លោក ស៊ូថេប បានអះអាងថា មេភូមិប៉ាធុមថានី ជាអ្នកផ្ដើមគំនិតជួលជនជាតិខ្មែរទាំង ៥នាក់នោះ។
វិទ្យុអាស៊ីសេរី មិនទាន់អាចទាក់ទងសុំបំភ្លឺពីមន្ត្រីរាជទូតខ្មែរប្រចាំនៅទីក្រុងបាងកក បានទេ នៅល្ងាចថ្ងៃទី៥ ខែធ្នូ។
នេះជាព័ត៌មានលើកទី២ហើយដែលថា ក្រុមបាតុករប្រឆាំងរដ្ឋាភិបាលថៃ បានចាប់ជនជាតិខ្មែរ។ កាលពីព្រឹកថ្ងៃទី២ ធ្នូ ទូរទស្សន៍ថៃ ប៉ុស្តិ៍លេខ៣ បានចាក់ផ្សាយការចាប់ខ្លួនជនជាតិខ្មែរពីរនាក់នោះ ដោយចាប់ដាក់រថយន្តចោទថា ជនជាតិខ្មែរពីរនាក់នោះបានព្យាយាមលួចជ្រៀតចូលកន្លែងធ្វើបាតុកម្ម និងស្វែងយល់ពីស្ថានភាពបាតុកម្មជាក់ស្ដែង ហើយមានបំណងបំផ្លាញពួកបាតុករថៃ។
ទោះបីជាយ៉ាងនេះក្ដី ឯកអគ្គរាជទូតខ្មែរប្រចាំនៅទីក្រុងបាងកក អ្នកស្រី យូ អយ បានអះអាងថា ពុំមានព័ត៌មានចាប់ខ្លួនជនជាតិខ្មែរនេះទេ។
អ្នកស្រី យូ អយ បានផ្ញើសារអេឡិចត្រូនិក ដោយភ្ជាប់នូវលិខិតបំភ្លឺពីមន្ត្រីជាន់ខ្ពស់ថៃថា នគរបាលថៃ ពុំបានចាប់ខ្លួនបុរសខ្មែរពីរនាក់ កាលពីថ្ងៃទី២ ធ្នូ នោះទេ ហើយនគរបាលថៃ នឹងតាមដានអំពីព័ត៌មាននៃការចាប់ខ្លួននេះទៀត៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ៕