ផ្ទះរបស់ពលរដ្ឋចំនួន៨ខ្នងនៅជាប់ស្ទឹងព្រែកត្នោត ក្រុងតាខ្មៅ ធ្លាក់ចូលស្ទឹង នាព្រឹកព្រលឹមម៉ោង៤ កន្លះ ថ្ងៃទី២៤ វិច្ឆិកា ដោយសារការស្រុតដី។
អធិការនគរបាលក្រុងតាខ្មៅ លោក ស៊ឹម ប៊ុតបណ្ឌិត ឲ្យអាស៊ីសេរីដឹងតាមបណ្ដាញសង្គមវ័តអាប់ (WhatsApp) ថា ផ្ទះពលរដ្ឋទាំង៨ខ្នងដែលស្រុតធ្លាក់ចូលព្រែកនេះ ស្ថិតនៅក្នុងភូមិព្រែកតាពៅ សង្កាត់ដើមមៀន ក្រុងតាខ្មៅ ខេត្តកណ្ដាល។
លោក ស៊ឹម ប៊ុតបណ្ឌិត បញ្ជាក់ថា ហេតុការណ៍នេះ ពុំបណ្ដាលឲ្យគ្រោះថ្នាក់ដល់មនុស្ស និងបាត់បង់ ឬខូចខាតសម្ភារៈផ្សេងទៀតរបស់ពលរដ្ឋឡើយ។
អធិការរូបនេះឲ្យដឹងថា អាជ្ញាធរកំពុងពិចារណាថា តើគួរបន្តអោយពលរដ្ឋរស់នៅទីនោះបន្ដទៀតឬយ៉ាងណា? ប៉ុន្តែអ្វីដែលលោកបង្ហាញក្ដីបារម្ភនោះគឺ គ្មានដីណាសម្រាប់ពួកគេ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖
ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។