ប្រមុខរដ្ឋាភិបាលសម្រេចអនុញ្ញាតឲ្យឡានចង្កូតស្ដាំ ប្រើប្រាស់បានជាធម្មតា ដោយមិនតម្រូវឲ្យកែចង្កូតទៅឆ្វេងឡើយ ប៉ុន្តែមិនត្រូវឲ្យមានការនាំចូលទៀត។
លោកនាយករដ្ឋមន្ត្រី ហ៊ុន សែន ថ្លែងដូច្នេះ ក្នុងពិធីបើកសម្ពោធដាក់ឲ្យប្រើប្រាស់ស្ពានអាកាសតិចណូ ឬហៅស្ពានអាកាស៥មករា នៅព្រឹកថ្ងៃទី០៥ ខែមករា បន្ទាប់ពីអ្នកបើកបររថយន្តដឹកដី ចង្កូតស្ដាំប្រមាណ៤០០នាក់ បានតវ៉ា ដើម្បីទទូចដល់រដ្ឋាភិបាល អនុញ្ញាតឲ្យពួកគេបានប្រើប្រាស់ រថយន្តទាំងនោះជាធម្មតា ដោយគ្រាន់តែសុំបង់ពន្ធចូលរដ្ឋ។
យ៉ាងណាក៏ដោយ លោក ហ៊ុន សែនអំពាវនាវឲ្យម្ចាស់រថយន្តចង្កូតស្ដាំទាំងអស់ ត្រូវមកបង់ពន្ធ ដើម្បីទទួលបាននូវភាពស្របច្បាប់៖ «ឯកភាពមិនឲ្យដូរចង្កូតទេ គឺអនុញ្ញាតឲ្យប្រើចង្កូតស្ដាំចុះ ព្រោះ ការដូរចង្កូតនេះ វាគ្រោះថ្នាក់ជាងចង្កូតស្ដាំទៅទៀត»។
លោក ហ៊ុន សែន ក៏បញ្ជាក់ថា ការបន្តនាំចូលរថយន្តចង្កូតស្ដាំ គឺជាការអំពើល្មើស នឹងត្រូវចាត់វិធានការតាមច្បាប់៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖
ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។