លោក ស ខេង បញ្ជាក់​ថា​តុលាការ​រក​ឃើញ​ថា​នាយ​រង​ប៉ុស្តិ៍​ប៉ោយប៉ែត​ពិត​ជា​ជន​រងគ្រោះ

ដោយ រាជ វិញ្ញូ
2017-01-02
អ៊ីម៉ែល
មតិ
ចែករំលែក
បោះពុម្ព
  • បោះពុម្ព
  • ចែករំលែក
  • មតិ
  • អ៊ីម៉ែល
រដ្ឋមន្ត្រី​ក្រសួង​មហាផ្ទៃ លោក ស ខេង ថ្លែង​ក្នុង​កិច្ច​ប្រជុំ​បូក​សរុប​លទ្ធផល​ត្រួត​ពិនិត្យ​ការ​អនុវត្ត​ច្បាប់​ចរាចរណ៍​ផ្លូវ​គោក​ប្រចាំ​ឆ្នាំ​២០១៦ និង​ទិសដៅ​ការងារ​ឆ្នាំ​២០១៧ នៅ​ថ្ងៃ​ទី​២ ខែ​មករា ឆ្នាំ​២០១៧។ RFA/Leng Maly
រដ្ឋមន្ត្រី​ក្រសួង​មហាផ្ទៃ លោក ស ខេង ថ្លែង​ក្នុង​កិច្ច​ប្រជុំ​បូក​សរុប​លទ្ធផល​ត្រួត​ពិនិត្យ​ការ​អនុវត្ត​ច្បាប់​ចរាចរណ៍​ផ្លូវ​គោក​ប្រចាំ​ឆ្នាំ​២០១៦ និង​ទិសដៅ​ការងារ​ឆ្នាំ​២០១៧ នៅ​ថ្ងៃ​ទី​២ ខែ​មករា ឆ្នាំ​២០១៧។ RFA/Leng Maly
RFA/Leng Maly

រដ្ឋមន្ត្រី​ក្រសួង​មហាផ្ទៃ អះអាង​ថា ការ​សន្និដ្ឋាន​បឋម​របស់​តុលាការ​ខេត្ត​បន្ទាយមានជ័យ ដែល​រក​ឃើញ​ថា នាយ​រង​ប៉ុស្តិ៍​ច្រក​ទ្វារ​ព្រំដែន​អន្តរជាតិ​ប៉ោយប៉ែត លោក ឈាន ពិសិដ្ឋ ដែល​ត្រូវ​បាន​ប្រធាន​សមាគម​ពង្រឹង​សេដ្ឋកិច្ច​ក្រៅ​ប្រព័ន្ធ​កម្ពុជា បើក​រថយន្ត​បុក​ឲ្យ​រង​របួស​ដួល​សន្លប់ គឺ​ជា​ការ​ពិត។ ការ​អះអាង​ពី​រដ្ឋមន្ត្រី​ក្រសួង​មហាផ្ទៃ នេះ គឺ​បន្ទាប់​ពី​ពលរដ្ឋ​មួយ​ចំនួន និង​អ្នក​ដែល​គាំទ្រ​លោក ឌិន ពុទ្ធី ដែល​ជា​ប្រធាន​សមាគម​ពង្រឹង​សេដ្ឋកិច្ច​ក្រៅ​ប្រព័ន្ធ​កម្ពុជា នៅ​តែ​ចាត់​ទុក​ការ​រក​ឃើញ​របស់​តុលាការ​ខេត្ត​បន្ទាយមានជ័យ ធ្វើ​ឡើង​ដោយ​អយុត្តិធម៌។

មតិ​ផ្ទុយ​គ្នា​ពាក់ព័ន្ធ​នាយ​រង​ប៉ុស្តិ៍​ច្រក​ទ្វារ​អន្តរជាតិ​ប៉ោយប៉ែត លោក ឈាន ពិសិដ្ឋ ជាមួយ​ប្រធាន​សមាគម​ពង្រឹង​សេដ្ឋកិច្ច​ក្រៅ​ប្រព័ន្ធ​កម្ពុជា លោក ឌិន ពុទ្ធី នៅ​តែ​ជា​បញ្ហា​ចម្រូងចម្រាស​ខ្លាំង​ដដែល។

