតិ​អាស៊ី​អាគ្នេយ៍​ពន្យារ​ពេល​ដាក់​បញ្ចូល​កម្ពុជា ទៅ​ជា​សមាជិក​នោះ ពីព្រោះ​ការ​ធ្វើ​រដ្ឋប្រហារ​ឆ្នាំ​១៩៩៧ របស់​លោក ហ៊ុន សែន ធ្វើ​អោយ​អាស៊ាន​ផ្អាក​បញ្ចូល​កម្ពុជា ជា​សមាជិក​ទៅ​តាម​កាល​កំណត់។

ទោះ​ជា​យ៉ាង​ណា​ក៏ដោយ​ចុះ ក្រោម​ការ​ដឹកនាំ​របស់​លោក​នាយករដ្ឋមន្ត្រី ហ៊ុន សែន បញ្ហា​ដែល​មិន​ផ្លាស់ប្ដូរ​ទៅ​រក​ភាព​ល្អ​ប្រសើរ​នោះ​មាន​ច្រើន។

​ជា​ត្រួសៗ ផ្ទុយ​ពី​ច្បាប់​រដ្ឋធម្មនុញ្ញ អំណាច​តុលាការ និង​អង្គ​នីតិប្បញ្ញត្តិ មាន​រដ្ឋ​សភា ព្រឹទ្ធ​សភា ស្ថិត​ក្រោម​ឥទ្ធិពល និង​ការ​គាបសង្កត់​របស់​គណបក្ស​កាន់​អំណាច។ រដ្ឋសភា​បាន​ត្រឹម​ជា​ស្ថាប័ន​ចាំ​ប្រថាប់ត្រា តុលាការ​ក្លាយ​ជា​ស្ថាប័ន​បម្រើ​អោយ​ផលប្រយោជន៍​នយោបាយ។  កង​ប្រដាប់​អាវុធ​ដែល​មាន​កាតព្វកិច្ច​បម្រើ​រដ្ឋ បែរ​ជា​ប្រកាស​ស្មោះស្ម័គ្រ​បម្រើ​បក្ស។ អំពើ​ពុករលួយ​ស្ថិត​ក្នុង​ចំណោម​ប្រទេស​ពុករលួយ​ខ្ពស់​បំផុត។ ការ​អនុវត្ត​ច្បាប់​មាន​ការ​រើសអើង ហើយ​អំពើ​និទណ្ឌភាព​ស្ថិត​ក្នុង​ស្ថានភាព​អាក្រក់ ដែល​ក្នុង​នោះ​ឃាតក​បាញ់​សម្លាប់​អ្នក​សារព័ត៌មាន មេដឹកនាំ​សហជីព អ្នក​នយោបាយ សកម្មជន​ការពារ​សិទ្ធិមនុស្ស និង​ព្រៃឈើ ព្រះសង្ឃ និង​តារា​សម្ដែង​ល្បីៗ រាប់​សិប​នាក់ គិត​ពី​ឆ្នាំ​១៩៩៣ មក មិន​ត្រូវ​បាន​ចាប់​ខ្លួន​មក​ផ្ដន្ទាទោស។ ការ​គាបសង្កត់​សេរីភាព​សំដែង​មតិ​កាន់​តែ​មាន​លក្ខណៈ​ជា​ប្រព័ន្ធ តាម​រយៈ​ធ្វើ​ច្បាប់​បំពាន​លើ​រដ្ឋ​ធម្មនុញ្ញ និង​ការ​ប្រើ​កម្លាំង​សន្តិសុខ​បង្ក្រាប​បាតុករ​អហិង្សា។ កម្មវិធី​វិមជ្ឈការ ឬ​ការ​ផ្ទេរ និង​ផ្ដល់​អំណាច​អោយ​អាជ្ញាធរ​ឃុំ​ធ្វើ​ការ​អភិវឌ្ឍ​នៅ​មូលដ្ឋាន​មិន​បាន​ជោគជ័យ។

