សេចក្ដីប្រកាសព័ត៌មានរបស់ក្រសួងការបរទេស និងសហប្រតិបត្តិការអន្តរជាតិកម្ពុជា ចុះថ្ងៃទី២៤ តុលា នេះ ឲ្យដឹងថា លោក ហោ ណាំហុង រដ្ឋមន្ត្រីក្រសួងការបរទេសកម្ពុជា នឹងដឹកនាំក្រុមការងារខាងភាគីកម្ពុជា ទៅជួបភាគីថៃ ដែលដឹកនាំដោយលោករដ្ឋមន្ត្រីក្រសួងការបរទេសថៃ សូរ៉ាពង្ស តុវីចាក់ឆៃគល់ នៅក្រុងប៉ោយប៉ែត ក្នុងទឹកដីកម្ពុជា ដើម្បីពិភាក្សាគ្នាក្នុងការពង្រឹងសន្តិភាព សន្តិសុខ និងស្ថិរភាព នៅតាមព្រំដែននៃប្រទេសទាំងពីរ។
សេចក្ដីប្រកាសព័ត៌មានដដែល ឲ្យដឹងថា ភាគីទាំងពីរនឹងពិភាក្សាគ្នាអំពីការបើកច្រកព្រំដែនគោកតាមព្រំដែននៃប្រទេសទាំងពីរបន្ថែមមួយចំនួនទៀត ដើម្បីសម្រួលចរាចរណ៍ទំនិញ និងការធ្វើដំណើរចេញចូលរបស់ប្រជាពលរដ្ឋនៃប្រទេសទាំងពីរឲ្យបានប្រសើរជាងមុន៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖
ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។