ក្រសួង​នឹង​តម្រូវ​ឲ្យ​ពលរដ្ឋ​ទៅ​បង់​ប្រាក់​ផាក​ពិន័យ​បទល្មើស​ចរាចរណ៍​តាម​ប្រព័ន្ធ​ធនាគារ

ដោយ ចេង ម៉េងជូ
2016-01-05
អ៊ីម៉ែល
មតិ
ចែករំលែក
បោះពុម្ព
  • បោះពុម្ព
  • ចែករំលែក
  • មតិ
  • អ៊ីម៉ែល
ច្បាប់​ចរាចរណ៍​ខេត្ត​ព្រះសីហនុ ៦២០
កម្លាំង​នគរបាល​ចរាចរណ៍​ខេត្ត​ព្រះសីហនុ ចុះ​អប់រំ និង​ពង្រឹង​ការ​អនុវត្ត​ច្បាប់​ចរាចរណ៍​ផ្លូវ​គោក​នៅ​តាម​ផ្លូវ​ឯករាជ្យ ខេត្ត​ព្រះសីហនុ កាល​ពី​ល្ងាច​ថ្ងៃ​ទី​២៣ ខែ​ធ្នូ ឆ្នាំ​២០១៥។
RFA/Den Ayuthyea

ប្រធាន​នាយកដ្ឋាន​នគរបាល​ចរាចរណ៍ និង​សណ្ដាប់ធ្នាប់​សាធារណៈ នៃ​ក្រសួង​មហាផ្ទៃ លោក រុន រ័ត្នវាសនា មាន​ប្រសាសន៍​ប្រាប់​វិទ្យុ​អាស៊ីសេរី នៅ​ថ្ងៃ​ទី​៥ ខែ​មករា ថា ការ​បង់​ប្រាក់​ផាក​ពិន័យ​បទល្មើស​ចរាចរណ៍ នឹង​ត្រូវ​ធ្វើ​តាម​ប្រព័ន្ធ​ធនាគារ​នៅ​ពេល​ឆាប់ៗ​ខាង​មុខ។

លោក​ថា ការ​ងាក​មក​ប្រើប្រាស់​ប្រព័ន្ធ​ធនាគារ​វិញ គឺ​ដើម្បី​សម្រួល​ដល់​ការ​គ្រប់គ្រង​ប្រាក់​ផាក​ពិន័យ និង​បង្ក​ភាព​ងាយ​ស្រួល​ដល់​សាធារណជន​នៅ​ឆ្ងាយ​ពី​ទីតាំង​ទទួល​ប្រាក់​ផាក​ពិន័យ​របស់​រដ្ឋ៖ «យើង​កំពុង​សម្រួល​ថា ធ្វើ​ម៉េច​ឲ្យ​ការ​បង់​ហ្នឹង​តាម​ប្រព័ន្ធ​ធនាគារ​ឲ្យ​ស្រួល​វិញ។ ការ​គ្រប់គ្រង​ទៅ​លើ​ប័ណ្ណ​ហ្នឹង​តាម​ខេត្ត​នីមួយៗ វា​ប្រើ​ពេលវេលា ដោយសារ​ឯកសារ​មួយ​ចំនួន​ពី​ខេត្ត​មួយ​ទៅ​ខេត្ត​មួយ​វា​ឆ្លង​យូរ។ អ៊ីចឹង​យើង​កំពុង​សិក្សា​ថា ធ្វើ​ម៉េច​ដើម្បី​ឲ្យ​ការ​បង់​ប្រាក់​ហ្នឹង​តាម​ប្រព័ន្ធ​ធនាគារ។ អ៊ីចឹង​បង​ប្អូន​ដែល​ត្រូវ​ពិន័យ​ហ្នឹង គាត់​គ្រាន់​តែ​យក​អា​ហ្នឹង​ទៅ​បង់​នៅ​ធនាគារ​ដែល​យើង​កំពុង​សិក្សា​ហ្នឹង អ៊ីចឹង​វា​ចប់​ហើយ អត់​មាន​អី​ពិបាក​ទេ»

យ៉ាង​ណា​ក៏ដោយ លោក រុន រ័ត្នវាសនា បារម្ភ​ថា កិច្ចការ​នេះ​នឹង​ត្រូវ​ចំណាយ​ពេលវេលា​យូរ​ក្នុង​ការ​អប់រំ​សាធារណជន​ទូទៅ ឲ្យ​បាន​យល់​ដឹង​ច្បាស់ និង​ដើម្បី​ធានា​ថា ការ​ប្រើប្រាស់​ប្រព័ន្ធ​ធនាគារ​ដំណើរ​ការ​ទៅ​ដោយ​រលូន ព្រោះ​ថា ការ​ប្រើប្រាស់​ប្រព័ន្ធ​ធនាគារ​នៅ​តែ​ជា​រឿង​ថ្មី​នៅ​ឡើយ​សម្រាប់​ប្រជាជន​កម្ពុជា ជាច្រើន៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

មតិ (2)
  • បោះពុម្ព
  • ចែករំលែក
  • អ៊ីម៉ែល

អ្នក​អាន​អនាមិក

>. នៅប្រទេសថៃ ប៉ូលីសចរាចរ អនុវត្តន៍ច្បាប់ ដំបូង : បើអ្នកជិះ ម៉ូតូអត់ពាក់មួកសុវត្ថិភាព ប៉ូលីសឃាត់ រួចយកលុយអ្នកជិះ ទិញមួកនៅជិតនេះ ពាក់អោយហើយទើបអោយធ្វើដំណើរទៅ !
>.. ការធ្វើរបៀបនេះ អ្នកជិះម៉ូតូ បានមួកសុវត្ថិភាព ពាក់ ហើយ មិនខាតលុយទទេ !

Jan 06, 2016 01:15 AM

ពៅកុសល

ពី ភ្នំពេញ

ជម្រេីសស្រួលជាងនេះ​គឺ​ wing មានច្រេីនកន្លែង តែមិនត្រូវ
អោយយកថ្លៃសេវាបន្ថែមពីប្រជាជនថែមទេ។ ម្យា"ង​ជម្រេីស
នេះទបស្កាត់អំពេីពុករលួយផង និងមិនចំណាយធនធាន ពេល
វេលា។

Jan 05, 2016 12:29 PM

គេហទំព័រ​ទាំងមូល