​ការ​កាប់​បំផ្លាញ​ព្រៃឈើ​បំពាន​ច្បាប់​ដឹក​ទៅ​ក្រៅ​ប្រទេស​កាន់តែ​មាន​សភាព​ធ្ងន់ធ្ងរ ឆ្ពោះ​ទៅ​រក​ភាព​វិនាស​សាបសូន្យ។ អ្នក​តវ៉ា​ច្រើន​អាច​ត្រូវ​ចាប់​ដាក់គុក ឬ​បាញ់​សម្លាប់។  វិបត្តិ​ដីធ្លី​មិន​អាច​ដោះស្រាយ​បាន​កើត​មាន​ពាសពេញ​ផ្ទៃ​ប្រទេស  សូម្បី​តែ​ជម្លោះដីធ្លី​នៅ​សហគមន៍​បុរីកីឡា និង​បឹងកក់ ក្បែរ​ច្រមុះ​រដ្ឋាភិបាល ទុក​អូស​បន្លាយ​រាប់​ឆ្នាំ​ដោះស្រាយ​មិន​ចេញ នោះ​ក៏​ដោយសារ​តែ​ម្ចាស់​ក្រុមហ៊ុន​ស្និទ្ធ​នឹង​លោក​នាយករដ្ឋមន្ត្រី ហ៊ុន សែន។ មនុស្ស​ចាស់​ដែល​គ្មាន​ទី​ពឹង រដ្ឋ​គ្មាន​កម្មវិធី​ជួយ។ ពលរដ្ឋ​ប្រមាណ ១​លាន​នាក់​ចំណាក​ស្រុក​ឡើង​ស្ងាត់​ភូមិ ទៅ​ធ្វើ​ការ​នៅ​ប្រទេស​ជិត​ខាង​ដោយសារ​​គ្មាន​ការងារ​ធ្វើ​ក្នុង​ប្រទេស។ ខណៈ​មេដឹកនាំ ឬ​មន្ត្រី​មួយ​ចំនួន​មាន​ទ្រព្យ​សម្បត្តិ​កប់​ពពក កម្ពុជា​នៅ​តែ​សុំ និង​ខ្ចី​លុយ​គេ​ដើម្បី​យក​មក​ចំណាយ និង​បំពេញ​ប្រាក់ខែ​អោយ​មន្ត្រី​រាជការ​របស់​ខ្លួន ហើយ​ថ្មីៗ​នេះ​ទៀត លោក​នាយករដ្ឋមន្ត្រី ហ៊ុន សែន ទើបតែ​ដឹង​ថា រដ្ឋាភិបាល​របស់​លោក​ជំពាក់​ប្រាក់ខែ​សាកសព​អតីត​យុទ្ធជន​ជាង ១,៥​លាន​ដុល្លារ។

ទស្សនៈ​របស់​​លោក បារ៉ាក់ អូបាម៉ា ស្ដីពី​ការ​ផ្លាស់ប្ដូរ

​តើ​មេដឹកនាំ​នៃ​ប្រទេស​មួយ​ដែល​ត្រូវ​គេ​មើល​ឃើញ​ថា បាន​ដឹកនាំ​ប្រជាជាតិ​កើត​មាន​វិបត្តិ​ធ្ងន់ធ្ងរ និង​មិន​អាច​ដោះស្រាយ​បញ្ហា​ក្នុង​ប្រទេស​ខ្លួន​ឯង​បាន​បែប​នេះ អាច​ធ្វើ​អោយ​មេដឹកនាំ​នៃ​ប្រទេស​ដទៃ ដូចជា​សហរដ្ឋអាមេរិក ទទួល​យក​ជា​គំរូ​បាន ឬ​ទេ? គ្មាន​នរណា​អាច​ឆ្លើយ​នឹង​សំណួរ​នេះ​ជួស​មេដឹកនាំ​សហរដ្ឋអាមេរិក​បាន​ទេ។

ពលរដ្ឋ​តវ៉ា​សុំ​ឲ្យ​បារ៉ាក់​អូបាម៉ា ជួយ​អន្តរាគមន៍ ៣០៥
ពលរដ្ឋ​អ្នក​តវ៉ា​នៅ​មុខ​ទូត​អាមេរិក កាន់​រូបថត​លោក បារ៉ាក់ អូបាម៉ា (Barack Obama) ប្រធានាធិបតី​សហរដ្ឋ​អាមេរិក និង​អ្នកស្រី ហ៊ីលឡារី គ្លីនតុន (Hillary Clinton) សុំ​ឲ្យ​ជួយ​អន្តរាគមន៍​ដល់​រដ្ឋាភិបាល​កម្ពុជា ក្នុង​ករណី​ទំនាស់​ដីធ្លី​របស់​ពួក​គាត់ កាល​ពី​ថ្ងៃ​ទី១២ ខែ​វិច្ឆិកា ឆ្នាំ​២០១២។ RFA RFA

