បុគ្គលិកកម្មករនៃព្រលានយន្តហោះអន្តរជាតិខេត្តសៀមរាប នៅតែបន្តធ្វើកូដកម្មប្រឆាំងអ្នកគ្រប់គ្រងជនជាតិបាំង រយៈពេល ៩ថ្ងៃមកហើយរហូតមកដល់ថ្ងៃពុធ ទី៣ ខែធ្នូ។
កាលពីព្រឹកថ្ងៃទី៣ ខែធ្នូ ក្រុមកម្មករបាននាំគ្នាចូលទៅធ្វើកូដកម្មតវ៉ាក្នុងបរិវេណនៃព្រលានយន្តហោះរយៈពេលខ្លី ដើម្បីដាក់សម្ពាធឲ្យអ្នកគ្រប់គ្រងក្រុមហ៊ុនអាកាសយានដ្ឋានអន្តរជាតិ ចេញមុខចរចារកដំណោះស្រាយ។
ក្រុមបុគ្គលិកកម្មករព្រលានយន្តហោះអន្តរជាតិខេត្តសៀមរាប ព្រមានថា ពួកគេនឹងបន្តធ្វើកូដកម្មដោយមិនកំណត់ថ្ងៃឈប់ទេ ប្រសិនបើអ្នកគ្រប់គ្រងជនជាតិបារាំង មិនទទួលយកសំណើកម្មករ ដែលទាមទារឲ្យមានលក្ខខណ្ឌការងារប្រសើរនោះ។
ចាប់តាំងពីថ្ងៃទី២៤ ខែវិច្ឆិកា មក ក្រុមបុគ្គលិកកម្មករ បានផ្ទុះកូដកម្មឡើង ធ្វើឲ្យមន្ត្រីនៃរដ្ឋលេខាធិការដ្ឋានអាកាសចរណ៍ស៊ីវិល និងអ្នកគ្រប់គ្រងក្រុមហ៊ុន ចេញមុខចរចាជាមួយតំណាងកម្មករជាច្រើនលើក ក៏ប៉ុន្តែការចរចានោះមិនមានលទ្ធផលទេ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖
ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។