ទោះ​បី​ជា​យ៉ាង​ណា​ក្ដី រដ្ឋមន្ត្រី​ក្រសួង​មហាផ្ទៃ លោក ស ខេង ថ្លែង​ថា ឆ្លង​កាត់​តាម​ការ​ពិនិត្យ​ឲ្យ​បាន​ច្បាស់លាស់​នោះ គឺ​ការ​រក​ឃើញ​របស់​អយ្យការ​សាលា​ដំបូង​ខេត្ត​បន្ទាយមានជ័យ ដែល​ថា​លោក ឈាន ពិសិដ្ឋ ជា​ជន​រងគ្រោះ​ដោយសារ​ការ​បើក​រថយន្ត​បុក​របស់​លោក ឌិន ពុទ្ធី គឺ​ជា​រឿង​ពិត៖ «ពិនិត្យ​អស់​ហើយ​ជុំវិញ​រឿង​នេះ ពិត​គឺ​វា​អ៊ីចឹង ព្រោះ​អ្វី​ដែល​ព្រះរាជអាជ្ញា​សាលា​ដំបូង​ខេត្ត​បន្ទាយមានជ័យ គេ​បាន​ដំណើរ​ការ»

ការ​ថ្លែង​បញ្ជាក់​របស់​លោក ស ខេង គឺ​ក្រោយ​ពី​បិទ​បញ្ចប់​កិច្ច​ប្រជុំ​បូក​សរុប​លទ្ធផល​ត្រួត​ពិនិត្យ​ការ​អនុវត្ត​ច្បាប់​ចរាចរណ៍​ផ្លូវ​គោក​ប្រចាំ​ឆ្នាំ​២០១៦ និង​ទិសដៅ​ការងារ​ឆ្នាំ​២០១៧ នៅ​ថ្ងៃ​ទី​២ ខែ​មករា ឆ្នាំ​២០១៧ និង​បន្ទាប់​ពី​តុលាការ​ខេត្ត​បន្ទាយមានជ័យ កាល​ពី​ថ្ងៃ​ទី​២៧ ខែ​ធ្នូ ឆ្នាំ​២០១៦ បាន​ចេញ​សេចក្ដី​សន្និដ្ឋាន​បឋម​ថា នាយ​រង​ប៉ុស្តិ៍​ច្រក​ទ្វារ​ព្រំដែន​អន្តរជាតិ​ប៉ោយប៉ែត លោក ឈាន ពិសិដ្ឋ ពិត​ជា​រង​របួស​នៅ​ជើង​ស្ដាំ​រហូត​ដួល​សន្លប់ ដោយសារ​លោក ឌិន ពុទ្ធី មែន។

លោក ឈាន ពិសិដ្ឋ ត្រូវ​បាន​គេ​បញ្ជូន​ទៅ​ព្យាបាល​របួស​នៅ​មន្ទីរពេទ្យ​ក្នុង​ស្រុក រហូត​ទៅ​ដល់​ប្រទេស​ថៃ តែ​ពីរ​បី​ថ្ងៃ​ក្រោយ​មក ស្រាប់​តែ​អ្នក​លេង​បណ្ដាញ​សង្គម​ហ្វេសប៊ុក (Facebook) នាំ​គ្នា​បង្ហោះ​ឃ្លីប​វីដេអូ​មួយ​យ៉ាង​ព្រោងព្រាត បង្ហាញ​អំពី​សកម្មភាព​លោក ឈាន ពិសិដ្ឋ កំពុង​ដើរ​ចេញ​ពី​ផ្ទះ​សំណាក់​មួយ​កន្លែង​នៅ​ប្រទេស​ថៃ ជាមួយ​ស្ត្រី​ម្នាក់ ហាក់​ពុំ​មាន​របួស​ឈឺ​ជើង​បន្តិច​សោះ​ឡើយ។

