ទីស្ដីការគណៈរដ្ឋមន្ត្រីប្រទេសនូវែលហ្សេឡង់ បានសម្រេចលើកិច្ចព្រមព្រៀងថ្មី បើកសេវាអាកាសចរណ៍ ២ ជាមួយកម្ពុជា និងហ្វីលីពីន។
សេចក្ដីប្រកាសព័ត៌មានរបស់រដ្ឋាភិបាលនូវែលហ្សេឡង់ ថ្ងៃទី៩ កក្កដា បានស្រង់សម្ដីរដ្ឋមន្ត្រីក្រសួងគមនាគមន៍នូវែលហ្សេឡង់ លោក ហ្គារី ប្រោនលី (Gerry Brownlee) ថា កិច្ចព្រមព្រៀងនេះគឺដើម្បីសម្រួលការធ្វើដំណើររបស់អ្នកទេសចរ និងពាណិជ្ជករនូវែលហ្សេឡង់ ចុះឡើងមកកាន់ប្រទេសទាំងពីរក្នុងតំបន់អាស៊ីអាគ្នេយ៍។
ដោយឡែកចំពោះកិច្ចព្រមព្រៀងជាមួយភាគីកម្ពុជា លោក ហ្គារី ប្រោនលី បញ្ជាក់ថា មិនមានការកំណត់ផ្លូវ និងជើងហោះហើររវាងប្រទេសទាំងពីរទេ។ ជាងនេះទៅទៀត កិច្ចព្រមព្រៀងនេះ នឹងអនុញ្ញាតការហោះហើរចុះឡើងនៃប្រទេសទាំងពីរអាចទទួលការចែករំលែកនៃចំណាត់ការលេខកូដហោះហើរជាមួយជើងហោះហើរនៃប្រទេសទីបីបានទៀតផង។
វិទ្យុអាស៊ីសេរី មិនអាចទាក់ទងមន្ត្រីអាកាសចរណ៍ស៊ីវិលកម្ពុជា ដើម្បីសុំការអះអាងព័ត៌មាននេះបន្ថែមបានទេ នៅថ្ងៃទី៩ កក្កដា៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖
ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។