ទោះ​ជា​យ៉ាង​ណា ថ្លែង​នៅ​ក្នុង​ប្រទេស​អេត្យូពី (Ethiopia) កាល​ពី​ថ្ងៃ​ទី​២៨ ខែ​កក្កដា ឆ្នាំ​២០១៥ លោក​ប្រធានាធិបតី បារ៉ាក់ អូបាម៉ា (Barack Obama) មាន​ប្រសាសន៍​ជា​ទូទៅ​ថា មាន​មេដឹកនាំ​ខ្លះ​មិន​ចង់​អោយ​មាន​ការ​ផ្លាស់ប្ដូរ​ទេ ចង់តែ​នៅ​ក្រាញ​អំណាច​ជា​រៀង​ហូត ដោយ​គិត​ថា មាន​តែ​ខ្លួនឯង​ទេ​ដែល​អាច​គ្រប់គ្រង​ប្រទេស​បាន។

លោក​ថា គេ​គួរ​តែ​បើក​ឱកាស​អោយ​មាន​អ្នកដឹកនាំ​ថ្មី ដែល​មាន​ឈាម​ថ្មី និង​ចក្ខុវិស័យ​ថ្មី ចូល​ដឹកនាំ​ប្រទេស​ម្ដង៖ "ខ្ញុំ​សុំ​និយាយ​ដោយ​ស្មោះ ខ្ញុំ​មិន​យល់​ចំណុច​នេះ​សោះ! ខ្ញុំ​កាន់​តំណែង​អាណត្តិ​ទី​ពីរ វា​ជា​មហា​កិត្តិយស​មួយ​ដែល​ខ្ញុំ​បាន​ធ្វើ​ជា​ប្រធានាធិបតី​នៃ​សហរដ្ឋអាមេរិក។ ខ្ញុំ​មិន​ស្រមៃ​ថា អាច​នឹង​រក​កិត្តិយស និង​ការងារ​ណា​ប្រសើរ​ជាង​នេះ​ទេ។ ខ្ញុំ​ស្រឡាញ់​តំណែង​ខ្ញុំ។ ប៉ុន្តែ​តាម​ច្បាប់​រដ្ឋធម្មនុញ្ញ ខ្ញុំ​មិន​អាច​ឈរ​ឈ្មោះ​បោះ​ឆ្នោត​ទៀត​ទេ។ ខ្ញុំ​គិត​ថា ខ្ញុំ​ជា​ប្រធានាធិបតី​ល្អ បើ​ខ្ញុំ​ឈរ​ឈ្មោះ ខ្ញុំ​នឹង​ជាប់​ទៀត តែ​ខ្ញុំ​មិន​អាច​ធ្វើ​បាន​ឡើយ"

លោក អូបាម៉ា មាន​ប្រសាសន៍​បន្ត​ដូច្នេះ៖ "មាន​ការងារ​ច្រើន​ទៀត​ណាស់​ដែល​ខ្ញុំ​អាច​ជួយ​ជំរុញ​សហរដ្ឋអាមេរិក អោយ​ជឿនលឿន​ទៅ​មុខ​ទៀត តែ​ច្បាប់​គឺ​ជា​ច្បាប់ គ្មាន​នរណា​ម្នាក់​នៅ​ពី​លើ​ច្បាប់​បាន​ទេ ទោះជា​ប្រធានាធិបតី​ក៏​ដោយ។ ខ្ញុំ​សុំ​និយាយ​ដោយ​ស្មោះ ខ្ញុំ​ទន្ទឹង​ចាំ​ជីវិត​រស់​នៅ​មួយ​ក្រោយ​ឈប់​ធ្វើ​ប្រធានាធិបតី។ ខ្ញុំ​នឹង​មិន​មាន​កង​សន្តិសុខ​យ៉ាង​ច្រើន​នៅ​ជុំវិញ​ខ្លួន​គ្រប់​ពេល​ទៀត​ទេ។ នេះ​មាន​ន័យ​ថា ខ្ញុំ​អាច​ដើរ​បាន​ដោយ​សេរី។ ខ្ញុំ​អាច​បាន​ចំណាយ​ពេល​ជាមួយ​គ្រួសារ​ខ្ញុំ។ ខ្ញុំ​ក៏​នៅតែ​អាច​រក​វិធី​នានា​ដទៃ​ទៀត​ដើម្បី​បម្រើ​ប្រទេស​ខ្ញុំ។ ខ្ញុំ​អាច​មក​លេង​ទ្វីប​អាហ្វ្រិក បាន​ញឹក​ជាង។ អ្វី​ដែល​ខ្ញុំ​ចង់​និយាយ គឺ​ថា ហេតុ​អ្វី​មនុស្ស​ខ្លះ​ចង់​កាន់​អំណាច​យូរ​ម្ល៉េះ? ជាពិសេស​ពេល​ដែល​ពួកគេ​មាន​លុយ​ច្រើន​ហូរហៀរ?

