អាជ្ញាធរក្រុងភ្នំពេញ ពិចារណាចេញច្បាប់កំណត់បិទហាង ក្លឹបកម្សាន្តនានា នៅត្រឹមម៉ោង១២យប់ ដើម្បីរួមចំណែកកាត់បន្ថយគ្រោះថ្នាក់ចរាចរណ៍។
អ្នកនាំពាក្យសាលារាជធានីភ្នំពេញ លោក ឡុង ឌីម៉ង់ អះអាងនៅថ្ងៃទី២០ កក្កដា ថា ការពិចារណាកំណត់នេះ គឺអភិបាលរាជធានីភ្នំពេញ លោក ប៉ា សុជាតិវង្ស បានលើកឡើងជាវិធានការដើម្បីទប់ស្កាត់ គ្រោះថ្នាក់ចរាចរណ៍ដែលកើតឡើងរៀងរាល់ថ្ងៃ ជាបញ្ហាប្រឈមខ្លាំងដែលមិនមានការថយចុះនៅឡើយ៖ «យើងបានដឹងហើយគ្រោះថ្នាក់ចរាចរណ៍ បានក្លាយជាឃាតកសម្លាប់ប្រជាពលរដ្ឋកម្ពុជាយើងជារៀងរាល់ថ្ងៃ ១ថ្ងៃជាទូទៅកម្ពុជាយើង មាន៦ទៅ៧នាក់ហើយ។ យើងកំពុងព្យាយាមកាត់បន្ថយបញ្ហានេះ ហើយភាគច្រើននៅរាជធានីភ្នំពេញគ្រោះថ្នាក់ចរាចរ ដែលបណ្ដាលឲ្យស្លាប់និងរបួស សុទ្ធតែ៨០ភាគរយដោយសារតែស្រវឹង»។
ប៉ុន្តែលោក ឡុង ឌីម៉ង់ អះអាងបន្តថា ការកំណត់នេះនៅមិនទាន់កំណត់ច្បាស់នៅឡើយទេ ព្រោះសាលាក្រុងកំពុងពិចារណា និងធ្វើយ៉ាងណាឲ្យច្បាប់នេះមានតុល្យភាពត្រឹមត្រូវ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖
ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។