អ្នក​ដែល​បាន​ថត​ឃ្លីប​វីដេអូ​បង្ហោះ​កាល​ពី​ថ្ងៃ​ទី​២៧ ធ្នូ ថែម​ទាំង​ចោទ​សួរ​ថា តើ​ឯណា​ទៅ​ដែល​លោក ឈាន ពិសិដ្ឋ បាន​រង​របួស​ក និង​ជើង ហើយ​កំពុង​សម្រាក​ព្យាបាល​នៅ​ប្រទេស​ថៃ តែ​បែរ​ជា​អាច​ដើរ​ដូច​មនុស្ស​ធម្មតា​បែប​នេះ​នៅ​ក្នុង​ផ្ទះ​សំណាក់​ទៅ​វិញ? ការ​ចេញ​ឃ្លីប​វីដេអូ​នេះ ត្រូវ​បាន​អ្នក​លេង​ហ្វេសប៊ុក​ចាប់​អារម្មណ៍​យ៉ាង​ច្រើន និង​បញ្ចេញ​មតិ​បន្ថែម​ថា លោក ឈាន ពិសិដ្ឋ សម្ដែង​ធ្វើ​ពុត​ជា​ដួល​សន្លប់ ហើយ​ជា​រឿង​អយុត្តិធម៌​សម្រាប់​លោក ឌិន ពុទ្ធី ដែល​ត្រូវ​បាន​គេ​ចាប់​ខ្លួន។

ពាក់ព័ន្ធ​ការ​បែក​ធ្លាយ​វីដេអូ​នេះ លោក ស ខេង បញ្ជាក់​ថា សមត្ថកិច្ច​កំពុង​បន្ត​ស៊ើប​អង្កេត​ស្វែងរក​អ្នក​បាន​បញ្ចេញ​ឃ្លីប​វីដេអូ​នេះ​ហើយ។

ទោះ​ជា​យ៉ាង​ណា កាល​ពី​ថ្ងៃ​ទី​២៩ ធ្នូ គ្រួសារ និង​ពលរដ្ឋ​ជា​អ្នក​គាំទ្រ​លោក ឌិន ពុទ្ធី បាន​លើក​គ្នា​តវ៉ា​បិទ​ផ្លូវ ដើម្បី​ស្រែក​ទាមទារ​ឲ្យ​តុលាការ​ដោះលែង​ប្រធាន​សមាគម​ពង្រឹង​សេដ្ឋកិច្ច​ក្រៅ​ប្រព័ន្ធ​កម្ពុជា រូប​នេះ​មក​វិញ ព្រោះ​លោក​ត្រូវ​បាន​ចាប់​ខ្លួន​ដោយ​អយុត្តិធម៌។

ជុំវិញ​ការ​ខ្វែង​គំនិត​គ្នា​បែប​នេះ អ្នក​ឃ្លាំ​មើល​បញ្ហា​សង្គម លោក គឹម សុខ យល់​ថា ប្រទេស​ប្រកាន់​របប​លទ្ធិប្រជាធិបតេយ្យ និង​គោរព​ច្បាប់​ជា​ធំ គួរ​តែ​ធ្វើ​វេទិកា​ជជែក​គ្នា ដែល​មាន​ការ​ចូលរួម​ពី​អាជ្ញាធរ ចុង​ចោទ​លោក ឌិន ពុទ្ធី និង​ជន​រងគ្រោះ លោក ឈាន ពិសិដ្ឋ រួច​ហើយ​ចាក់​ផ្សាយ​វេទិកា​នោះ​តាម​ទូរទស្សន៍ ដើម្បី​កុំ​ឲ្យ​មតិ​សាធារណជន​នៅ​តែ​សង្ស័យ និង​យល់​ច្រឡំ​ថា​ជា​ឆាក​ល្ខោន​ត​ទៅ​ទៀត៖ «ទូរទស្សន៍​មួយ​ណា​ហ៊ាន​ធ្វើ​កិច្ចការ​មួយ​ហ្នឹង ប្រហែល​កាន់​តែ​ល្បី​មែន​ទែន ហើយ​ការ​ធ្វើ​អ៊ីចឹង គឺ​ចំណេញ​ដល់​ស្ថានភាព​ចិត្ត​របស់​មហាជន ថា​តុលាការ​ធ្វើ​អ្វី​ដើម្បី​ពលរដ្ឋ ពន្លឺ​រឿង​ពិត​កុំ​ខ្លាច»