នៅ​ពេល​អ្នកដឹកនាំ​ដូរ​ច្បាប់ គ្រាន់​តែ​អោយ​គាត់​នៅ​កាន់​អំណាច​បាន​ត​ទៅ​ទៀត វា​នឹង​ធ្វើ​អោយ​មាន​អស្ថិរភាព និង​ទុក្ខវេទនា​ដល់​ប្រជាជន ដូច​ដែល​យើង​ឃើញ​នៅ ប៊ូរុនឌី (Burundi) ហើយ​ជា​ញឹកញយ វា​ជា​ជំហាន​ដំបូង​ក្នុង​ការ​នាំ​ប្រទេស​ជាតិ​ទៅ​កាន់​ជ្រោះ​មហន្តរាយ។ ជួនកាល​យើង​ឮ​អ្នកដឹកនាំ​ណា​ម្នាក់​និយាយ​ថា មាន​តែ​គាត់​ម្នាក់​គត់​ដែល​អាច​ដឹកនាំ​ប្រទេស​បាន។ បើ​អ្វី​ដែល​គាត់​និយាយ​នេះ​ពិត នោះ​គឺ​គាត់​មិន​បាន​កសាង​ប្រទេស​ជាតិ​របស់​គាត់​អោយ​បាន​ត្រឹមត្រូវ​ទេ។

​លោក ណេលសុន មែនដែលឡា (Nelson Mandela) ជា​ឧទាហរណ៍ ក៏ដូចជា លោក ចច្ច វ៉ាស៊ីតោន (George Washington) ដែរ បាន​បន្សល់​កេរ្តិ៍​ឈ្មោះ​យូរអង្វែង មិន​ដោយសារ​តែ​ពី​សកម្មភាព​គាត់​ពេល​កាន់​អំណាច​ទេ តែ​ដោយសារ​តែ​ពួកគាត់​ព្រម​ចុះ​ចេញ​ពី​តំណែង រួច​ផ្ទេរ​អំណាច​ដោយ​សន្តិភាព។ គ្មាន​នរណា​ម្នាក់​គួរ​កាន់​អំណាច​ដឹកនាំ​មួយ​ជីវិត​នោះ​ទេ ហើយ​ប្រទេស​របស់​លោក​អ្នក​ក៏​អាច​នឹង​ប្រសើរ​ជាង​នេះ ប្រសិនបើ​មាន​ឈាម​ថ្មី គំនិត​ថ្មី។ ខ្ញុំ​មាន​វ័យ​នៅ​ក្មេង​ណាស់​នៅ​ឡើយ តែ​ខ្ញុំ​ដឹង​ថា មាន​មនុស្ស​ដទៃ​ទៀត​ដែល​គេ​មាន​ថាមពល​ថ្មី មាន​ចក្ខុវិស័យ​ថ្មី ដែល​ល្អ​សម្រាប់​ប្រទេស​ខ្ញុំ ហើយ​ក្នុង​ករណី​ខ្លះ វា​ក៏​ល្អ​សម្រាប់​ប្រទេស​របស់​លោក​អ្នក​ដែរ"

