ក្រសួងការងារ និងបណ្ដុះបណ្ដាលវិជ្ជាជីវៈ បានជូនដំណឹងដល់នាយកសហគ្រាស គ្រឹះស្ថានទាំងអស់ ឲ្យជួយសម្រួលដល់កម្មករ និយោជិកទាំងអស់ ឲ្យបានឈប់សម្រាកក្នុងថ្ងៃបុណ្យភ្ជុំបិណ្ឌ រយៈពេលបីថ្ងៃ ខាងមុខនេះ។
សេចក្ដីជូនដំណឹងរបស់ក្រសួងការងារ និងបណ្ដុះបណ្ដាលវិជ្ជាជីវៈចុះថ្ងៃទី១០ កញ្ញា បានសុំឲ្យម្ចាស់សហគ្រាស គ្រឹះស្ថានទាំងអស់ អនុញ្ញាតឲ្យបុគ្គលិក កម្មករទាំងអស់បានឈប់សម្រាកថ្ងៃបុណ្យភ្ជុំបិណ្ឌរយៈពេលបីថ្ងៃគិតចាប់ពីថ្ងៃទី២២ ដល់ ២៤ កញ្ញា ឆ្នាំ២០០១៤។
ក្រៅពីនេះ ក្រសួងការងារបានជំរុញ ឲ្យម្ចាស់សហគ្រាស គ្រឹះស្ថានទាំងអស់ បើកប្រាក់ឈ្នួលជូនបុគ្គលិក និងកម្មករឲ្យបានមុនថ្ងៃបុណ្យភ្ជុំ តែបើពុំមានលទ្ធភាពបើកប្រាក់ឈ្នួលមុនទេ សុំឲ្យបើកប្រាក់បុរេប្រទាន ឬឲ្យខ្ចីមុនចំនួន៥០ភាគរយនៃប្រាក់ឈ្នួល ដើម្បីឲ្យបុគ្គលិក កម្មករបានប្រើប្រាស់ក្នុងពេលបុណ្យភ្ជុំ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖
ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។