តារាភាពយន្តអាមេរិក ដ៏ល្បីល្បាញមួយរូបដែលមានកូនចិញ្ចឹមជាជនជាតិខ្មែរ អ្នកស្រី អែនជេលីណា ចូលី (Angelina Jolie) នឹងផលិតខ្សែភាពយន្តខ្នាតវែងមួយស្ដីអំពីសោកនាដកម្មនៃសម័យខ្មែរក្រហម។
ខ្សែភាពយន្តនេះ នឹងផ្អែកទៅលើស្នាដៃនិពន្ធពីប្រវត្តិពិតរបស់ខ្លួនសរសេរដោយស្ត្រីខ្មែរអាមេរិកាំងម្នាក់ ឈ្មោះ អ៊ុង លួង ក្រោមចំណងជើងថា "ជាដំបូងគេសម្លាប់ឪពុកខ្ញុំ" ឬចំណងជើងដើមជាភាសាអង់គ្លេសថា "First they Killed My Father: A Daughter of Cambodia Remembers"។
អ្នកស្រី អែនជេលីណា ប្រាប់ទីភ្នាក់ងារសារព័ត៌មាន អេ.ភី (AP) ថា អ្នកស្រីនឹងផលិតខ្សែភាពយន្តនេះជាមួយ មេដដុក (Maddox) ដែលជាកូនប្រុសច្បងជនជាតិកម្ពុជា របស់អ្នកស្រី។ អ្នកស្រីបន្តថា អ្នកស្រីមានចិត្តជាប់ជំពាក់ខ្លាំងណាស់ទៅនឹងប្រទេសកម្ពុជា ហើយថា អ្នកស្រីមានបំណងចង់នាំយកប្រវត្តិសាស្ត្រកម្ពុជា អោយពិភពលោកបានដឹង មិនត្រឹមតែអោយដឹងអំពីទុក្ខវេទនារបស់ខ្មែរទេ តែអោយគេឯងដឹងអំពីភាពថ្លៃថ្នូរ និងការតស៊ូរបស់ប្រជាជាតិមួយដែលអ្នកស្រីគោរពផងដែរ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖
ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។