ការ​ផ្លាស់ប្ដូរ​ដើម្បី​កាន់​អំណាច​របស់​លោក ហ៊ុន សែន

និយាយ​អំពី​ការ​ផ្លាស់ប្ដូរ​ច្បាប់​ដើម្បី​បន្ត​ក្ដាប់​អំណាច កាន់​តំណែង​ជា​នាយករដ្ឋមន្ត្រី លោក ហ៊ុន សែន មិន​រួញរា​នឹង​ធ្វើ​អ្វីៗ​គ្រប់​បែប​យ៉ាង​ដែល​លោក​យល់​ថា ជា​ការ​ចាំបាច់ ក្នុង​នោះ​រួម​មាន​ការ​សម្លុត​គំរាមកំហែង​មេដឹកនាំ​បក្ស​របស់​ខ្លួន ការ​គំរាម​រំលាយ​របប​រាជា​និយម និង​ការ​កែប្រែ​រដ្ឋធម្មនុញ្ញ​ដើម្បី​ធានា​ថា តំណែង​នាយករដ្ឋមន្ត្រី​ត្រូវ​តែ​បាន​មក​លើ​លោក។

​កាល​ពី​ខែ​កក្កដា ឆ្នាំ​២០០៤ លោក ហ៊ុន សែន បាន​បង្កើត​ព្រឹត្តិការណ៍​ប្រវត្តិសាស្ត្រ​មួយ​សម្រាប់​កម្ពុជា បន្ទាប់​ពី​មាន​ការ​ជាប់​គាំង​នយោបាយ​ក្រោយ​ការ​បោះឆ្នោត​ឆ្នាំ​២០០៣។ ប្រព័ន្ធ​នយោបាយ​កម្ពុជា គឺ​ជា​ប្រព័ន្ធ​សភា​និយម។ ក្នុង​ន័យ​នេះ រដ្ឋសភា​ជា​អ្នក​បង្កើត​រាជរដ្ឋាភិបាល ដូច្នេះ​ថ្នាក់ដឹកនាំ​រដ្ឋសភា​ត្រូវ​កើត​មុន​គណៈរដ្ឋមន្ត្រី។ ប៉ុន្តែ​កាល​ពី​ខែ​កក្កដា ឆ្នាំ​២០០៤ ដោយ​ភ័យ​ខ្លាច​តំណាងរាស្ត្រ​មិន​បោះ​ឆ្នោត​អោយ​លោក​ធ្វើ​នាយករដ្ឋមន្ត្រី​ត​ទៅ​ទៀត លោក ហ៊ុន សែន បាន​បង្ខំ​អោយ​មាន​ការ​ធ្វើ​វិសោធនកម្ម​រដ្ឋធម្មនុញ្ញ ដោយ​បង្កើត​អោយ​មាន​បញ្ញត្តិ​ថ្មី​មួយ​ហៅ​ថា "ច្បាប់​រដ្ឋធម្មនុញ្ញ​បន្ថែម"  ដែល​តម្រូវ​អោយ​មាន​កា​របោះ​ឆ្នោត​ជ្រើសរើស​នាយករដ្ឋមន្ត្រី សមាជិក​គណៈរដ្ឋមន្ត្រី និង​ប្រធាន អនុ​ប្រធាន​រដ្ឋសភា និង​ប្រធាន​គណៈកម្មការ​ក្នុង​ពេល​តែមួយ ឬ​ហៅ​ថា បោះឆ្នោត​ជា​កញ្ចប់។ នោះ​មាន​ន័យ​ថា កូន​និង​ឪ​បែរ​ជា​តម្រូវ​អោយ​កើត​ក្នុង​ពេល​តែ​មួយ។

ទោះ​ជា​យ៉ាង​ណា ការ​ធ្វើ​វិសោធនកម្ម​រដ្ឋធម្មនុញ្ញ គឺ​ត្រូវ​ការ​ព្រះហស្តលេខា​របស់​ព្រះមហាក្សត្រ ឬ​ហត្ថលេខា​របស់​ប្រមុខ​រដ្ឋ​ស្ដីទី។ សម្ដេច​ព្រះ នរោត្តម សីហនុ គ្រា​នោះ​ព្រះអង្គ​គង់​នៅ​ក្រៅ​ប្រទេស មិន​ព្រម​ឡាយ​ព្រះហស្តលេខា។ ចំណែក​លោក ជា ស៊ីម ប្រធាន​ព្រឹទ្ធ​សភា​ដែល​មាន​វត្តមាន​នៅ​ក្នុង​ប្រទេស ជា​ប្រមុខ​រដ្ឋ​ស្ដីទី ក៏​មិន​ព្រម​ចុះ​ហត្ថលេខា​ទៀត។ ទាល់ច្រក​ការ​ប្រើ​កម្លាំងបាយ​ក៏​ចាប់​ផ្ដើម ដោយ​លោក ហុក ឡង់ឌី អគ្គស្នងការ​នគរបាល​ជាតិ បាន​ទៅ​ចាប់​បង្ខំ​លោក ជា ស៊ីម ប្រធាន​បក្ស​ប្រជាជន​កម្ពុជា អោយ​ចាក​ចេញ​ពី​ប្រទេស​ទៅ​សម្រាក​ព្យាបាល​ជំងឺ​នៅ​ទីក្រុង​បាងកក ដើម្បី​យក​លេស​បើក​ឱកាស​ប្រើប្រាស់​លោក ញឹក ប៊ុនឆៃ ដែល​ជា​អនុប្រធាន​ព្រឹទ្ធ​សភា អោយ​ក្លាយ​ជា​ប្រមុខ​រដ្ឋ​ស្ដីទី​អាច​ចុះ​ហត្ថលេខា​លើ "ច្បាប់​រដ្ឋធម្មនុញ្ញ​បន្ថែម" នោះ។

