មនុស្សពីរនាក់របួសធ្ងន់ និងច្រើននាក់របួសស្រាល ក្នុងហេតុការណ៍ក្រឡាប់ឡានក្រុងកាពីតូល នៅបណ្ដោយផ្លូវជាតិលេខ៥ ឋិតនៅភូមិសន្លង់ ឃុំត្រពាំងចាន់ ស្រុកបរិបូរណ៍ ខេត្តកំពង់ឆ្នាំង កាលពីរសៀលថ្ងៃទី២៦ ខែវិច្ឆិកា។ ឡានក្រុងបើកបរពីកើតទៅលិច (ភ្នំពេញ-បាត់ដំបង) បានបែកប្រអប់ហ្វ្រ័ង ហើយជ្រុលទៅប៉ះអ្នកបើកម៉ូតូស្របទិសគ្នាមុនក្រឡាប់ធ្លាក់ប្រឡាយទឹក។
នាយផ្នែកសណ្ដាប់ធ្នាប់សាធារណៈ នៃអធិការដ្ឋាននគរបាលស្រុកបរិបូរណ៍លោក រស់ ប៊ុនណារិទ្ធិ ថ្លែងថា អ្នករងរបួសធ្ងន់ទាំងពីរនាក់ ត្រូវបញ្ជូនមកសង្គ្រោះនៅមន្ទីរពេទ្យបង្អែកខេត្តកំពង់ឆ្នាំង។
លោក ប៊ុន ណារិទ្ធិ បញ្ជាក់ថា ក្រោយពីហេតុការណ៍កើតឡើងភ្លាមៗ តៃកុងឡានក្រុងបានគេចខ្លួនបាត់ ចំណែកឡានក្រុងក្រឡាប់នោះ អាជ្ញាធរមានសមត្ថកិច្ច និងភាគីក្រុមហ៊ុនកាពីតូល កំពុងចាត់ចែងស្ទូចឡើងវិញ និងដោះស្រាយបញ្ហាតាមច្បាប់៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖
ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។