លោក កុយ គួង អនុរដ្ឋលេខាធិការ និងជាអ្នកនាំពាក្យក្រសួងការបរទេសនិងសហប្រតិបត្តិការអន្តរជាតិ បានឲ្យដឹងនៅថ្ងៃទី៩ កញ្ញា ថា ស្ថានទូតកម្ពុជា ប្រចាំប្រទេសម៉ាឡេស៊ី បានជួយអន្តរាគមន៍ដោះលែងពលរដ្ឋខ្មែរចំនួន ៧នាក់ ដែលមានទោសពីបទចូលធ្វើការងារដោយខុសច្បាប់នៅប្រទេសម៉ាឡេស៊ី។
ពលរដ្ឋខ្មែរទាំង ៧នាក់នោះ មានបុរស ៣នាក់ និងស្រី ៤នាក់ ហើយមានស្រុកកំណើតនៅខេត្តព្រៃវែង បន្ទាយមានជ័យ កំពង់ស្ពឺ សៀមរាប និងខេត្តក្រចេះ។
ក្នុងការជួយសង្គ្រោះនោះ ក្រសួងការបរទេសនិងសហប្រតិបត្តិការអន្តរជាតិ និងស្ថានទូតកម្ពុជា បានសហការជាមួយអង្គការទេសន្តរប្រវេសក៍អន្តរជាតិ (IOM) ដើម្បីឲ្យជួយឲ្យមនុស្សទាំង ៧នាក់នោះធ្វើមាតុភូមិនិវត្តន៍មកដល់កម្ពុជាវិញនៅថ្ងៃទី១០ កញ្ញា៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖
ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។