​បន្ទាប់ពី​លោក ញឹក ប៊ុនឆៃ ចុះ​ហត្ថលេខា​លើ "ច្បាប់​រដ្ឋធម្មនុញ្ញ​បន្ថែម" ការ​បោះឆ្នោត​ជា​កញ្ចប់​ជ្រើសរើស​ក្បាល​ម៉ាស៊ីន​ដឹកនាំ​គណៈរដ្ឋមន្ត្រី និង​ក្បាល​ម៉ាស៊ីន​ដឹកនាំ​រដ្ឋ​សភា​ក្នុង​ពេល​តែមួយ​ក៏​បាន​ធ្វើ​ឡើង​ភ្លាមៗ ហើយ​លោក ហ៊ុន ហ៊ុន ក៏​បាន​ធ្វើ​ជា​នាយករដ្ឋមន្ត្រី​បន្ត​ទៀត។

​ការ​កែប្រែ​រដ្ឋធម្មនុញ្ញ​នៅ​ពេល​នោះ បាន​រង​ការ​រិះគន់​ខ្លាំង​ពី​អ្នក​វិភាគ​នយោបាយ​នៅ​កម្ពុជា។  លោក​សាស្ត្រាចារ្យ​វិទ្យាសាស្ត្រ​នយោបាយ បណ្ឌិត សុខ ទូច តែង​ហៅ​វិសោធនកម្ម "ច្បាប់​រដ្ឋធម្មនុញ្ញ​បន្ថែម" នោះ​ថា វា​ជា​ការ "ធ្វើ​រដ្ឋប្រហារ​រដ្ឋធម្មនុញ្ញ"។

​បើ​តាម​លោក ប្រ៊ែដ អាដាម នៃ​អង្គការ​ឃ្លាំមើល​សិទ្ធិមនុស្ស​អន្តរជាតិ យូមែន រ៉ៃត៍ វ៉ច្ឆ ក្នុង​ចំណោម​អ្នក​នយោបាយ​ខ្មែរ លោក ហ៊ុន សែន គឺ​ជា​អ្នក​នយោបាយ​ដែល​មាន​ទេពកោសល្យ​ដ៏​ពូកែ​ម្នាក់។ លោក​ថា លោក ហ៊ុន សែន ពូកែ​ប្រើ​ឧបាយ​កល្ប​បំបែកបំបាក់​ដើម្បី​គ្រប់គ្រង។

គណបក្ស​នយោបាយ​ដែល​ធ្លាប់​មាន​ឈ្មោះ​ល្បីៗ ក្នុង​នោះ​មាន​គណបក្ស​រាជា​និយម​ហ៊្វុនស៊ិនប៉ិច ដែល​បង្កើត​ឡើង​ដោយ​សម្ដេច​ព្រះបរមរតនកោដ្ឋ ព្រះ​នរោត្តម សីហនុ និង​គណបក្ស​ប្រជាធិបតេយ្យ​សេរី​និយម​ព្រះពុទ្ធ​សាសនា របស់​លោកតា សឺន សាន សុទ្ធតែ​ត្រូវ​បាន​លោក​នាយករដ្ឋមន្ត្រី ហ៊ុន សែន បំបែក​ខ្ទេច​ដូច​ផេះ។

