សង្គម​ស៊ីវិល​រិះគន់​ប្រព័ន្ធ​ផ្សព្វផ្សាយ​ថា​ដី​៤,៦​គ.ម​ការ៉េ​ជា​តំបន់​ត្រួត​ស៊ី​គ្នា

នៅ​ថ្ងៃ​ទី​១៧ ខែ​មេសា ឆ្នាំ​២០១៣ ភាគី​ប្រទេស​ថៃ នឹង​ឡើង​បកស្រាយ​ផ្ទាល់​មាត់​អំពី​ទំនាស់​ទាក់ទង​ទៅ​នឹង​ដី​ទំហំ ៤,៦​គីឡូម៉ែត្រ​ការ៉េ នៅ​ជិត​តំបន់​ប្រាសាទ​ព្រះវិហារ នៅ​តុលាការ​យុត្តិធម៌​អន្តរជាតិ នា​ទីក្រុង​ឡាអេ (Hague) ប្រទេស​ហុឡង់ដ៍ (Netherlands)។
ដោយ ខែ សុណង
2013-04-16
អ៊ីម៉ែល
មតិ
ចែករំលែក
បោះពុម្ព
  • បោះពុម្ព
  • ចែករំលែក
  • មតិ
  • អ៊ីម៉ែល
០៦-កុម្ភៈ-២០១០: ទាហាន​ខ្មែរ​នៅ​ខ្សែ​ត្រៀម​តាម​កំពែង​ខាង​មុខ​នៃ​ប្រាសាទ​ព្រះវិហារ ក្នុង​ខែត្រ​ព្រះវិហារ
០៦-កុម្ភៈ-២០១០: ទាហាន​ខ្មែរ​នៅ​ខ្សែ​ត្រៀម​តាម​កំពែង​ខាង​មុខ​នៃ​ប្រាសាទ​ព្រះវិហារ ក្នុង​ខែត្រ​ព្រះវិហារ
RFA Photo/Hang Savyouth

នេះ​ជា​បញ្ហា​ថ្មី​មួយ​ដែល​ប្រព័ន្ធ​ផ្សព្វផ្សាយ​មាន​ការ​ចាប់​អារម្មណ៍​យ៉ាង​ខ្លាំង បើ​ទោះ​ជា​តុលាការ​យុត្តិធម៌​​អន្តរជាតិ​មួយ​នេះ បាន​សម្រេច​សាល​ក្រម ឲ្យ​កម្ពុជា​ទទួល​ជ័យជំនះ​ក្នុង​រឿង​ក្តី​ប្រាសាទ​ព្រះវិហារ​ក៏ដោយ ក៏​រយៈពេល​ជិត​កន្លះ​សតវត្ស​ទៅ​ហើយ ទំនាស់​ប្រាសាទ​ព្រះវិហារ នៅ​តែ​មាន​ទំនាស់​បន្ត​​រហូត​មក​ដល់​សព្វ​ថ្ងៃ​នេះ។

មន្ត្រី​អង្គការ​មិន​មែន​រដ្ឋាភិបាល​រិះគន់​ប្រព័ន្ធ​ផ្សព្វផ្សាយ​កម្ពុជា មួយ​ចំនួន​ដែល​បាន​ផ្សាយ​ថា ដី​ទំហំ​៤,៦​គីឡូម៉ែត្រ​ការ៉េ នៅ​ជិត​តំបន់​ប្រាសាទ​ព្រះវិហារ ដែល​ភាគី​ទាំង​ពីរ គឺ​កម្ពុជា និង ថៃ កំពុង​បកស្រាយ​ទាមទារ​នៅ​តុលាការ​យុត្តិធម៌​អន្តរជាតិ​នៅ​ទី​ក្រុង​ឡាអេ ថា​ជា​តំបន់​ត្រួត​ស៊ី​គ្នា​នោះ គឺ​ជា​ការ​នាំ​ឲ្យ​កម្ពុជា ខាតបង់។