លោក គឹម សុខ បន្ត​ថា រឿង​អាជ្ញាធរ​តាម​ចាប់​ខ្លួន​អ្នក​បង្ហោះ​វីដេអូ​តាម​ហ្វេសប៊ុក​ដែល​បាន​ថត​សកម្មភាព​លោក ឈាន ពិសិដ្ឋ នៅ​ក្នុង​ផ្ទះ​សំណាក់​នោះ គឺ​អាច​ជា​ផែនការ​ដ៏​អាក្រក់​មួយ​បន្ថែម​ទៀត ព្រោះ​ការ​បញ្ចេញ​វីដេអូ​នេះ មិន​មែន​ជា​ករណី​លួច​ថត​ដូច​ករណី​លួច​ថត​សំឡេង​របស់​លោក​អនុប្រធាន​គណបក្ស​សង្គ្រោះ​ជាតិ លោក កឹម សុខា នោះ​ទេ តែ​ជា​វីដេអូ​ដែល​បង្ហាញ​ជា​សាធារណៈ ដែល​ម្ចាស់​ផ្ទះ​សំណាក់​បំពាក់​កាមេរ៉ា​ថត​រាល់​សកម្មភាព​ភ្ញៀវ​ទូទៅ​ប៉ុណ្ណោះ។

អ្នក​ឃ្លាំ​មើល​បញ្ហា​សង្គម​បញ្ជាក់​ថា អាជ្ញាធរ​គួរ​តែ​ស្វាគមន៍​ចំពោះ​ភស្តុតាង​ដែល​បាន​បង្ហាញ​នៅ​ក្នុង​ឃ្លីប​វីដេអូ​បន្ថែម​នេះ រួច​យក​ទៅ​ស្រាវជ្រាវ​បន្ត ដើម្បី​អាច​ឈាន​ទៅ​ដល់​ការ​ជម្រះ​មន្ទិល​សង្ស័យ​ជូន​ពលរដ្ឋ។ ម្យ៉ាង​វិញ​ទៀត ការ​ធ្វើ​បែប​នេះ អាជ្ញាធរ​ក៏​អាច​ទទួល​បាន​ការ​កោត​សរសើរ​ថា​មាន​សេចក្ដី​ថ្លៃថ្នូរ និង​ការ​គិតគូរ​អំពី​សុខ​ទុក្ខ​ពលរដ្ឋ ស្រប​ពេល​អាជ្ញាធរ និង​តុលាការ​កំពុង​ទទួល​រង​រិះគន់​ស្រាប់​ថា អនុវត្ត​ច្បាប់​មាន​ស្តង់ដារ​ពីរ។ ម្យ៉ាង​វិញ​ទៀត លោក ឈាន ពិសិដ្ឋ ដួល​នៅ​មុខ​ឡាន​របស់​លោក ឌិន ពុទ្ធី នោះ ក៏​មាន​វីដេអូ​ឃ្លីប​ឃើញ​ច្បាស់​ពី​សកម្មភាព​ដួល​នោះ​ដែរ។ លើស​ពី​នេះ មាន​ទាំង​សាក្សី​ជាច្រើន​អះអាង​ថា ឡាន​លោក ឌិន ពុទ្ធី មិន​បាន​បើក​បុក​លោក ឈាន ពិសិដ្ឋ ទេ គឺ​លោក ឈាន ពិសិដ្ឋ ដួល​ដោយ​ខ្លួន​ឯង​ទៅ​វិញ​ទេ៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