ទោះ​ជា​យ៉ាង​ក៏​ដោយ​ចុះ ត្រឡប់​មក​និយាយ​អំពី​ការ​មិន​ផ្លាស់ប្ដូរ​វិញ ក្រៅ​តែ​ពី​មាន​នាយករដ្ឋមន្ត្រី​មុខ​ដដែល​ជាង ៣០​ឆ្នាំ​នេះ កម្ពុជា​ក៏​មាន​រដ្ឋមន្ត្រី​មុខ​ដដែលៗ​ជា​ច្រើន​នាក់ ដែល​មិន​ផ្លាស់ប្ដូរ​រសោះ​ជាង ២​ទសវត្ស​កន្លង​មក​នេះ។ ប្រហែលជា​កម្ពុជា នៅ​មាន​មេដឹកនាំ​មុខ​ដដែលៗ មិន​មាន​ឈាម​ថ្មី គំនិត​ថ្មី ចក្ខុវិស័យ​ថ្មី​នេះ​ហើយ ទើប​វិបត្តិ​សង្គម​ជា​ច្រើន​ក៏​មិន​ផ្លាស់ប្ដូរ​ទៅ​រក​ភាព​ល្អ​ប្រសើរ​ដែរ៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (41)
  • បោះពុម្ព
  • ចែករំលែក
  • អ៊ីម៉ែល

Stop your ruthless behavior Mr.dic-Hun Sen

Cambodia News-37+years dictator Hun Sen is the world most wanted and the bogeyman who doesn't care to his own people or other human pain,but only cared of his Cambodian Communist Party"CCP" and himself.In recent news upset broadcast on national tv this tyrant claimed that he doesn't care about the European union aids"450 millions Euro denied",with sanctions or embargoes,and he claims that it isn't hurt to his brutal govn't at all,but it would be hurt to non-govn't organization group"or private groups" who depending on foreign aids would be die soon and is not his ccp govn't die at all "shameful/fiasco".But,this horrible man won't learn a lesson from his comradeship Saddam @ Gaddafi fated deaths"what do 'am wrong people?,and you'll be next monster man.If,the European union,superpower and u.n charter opposed the politic trade with sanctions and embargoes or restrictions put in place against the target countries"like fascist dictators regime" with aim of maintain or restoring international peace and security.This event will put evil dictator Hun Sen in serious consequences"like Saddam/Gaddafi strategic".Let me tell u Mr.bogeyman Hun Sen...sanctions and embargoes are political trade tools,mainly put in place by the United Nations"UN" and the European union"EU".The main aim of all u.n sanctions@embargoes as set out in the u.n charter,is to implement decisions by its security to maintain or restore international peace@security.The EU imposes sanctions@embargoes to further its common foreign@security policy"CFSP" objectives.EU measures can also be imposed to uphold respect for human rights,democracy,liberty@the rule of law .The ultimate objective of a sanction varies according to the situation for instance,an arm embargo and a ban on the export of certain items or raw materials could be aimed at supporting a peace process and restricting the financing of weapons by the combatants.Sanctions may also be aimed at preventing weapons from falling into the wrong hand,disrupting terrorist operations or trying change the policy@actions of the target.So,we recommend to dictator Hun Sen should learn more about sanctions@embargoes policy before being lately...types of sanctions@embargoes are embargoes on exporting or supply arms and associated technical assistance,training@financing...a ban on exporting equipment that might be used for internal repression,financial sanctions on individuals in govn't,govn't bodies and associated companies,or terr groups and individuals associated with those groups.Travel bans on named individual,bans on imports of raw materials or goods from the sanction target.We warning u Mr.dictator Hun Sen...please do not play foul around with the world,u.n@international community and stop your ruthless behavior to the world anymore@ be careful in what u saying@what u mean...?and all sanctions@embargo regime are target.A target restriction is focused on individual pple or organizations.In some cases,a comprehensive restriction is put in place against to particular countries regime.Sanction can also be target at a particular industry such as banning the supply of petroleum and related products"import licensing ban,financial,travel,banned goods,"complying with financial sanctions economic embargo.So,if u have any question please do not hesitate call to your comradeship Saddam/Gaddafi war crime against humanity hotline.

Jun 19, 2016 02:25 PM

How n.VC cloning HunSen as bad dude dictator...