ប្រធាន​មជ្ឈមណ្ឌល​វប្បធម៌​ជាតិ និង​សីលធម៌​សង្គម លោក ប៉ូ សំណាង មាន​ប្រសាសន៍​នៅ​ថ្ងៃ​ទី​១៦ មេសា ថា មាន​ប្រព័ន្ធ​ផ្សព្វផ្សាយ​ខ្លះ​បាន​ផ្សាយ​ថា ដី​ទំហំ ៤,៦​គ.ម.​ការ៉េ នៅ​ជិត​តំបន់​ប្រាសាទ​ព្រះវិហារ ដែល​ភាគី​ទាំង​ពីរ (កម្ពុជា-ថៃ) កំពុង​បកស្រាយ​ទាមទារ​នៅ​តុលាការ​​ទីក្រុង​ឡាអេ ថា​ជា​តំបន់​ត្រួត​ស៊ី​គ្នា។ លោក​យល់​ថា ការ​ផ្សព្វផ្សាយ​ដូច្នេះ នាំ​ឲ្យ​មាន​ការ​យល់​ច្រឡំ។ ជាង​នេះ​ទៅ​ទៀត កម្ពុជា ជា​អ្នក​ខាត​បង់​ទៅ​វិញ។

លោក ប៉ូ សំណាង៖ «សូម​ឲ្យ​ប្រជាជន​ខ្មែរ​យើង​ដឹង​ហើយ​ថា ៤,៦ គឺ​ជា​របស់​ខ្មែរ​ទេ ថៃ​គេ​គូសវាស​តាម​អំពើ​ចិត្ត​គេ ដូច្នេះ​គ្មាន​នរណា​ស្គាល់​ផែនទី​របស់​ថៃ​ទេ។ ថៃ​ហាក់​បី​ដូច​ធ្វើ​ហ្នឹង​ចង់​បាន​មួយ​ចំហៀង​ប្រាសាទ​ព្រះវិហារ​ហ្នឹង​តែ​ម្ដង ដូច្នេះ​យើង​ត្រូវ​ខាត​បង់​ច្រើន​ណាស់។ សូម​ឲ្យ​រដ្ឋាភិបាល​ត្រូវ​ប្រកាន់​ជំហរ​ឲ្យ​បាន​ច្បាស់ ៤,៦ គឺ​គ្មាន​ដី​ថៃ​ទេ គឺ​ជា​ដី​របស់​កម្ពុជា តាំង​ពី​ឆ្នាំ​១៩៦២ ហ្នឹង ប្រាសាទ​ព្រះវិហារ​ហ្នឹង​ប្រគល់​មរតក​មក​ទាំង ៣ ទាំង​ប្រាង្គ​ប្រសាទ​មក​កម្ពុជា រួច​ទៅ​ហើយ។ រដ្ឋាភិបាល​យើង​គាត់​មាន​គោល​ជំហរ​ល្អ​ណាស់ ប៉ុន្តែ​ភាគី​ថៃ ស្អែក​ខាន​ស្អែក​ហ្នឹង គឺ​គេ​កំពុង​បំភាន់​ភ្នែក​អន្តរជាតិ​ហើយ ថា ៤,៦ គីឡូម៉ែត្រ​ការ៉េ មាន​ដី​ថៃ នៅ​ក្នុង​ហ្នឹង។ ដូច្នេះ​គ្មាន​ទេ គឺ​ជា​ការ​គូស​វាស​របស់​ភាគី​ថៃ ពួក​អ្នក​ជ្រុល​និយម​របស់​ថៃ​ទេ»

កាល​ពី​ថ្ងៃ​ទី​១៥ ខែ​មិថុនា ឆ្នាំ​១៩៦២ តុលាការ​យុត្តិធម៌​អន្តរជាតិ​នៅ​ទីក្រុង​ឡាអេ នេះ បាន​សម្រេច​សាលក្រម​ឲ្យ​កម្ពុជា ទទួល​ជ័យជំនះ ក្នុង​រឿង​ក្ដី​ប្រាសាទ​ព្រះវិហារ។

