ប្រធានធនាគារអភិវឌ្ឍអាស៊ីប្រចាំកម្ពុជា លោក អៀរិក ស៊ីដវិច (Eric Sidgwick) នៅថ្ងៃទី២៧ តុលា បានប្រកាសផ្ដល់ជំនួយឥតសំណង និងប្រាក់កម្ចីសម្បទាន ចំនួន ៩៩លានដុល្លារអាមេរិក ដល់ប្រទេសកម្ពុជា ដែលផ្ដោតលើគម្រោងអភិវឌ្ឍចំនួនបី ក្នុងនោះរួមមាន ការកែលម្អផ្លូវជនបទ ការបណ្ដុះបណ្ដាលបច្ចេកទេសវិជ្ជាជីវៈ និងគម្រោងកាត់បន្ថយហានិភ័យពីគ្រោះមហន្តរាយ នៅតាមសហគមន៍។
តាមការប៉ាន់ប្រមាណ ដោយធនាគារអភិវឌ្ឍអាស៊ីបានបង្ហាញថាប្រជាពលរដ្ឋខ្មែរទទួលផលពីគម្រោងនេះ មានប្រមាណ១លាននាក់ក្នុងនោះ ប្រមាណ៨០ម៉ឺននាក់ ទទួលផលពីការអភិវឌ្ឍផ្លូវនៅជនបទ ប្រមាណ៦ម៉ឺននាក់ ទទួលផលពីគម្រោងបណ្ដុះបណ្ដាលវិជ្ជាជីវៈ និង ការកាត់បន្ថយហានិភ័យ ចំនួន១៥% នៃក្រុមអ្នកងាយរងគ្រោះពីគ្រោះធម្មជាតិ។
ទឹកប្រាក់ជំនួយអភិវឌ្ឍដើម្បីលើកកម្ពស់គុណភាពប្រជាពលរដ្ឋ របស់ធនាគារអភិវឌ្ឍអាស៊ីមានរយៈពេល៥ឆ្នាំ ដែលបានចុះហត្ថលេខាទទួលដោយរដ្ឋមន្ត្រីក្រសួងសេដ្ឋកិច្ចនិងហិរញ្ញវត្ថុ លោក អូន ព័ន្ធមុនីរ័ត្ន ហើយនឹងចាប់អនុវត្តន៍នៅដើមឆ្នាំ២០១៥តទៅ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖
ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។