Bogeyman HunSen is conquering to the people's democratic dictatorship,since the first day on January 7,1979 ,with 150,000 n.vc commies foot soldiers war aggression into Cambodia,war looting,war criminal conspiracy,war against humanity and territory plunder with secret reveal to wide out Cambodians from the world map.Mark the fact that n.vc commie party has already lived through since 1979 till today with endorsed dictator HunSen as their puppet govn't with its national scam interest.Everybody can seen n.Hanoi fascist commies govn't acting like a new colony in this 21st century"like Champa-Cham 17th century and Cambodian delta in 19th century"21 provinces taken away 1949s" and last central of Cambodia today,"it means new colony in the block still alive today.HunSen's Cambodia Communist Party"CCP"has its childhood,youth,manhood and old age.The communist party of Cambodia is no longer a child or lad in his teen but has become and adult.When a man reaches old age"HS",he'll die,the same true of a party.When classes disappear all instrument of class struggle"CCP"...parties and the state machinery...will lose the wheel of their function cease to be necessary ,therefore gradually wither away and end his historical mission,and human society will made to a higher stage.We're the opposite of the political parties of the bourgeoisie.They're afraid to speak of the extinction of classes,state power and parties.We,on the contrary,declare openly that we are striving hard to create the very conditions which will bring about their extinction.The leader of the communist party and the state power of the pple's dictatorship are such conditions.Anyone who does not recognized this truth is no communist.Young comrades who born after 1975 and 1979 have not studied khmer history in the past enough will repeat it the sames inner cycle,with only study and worship Ho Chiminh's ideology"HS-sample one",and young comrades have a recently joined the CCP party may not understand the truth.They must understand it to avoid political interest conflict...only then can they've a correct world outlook.They must understand that the road to the abolition of classes to the abolition of state power and to the abolition of parties is the road all mankind must take,it's only a question of time and conditions,the communist the world over wiser than bourgeoisie,they understand the laws governing the existence and development of things,they understand dialectics and they can see farther.The n.Hanoi commie radical pundits who established comrade HunSen's group of like minded individuals who aren't afraid to act aggressively to ensure u "HS"how to hold power grip.In the beginning comrade HunSen can made it clear that anyone who oppose his point of view will have a greatly reduce chance of securing every positions of authority,leadership or privilege.People who oppose u"HS"openly can be"arrest or disappear" and his absence can act as a warning to those who might be temped to speak out.Comrade HunSen would find the biggest media mogul he could and make a deal with him that if this news outlets were entirely supportive during he rise to power and condemned anyone who opposed me"HS"then may ascension to dictatorship wold be joined by the elimination of this opposition and that he would enjoy a monopoly on all forms of media.The trick to becoming a dictator isn't saying"make a Me a Dictator".It's becoming a dictator so gradually that anytime anyone realize,everyone is too scared to say anything"see n.korea comrade junior kim j.un".

Jun 10, 2016 06:04 PM

អ្នក​អាន​អនាមិក

Yes I believe he is a real changing professor in Cambodia.He is a professor of corruption,collecting money,prison major,speaking tambeytamba etc...Who want to be like him? not me for sure maybe Phan Siphes,Chheang Vun,Cheam Yeap and all cpp members.

Jun 07, 2016 12:47 AM

Hun Sen/vietcong's war criminal conspiracy

World news-Cambodia is the world most repressed country live under a dictatorship"37+years Hun Sen's brutal ruled",after the worst world killing fields 1975-1979 of n.vc fascist commies invaded of Cambodia and endorsed its evil vietminh Hun Sen as their puppet govn't.Cambodian citizens still suffering under the rule of hash dictatorship are often strip[ed of political rights and civil liberties.Those who express view differing from state suffer consequences of physical and psychological abuse through the number of dictatorships have been on a decline,but except only one redevil Hun Sen still more thirsty bloods and create more violent.

May 27, 2016 10:05 AM

Koun Khmer

ពី United Stated

We don't believe Hun Sen is PATRIO CAMBODIA !
We BELIEVE Hun Sen SUPPORTING VIETNAM !
LOOKS situation in Cambodia right now ....?

Why everyone of you supporting Nepotism Hun Sen ?
20 % of Nepotism Hun Sen Have a lot Corruption Money
80 % of Cambodian very very POOR .....?

Or you want VIETNAM to Control Cambodia , LOOKS....
Campuchearkrom People live suffering ...?

Mar 15, 2016 01:00 PM

មើល​មតិ​ទាំង​អស់.

គេហទំព័រ​ទាំងមូល