សេចក្ដីប្រកាសព័ត៌មានរបស់ធនាគារចិន មួយដែលកំពុងប្រតិបត្តិការនៅកម្ពុជា ឈ្មោះធនាគារពាណិជ្ជ និងឧស្សាហកម្មនៃប្រទេសចិន ដែលហៅកាត់ជាភាសាអង់គ្លេសថា អាយ.ស៊ី.ប៊ី.ស៊ី (ICBC) កាលពីថ្ងៃទី២៥ មីនា បានទទួលការអនុញ្ញាតពីធនាគារជាតិកម្ពុជា ឲ្យដំណើរប្រតិបត្តិការទូទាត់អាជីវកម្មទំនិញដោយរូបិយប័ណ្ណ យាន់ (Yuan) របស់ចិន។
ការប្រកាសឲ្យដំណើរការនេះ នឹងជួយជំរុញការធ្វើអាជីវកម្មរវាងប្រទេសទាំងពីរកើនឡើង។ ទោះជាយ៉ាងណាក៏ដោយ កម្ពុជា ជាប្រទេសទីបីហើយដែលអនុញ្ញាតឲ្យដំណើរការទូទាត់ពាណិជ្ជកម្មដោយរូបិយប័ណ្ណចិន បន្ទាប់ពីប្រទេសឡាវ និងប្រទេសសិង្ហបុរី។
របាយការណ៍របស់ធនាគារពាណិជ្ជ និងឧស្សាហកម្មនៃប្រទេសចិន បានបង្ហាញថា ប្រទេសកម្ពុជា បានប្រើប្រាស់រូបិយប័ណ្ណចិន នៅកម្ពុជា បានកើនឡើងគិតជាតម្លៃជាប្រាក់ដុល្លារអាមេរិកប្រមាណ ៨០០លានដុល្លារអាមេរិក នៅឆ្នាំ២០០៩ ដល់ជាង ៦ពាន់លានដុល្លារនៅឆ្នាំ២០១៣៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖
ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។