មតិ (6)
  • បោះពុម្ព
  • ចែករំលែក
  • អ៊ីម៉ែល

all bad people for CCP...would promote to high rank officer

This stupid old man says a crook officer hit by car unmoving and cause crook officer fells slept in front of vehicle with holding his key car and tra-com device in hand,not let anybody steal or take it away"smart crook office",and old high govn't official will promote him to one Star general and let crook officer take vacation treatment in Chan Bori clinic of Thailand with along his affair girl friend sleep with him"smart crook officer knows hove to make fast money".Unfortunately,the good driver who didn't hit crook officer has sent to jail,because he doesn't hit him that what the reason he has to monkyhouse...haaaa...hhaaa...that dictator regime era...

Jan 20, 2017 03:02 PM

@Him

Stop to stupid anymore people...time to wake up call and time to change a head machine...because 38+years repression and still not work at all...no time to let this group to buy a time or bargaining power anymore...be smart people do not let any stupid person to foul u around"stop stupid from now on".

Jan 04, 2017 04:07 PM

អ្នក​អាន​អនាមិក

ពាក្សថាជាប្រព័ន្ធពិតជាពាក្សត្រូវឥតខុសទាល់តែសោះក្នុងស្រុកខ្មែរ
យើងនេះ។ តាំងពីថ្នាក់តូចដល់ថ្នាក់កំពូលគឺមានភាសាតែមួយពេល
ចង់ដាក់ទោសនរណាម្នាក់។ តើឲ្យប្រជាពលរដ្នមានជំនឿយ៉ាងម៉្តេច
ទៅបើមានភស្តុតាងក្នុងខ្លិបវីដេអូទាំងពីរយ៉ាងនេះទៅហើយក៍អាចក្រ
លៃថាពិតដែរ។ យូរៗទៅទោះថ្ងៃក្រោយរឿងពិតមិនក៍គ្មាននរណា
គេយល់ថាពិតដែរព្រោះគ្មានជំនឿទាល់តែសោះ។ ខូចពូជហើយ។

Jan 02, 2017 11:19 PM

lala

ពី phnom penh

ជារឿងធម្មតាទៅហេីយត្រីធំសីុត្រីតូច‌។ហីេយបេីយេីងងាកមកមេីលសង្គមវិញវាមិនខុសគ្នាប៉ុន្មានទេអ្នកមានលុយមានអំណាចតែងតែឈ្នះអ្នកក្រជានិច្ច។
ពាក្យថាយុត្តិធមសំរាប់អ្នកក្រអ្នកគ្មានអំណាចប្រៀបដូចជារាវម្ជុលក្នុងបាតសមុទ្រអពា្ចឹង។

Jan 02, 2017 11:12 PM

មានតែអញត្រូវ

ពីដើមឡើយតែងគិតថា មកពីថ្នាក់ក្រោមធ្វើរបាយការណ៏ រឺនិយាយ ភូតភរ កុហក លើកជើង បញ្ជោរថ្នាក់លើ ទើបថ្នាក់លើមិនបានដឹងរឿងពិតរបស់រាស្ត្រ។ តែករណីមួយនេះ មានភស្ពុតាងជាវីដេអូ ហើយកក្រើកពេញប្រទេស ថ្នាក់លើនៅនិយាយទៅរួចថាឡានបើកបុក បង្កគ្រោះថា្នក់ធ្ងន់ធ្ងរ ទៅកើត ។ បើមនុស្សមើលឃើញហើយចង់ធ្វើខ្វាក់ សូមវត្ថុសាកសិទ្ធ ជូនតាមសំនើរការចង់បានរបស់ពួកគាត់ផង។ ឈប់សុំទេវតា ហើយព្រោះទេវតា បានសេពសោយឆ្អែតពីពពួកទមិឡទាំងអស់នោះ សិង្បបិទព្រះនេត្យអស់ហើយ ។

Jan 02, 2017 08:36 PM

មើល​មតិ​ទាំង​អស់.

គេហទំព័រ​ទាំងមូល