លោកនាយករដ្ឋមន្ត្រី ហ៊ុន សែន គ្រោងនឹងចូលរួម កិច្ចប្រជុំកំពូលអាស៊ានដែលធ្វើឡើងនៅប្រទេសភូមា ឬមីយ៉ាន់ម៉ា ដែលផ្ដោតលើកិច្ចការពង្រឹងកិច្ចការបរទេសរវាងប្រទេសមហាអំណាចសេដ្ឋកិច្ចរវាងថ្នាក់ដឹកនាំអាស៊ាន ដែលសមាគមនេះគ្រោងនឹងបង្កើតជាតំបន់សេដ្ឋកិច្ចតែមួយនៅឆ្នាំ២០១៥ ។
សេចក្ដីប្រកាសព័ត៌មានរបស់ក្រសួងការបរទេស និងសហប្រតិបត្តិការអន្តរជាតិ នៅថ្ងៃទី៨ វិច្ឆិកាបានឲ្យដឹងថា កិច្ចប្រជុំនៅប្រទេសភូមានោះ មានរយៈពេលពីរថ្ងៃ គឺចាប់ផ្ដើមនៅថ្ងៃទី១២ ដល់១៣ ខែ វិច្ឆិកា ដែលពិភាក្សាលើផ្នែកធុរកិច្ច ការវិនិយោគ និងការលើកកម្ពស់ពាណិជ្ជកម្មនៅក្នុងតំបន់។
បន្ទាប់ពីកិច្ចប្រជុំនោះ លោកនាយករដ្ឋមន្ត្រី ហ៊ុន សែន គ្រោងនឹងជួបពិភាក្សាដាច់ដោយឡែក ជាមួយ លោកនាយករដ្ឋមន្ត្រីអូស្ត្រាលី នាយករដ្ឋមន្ត្រីសហព័ន្ធរុស្សី និងនាយករដ្ឋមន្ត្រីឥណ្ឌា៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖
ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។