រាជរដ្ឋាភិបាលថៃ ស្នើសុំឲ្យប្រទេសកម្ពុជា បញ្ជូនជនជាតិថៃ ៣នាក់ ត្រឡប់ទៅប្រទេសថៃ វិញ ដែលអាជ្ញាធរថៃ ចាត់ទុកថាជាជនប្រមាថព្រះចេស្ដាមហាក្សត្រថៃ។
មេប៉ូលិសជាតិថៃ លោក ចាក់ធីប ចៃចិន្ដា (Chakthip Chaijinda) ត្រូវបានកាសែតបាងកកប៉ុស្តិ៍ (Bangkok Post) ស្រង់សម្ដីថា ប៉ូលិសថៃ កំពុងធ្វើការជាមួយប៉ូលិសអន្តរជាតិ ឲ្យចាត់វិធានការច្បាប់ចំពោះអ្នកប្រមាថព្រះចេស្ដាមហាក្សត្រ ហើយកំពុងជ្រកកោននៅឯបរទេស។
ប៉ូលិសថៃ កំពុងស្វែងរកជនសង្ស័យប្រមាថព្រះចេស្ដាមហាក្សត្រចំនួន ១៩នាក់ ដែលកំពុងរត់ទៅជ្រកកោននៅឯប្រទេសក្រៅចំនួន៧ ក្នុងនោះមានប្រទេសកម្ពុជា មួយផង។
អាស៊ីសេរី មិនអាចទាក់ទងអ្នកនាំពាក្យក្រសួងការបរទេស ដើម្បីបញ្ជាក់អំពីជំហររបស់កម្ពុជា បានទេ នៅថ្ងៃទី២៧ តុលា។
ជនដែលប៉ូលិសថៃ កំពុងតាមរកឲ្យបញ្ជូនទៅប្រទេសថៃ វិញនោះ គឺអ្នកដែលសរសេរប្រមាថព្រះចេស្ដាមហាក្សត្រ ហើយបង្ហោះតាមអ៊ីនធឺណិតពីក្រៅប្រទេស ដែលជាបទល្មើសមានចែងក្នុងមាត្រា១១២ នៃច្បាប់ព្រហ្មទណ្ឌថៃ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖
ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។