ស្នងការ​រង​ខែត្រ​ស្ទឹងត្រែង​ថា​ការ​ស្លាប់​របស់​នគរបាល​ព្រំដែន​​ពុំ​មែន​ដោយសារ​ទាហាន​ឡាវ​បាញ់

ដោយ ម៉ែន សុធីរ
2017-08-15
អ៊ីម៉ែល
មតិ
ចែករំលែក
បោះពុម្ព
  • បោះពុម្ព
  • ចែករំលែក
  • មតិ
  • អ៊ីម៉ែល
នគរបាល​ខែត្រ​ស្ទឹងត្រែង ចុះ​ស្រង់​សាកសព​នគរបាល​ការពារ​ព្រំដែន​កាល​ពី​ថ្ងៃ​ទី​១៤ ខែ​សីហា ឆ្នាំ​២០១៧។ Photo Provided
នគរបាល​ខែត្រ​ស្ទឹងត្រែង ចុះ​ស្រង់​សាកសព​នគរបាល​ការពារ​ព្រំដែន​កាល​ពី​ថ្ងៃ​ទី​១៤ ខែ​សីហា ឆ្នាំ​២០១៧។ Photo Provided
Photo Provided

សាកសព​នគរបាល​ការពារ​ព្រំដែន​មួយ​រូប ត្រូវ​បាន​គេ​ប្រទះ​ឃើញ​អណ្ដែត​នៅ​ទន្លេ​សេកុង ជាប់​ព្រំ​ប្រទល់​កម្ពុជា-​ឡាវ ចំណុច​ក្បែរ​កោះ​ឫស្សី នៃ​ឃុំ​សន្តិភាព ស្រុក​សៀមប៉ាង ខែត្រ​ស្ទឹងត្រែង។

នគរបាល​សន្និដ្ឋាន​ថា មូលហេតុ​នៃ​ការ​ស្លាប់​នេះ ដោយសារ​លិច​ទូក​នៅ​គ្រា​ដែល​គាត់​បាន​ចុះ​បំពេញ​បេសកកម្ម​ការពារ​ព្រំដែន ដែល​ធ្លាប់​មាន​វិវាទ​ជាមួយ​អាជ្ញាធរ​ឡាវ កាល​ពី​ពេល​ថ្មីៗ​នេះ នៅ​ចំណុច​អូរ​តាង៉ាវ និង​អូរ​អាឡៃ។

ស្នងការ​រង​ទទួល​បន្ទុក​ព្រំដែន​នៅ​ខែត្រ​ស្ទឹងត្រែង លោក ឯក ស៊ីវ៉ាន់ដន ថ្លែង​ថា មន្ត្រី​នគរបាល​ដែល​ស្លាប់​នោះ​ឈ្មោះ ប៊ុង នឿង ជា​ជនជាតិ​ភាគ​តិច​ឡាវ មាន​ស្រុក​កំណើត​នៅ​ស្រុក​សៀមប៉ាង បាន​ស្លាប់​ដោយសារ​លិច​ទូក​នៅ​គ្រា​គាត់​ធ្វើ​ដំណើរ​ម្នាក់​ឯង​តាម​ដង​ទន្លេ​សេកុង កាល​ពី​ល្ងាច​ថ្ងៃ​ទី​១២ ខែ​សីហា និង​រក​ឃើញ​សាកសព​នៅ​ថ្ងៃ​ទី​១៤ ខែ​សីហា៖ «ទាហាន​ឡាវ ចេញ​ទៅ មាន​ការ​អនុញ្ញាត​ពី​មេបញ្ជាការ ចុះ​ទៅ​រក​បន្លែ និង​ម្ហូប​ខ្លះ​ទៅ​ហូប។ គាត់​ជា​មន្ត្រី​នគរបាល​ប៉ុស្តិ៍​កោះ​ឫស្សី។ យើង​រក​ឃើញ​សព​ថ្ងៃ​ទី​១៤ ម៉ោង ៨:៤៥»

​លោក ស៊ីវ៉ាន់ដន អះអាង​ថា ការ​ស្លាប់​របស់​នគរបាល​រួប​នោះ ពុំ​មែន​ដោយសារ​ទាហាន​ឡាវ បាញ់​ទេ៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (0)
  • បោះពុម្ព
  • ចែករំលែក
  • អ៊ីម៉ែល
គេហទំព័រ​ទាំងមូល