សាលក្រម​ឆ្នាំ​១៩៦២ ផ្អែក​ជា​សំខាន់​ទៅ​លើ​ផែនទី​ដែល​បារាំង គូរ​នៅ​ឆ្នាំ​១៩០៧។ ខាង​ភាគី​ខ្មែរ បកស្រាយ​ថា សាលក្រម​នោះ​បាន​ប្រគល់​មក​ឲ្យ​ខ្មែរ​នូវ​ប្រាសាទ និង​ដី​នៅ​ក្បែរ​ប្រាសាទ​ដែល​កំពុង​មាន​ទំនាស់​នេះ។ ឯ​ភាគី​ថៃ​វិញ បាន​បកស្រាយ​ថា តុលាការ​ក្រុង​ឡាអេ ប្រគល់​តែ​តួ​ប្រាសាទ​ទេ មិន​ប្រគល់​ដី​ឡើយ។ ការ​បកស្រាយ​ខុសគ្នា​នេះ​ហើយ ជា​មូលហេតុ​ចម្បង​ដែល​ជំរុញ​ឲ្យ​កម្ពុជា ស្នើ​ឲ្យ​តុលាការ​ពិភពលោក​នេះ បកស្រាយ​សាលក្រម​នោះ​ម្ដង​ទៀត។

កាល​ពី​ថ្ងៃ​ច័ន្ទ ទី​១៥ ខែ​មេសា តុលាការ​ក្រុង​ឡាអេ បាន​បើក​សវនាការ ដើម្បី​ស្ដាប់​ការ​បកស្រាយ​ផ្ទាល់​មាត់​អំពី​ទំនាស់​ទាក់ទង​ទៅ​នឹង​ដី​ទំហំ ៤,៦​គ.ម.ការ៉េ នៅ​ជិត​តំបន់​ប្រាសាទ​ព្រះវិហារ។

អ្នក​នាំ​ពាក្យ​ទីស្ដីការ​គណៈរដ្ឋមន្ត្រី លោក ផៃ ស៊ីផាន បាន​ស្វាគមន៍​ចំពោះ​មន្ត្រី​សង្គម​ស៊ីវិល​ដែល​បាន​ចាប់​អារម្មណ៍​ចំពោះ​បញ្ហា​នេះ៖ «ខ្ញុំ​សូម​ចាប់​អារម្មណ៍​ខ្ពស់ ហើយ​វាយ​តម្លៃ​ខ្ពស់​ចំពោះ​អង្គការ​សង្គម​ស៊ីវិល ដែល​លោក​មាន​សន្ដាន​ចិត្ត​មួយ​ដែល​មាន​ការ​ចាប់​អារម្មណ៍​ខ្ពស់​អំពី​ផល​ប្រយោជន៍​របស់​កម្ពុជា។ យើង​អត់​មាន​តំបន់​ស​ទេ យើង​គ្មាន​តំបន់ ៤,៦​គីឡូម៉ែត្រ​ការ៉េ​ទេ។ អាស្រ័យ​ទៅ​លើ​ផែនទី​ដងរែក ដែល​ជា​ផែនទី​មួយ​ដែល​យើង​យក​ទៅ​តតាំង​នៅ​ក្នុង​ការ​បកស្រាយ​នៅ​តុលាការ​យុត្តិធម៌​អន្តរជាតិ នៅ​ឆ្នាំ​១៩៦២។ ដូច្នេះ​តាម​រយៈ​ខ្សែ​ព្រំដែន​មាន​ស្រាប់ តាម​រយៈ​ខ្សែ​ព្រំដែន​ស្ថាពរ​នេះ បង្ហាញ​ថា យើង​មាន​ដែនដី​មិន​ច្បាស់​លាស់ ដែន​ដី​ត្រួត​ស៊ី​គ្នា ឬ​ទឹកដី​ជម្លោះ​របស់​ថៃ នៅ​ក្នុង​ទឹក​ដី​កម្ពុជា​ទេ។ ដូច្នេះ ៤,៦​គីឡូម៉ែត្រ​ការ៉េ​នេះ គឺ​ជា​ពាក្យ​ប្រឌិត​សុទ្ធសាធ​ដែល​មិន​មាន​និន្នាការ​ណា​មួយ​បង្ហាញ​ជា​ផ្លូវ​គតិ​យុទ្ធ ឬ​បង្ហាញ​នូវ​ឯកសារ​ណា​មួយ ក្រៅ​តែ​ពី​ការ​ប្រឌិត​ឡើង​ដោយ​ឯកតោ​ភាគី​របស់​ថៃ»

