សមត្ថកិច្ចខេត្តតាកែវចូលចាប់ខ្លួនអ្នកគាំទ្រគណបក្សប្រឆាំង ដែលជាជនពិការលោក ភុន យុទ្ធ ដល់ផ្ទះនៅភូមិត្រពាំងឈូក ឃុំត្រឡាច ស្រុកទ្រាំង ខេត្តតាកែវ កាលពីល្ងាចថ្ងៃទី១៩ ខែមីនា។ ការចាប់ខ្លួនជាលើកទីពីរនេះ សមត្ថកិច្ចពុំបានបង្ហាញដីកា និងបញ្ជាក់មូលហេតុឡើយ។
ប្រពន្ធលោក ភុន យុទ្ធ លោកស្រី មុំ វិត ប្រាប់វិទ្យុអាស៊ីសេរីនៅថ្ងៃទី២៣ ខែមីនា ថា អាជ្ញាធរបានបញ្ជូនប្តីលោកស្រីទៅឃុំខ្លួននៅពន្ធនាគារខេត្តតាកែវហើយ កាលពីថ្ងៃទី២២ ខែមីនា ពាក់ព័ន្ធរឿងរិះគន់មេដឹកនាំក្រុងភ្នំពេញកន្លងទៅ។ អ្នកស្រីស្នើតុលាការដោះលែងប្តីឱ្យមានសេរីភាពឡើងវិញ។
កន្លងទៅ លោក ភុន យុទ្ធ បានបង្ហោះ និងចែករំលែកសារជាបន្តបន្ទាប់នៅលើហ្វេសប៊ុកផ្ទាល់ខ្លួនឈ្មោះ «ខ្ញុំចង់បានអ្នកដឹកនាំថ្មីៗ» ដោយរិះគន់ទៅលើរដ្ឋាភិបាលដែលដឹកនាំរបស់លោក ហ៊ុន សែន និងលោក ហ៊ុន ម៉ាណែត និងរឿងលំហូរជនជនជាតិវៀតណាមចូលកម្ពុជាជាដើម។
សូមរង់ចាំតាមដានព័ត៌មាននេះពិស្ដារក្នុងកម្មវិធីផ្សាយនារាត្រីនេះ...
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។