សវនាការ​នេះ​នឹង​ប្រព្រឹត្ត​ទៅ​រយៈ​ពេល​បួន​ថ្ងៃ គឺ​ថ្ងៃ​ច័ន្ទ ទី​១៥ ថ្ងៃ​ពុធ ទី​១៧ ថ្ងៃ​ព្រហស្បតិ៍ និង​ថ្ងៃ​សុក្រ ទី​១៨ និង ទី​១៩ ខែ​មេសា ឆ្នាំ​២០១៣​នេះ។

កាល​ពី​ថ្ងៃ​ច័ន្ទ ទី​១៥ មេសា នេះ ភាគី​កម្ពុជា​បាន​ឡើង​បកស្រាយ​មុន​គេ។ ប្រតិភូ​នៃ​ប្រទេស​កម្ពុជា ដឹកនាំ​ដោយ​លោក ហោ ណាំហុង ឧបនាយក​រដ្ឋមន្ត្រី និង​រដ្ឋមន្ត្រី​ក្រសួង​ការ​បរទេស និង​សហប្រតិបត្តិការ​អន្តរជាតិ ហើយ​នៅ​ថ្ងៃ​ទី​១៧ ខែ​មេសា ឆ្នាំ​២០១៣ ដល់​វេន​ភាគី​ប្រទេស​ថៃ នឹង​ឡើង​បកស្រាយ​ផ្ទាល់​មាត់​វិញ​ម្ដង៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (5)
  • បោះពុម្ព
  • ចែករំលែក
  • អ៊ីម៉ែល

Lee Theang chek

ពី Phnom Penh

តំបន់ដីជុំវិញបរិវេណប្រាសាទនេះហើយ ដែលថៃបានធ្វើបុស្តិយាមនិងសាងសង់បន្លាលួសចូលដីខ្មែរ២ទៅ៣ម៉ែត្រ ដែលខ្មែរយើងមិនព្រមហាមឃាត់ថៃ ហើយថៃសំអាងដូច្នេះហើយបានជាដីទំហំ4.6គមការេថាជាដីរបស់ថៃ។

Apr 18, 2013 03:21 AM

អ្នក​អាន​អនាមិក

My Khmer people,don't let ourselves be fooled by Youns who are trying to use enemies to kill enemies = use Thai to kill Khmer by causing war between Khmer and Thai. Khmer people must always use diplomacy to solve our border problems. It is Very necessary,Khmer must avoid any war if possible.Big war between Khmer and Thai will bring more Vietnamese soldiers and Vietnamese people in Cambodia.And Khmer will owe Vietnam another big time Like Hun Sen did, that's how Hanoi wants .

Apr 17, 2013 04:43 PM

KONE KHMER

ពី PHNOM PENH

TO ALL KHMER:
I WANT EVERY KHMER TO KNOW THAT THE PREAS VIHEAR PROBLEM WE HAVE NOW; HUN SEN INVITED THAI TO CREATE PROBLEM FOR PERSONAL ADVANTAGE OF HUN SEN AND TAK SIN FAMILY.
NOW THAI THEY TURN THIS GAME TO BE A SERIOUS FOR THEIR NATION.
ALL KHMER MUST STAND UP AGAINST HUN SEN. HUN SEN WANTS TO DESTROY KHMER NATION.

Apr 17, 2013 02:31 AM

អ្នក​អាន​អនាមិក

You are absolutely right.Hun Sen will do anything to keep him in power and promote his son (Hun Manet)to General in the Army. Bad news,his senior general may not be happy!!!!

Apr 17, 2013 10:04 AM

អ្នក​អាន​អនាមិក

Who been geats call white block around the border Cambodia and thai? it is hun sen. He wants to chare oil with taksinsinovatra from sea to land. Now, LAOs and Cambodia border hapened thesame. What do you thing people?

Apr 16, 2013 03:00 PM

អ្នក​អាន​អនាមិក

សូមអោយរដ្ឋាភិបាលរក្សាជំហររបស់ខ្លួន គឺថាគ្មានដីថៃនៅទីហ្នឹងទេ។ 4,6Km ការេ ជារបស់ខ្មែរយ៉ាងពិតប្រាកដ។

Apr 16, 2013 06:16 AM

មើល​មតិ​ទាំង​អស់.

គេហទំព័រ​ទាំងមូល