ឪពុករបស់ជនរងគ្រោះ លោក ភឹម ឡាយ មានប្រសាសន៍ថា កូនប្រុសរបស់លោកឈ្មោះ ភឹម ម៉ៅ អាយុ ១៩ឆ្នាំ ត្រូវបានតុលាការកាត់ឲ្យជាប់ពន្ធនាគាររយៈពេល ១៥ខែ ពីបទដុតរោង និងចម្ការធូរេនរបស់ថៅកែស្ថានីយលក់សាំងសូគីមិច (SOKIMEX) ប្រចាំនៅខេត្តពោធិ៍សាត់ កាលពីខែមីនា ឆ្នាំ២០១៣ កន្លងទៅ។ ក៏ប៉ុន្តែ កូនរបស់លោកទើបតែអនុវត្តទោសបាន ៧ខែប៉ុណ្ណោះ។ លោកបន្តថា នៅថ្ងៃទី៧ ខែតុលា លោកបានចូលទៅសួរសុខទុក្ខកូន ហើយកូនបានត្អូញប្រាប់គាត់ថា ខ្លួនមានអាការៈតឹងណែន និងថប់ក្នុងទ្រូងយ៉ាងខ្លាំង។
ជនរងគ្រោះមានស្រុកកំណើតនៅភូមិវាលវង់ ឃុំរកាប ស្រុកភ្នំក្រវាញ ខេត្តពោធិ៍សាត់។ ក្រុមគ្រួសារបាននាំយកសពទៅបូជា និងធ្វើបុណ្យតាមប្រពៃណីនៅក្នុងវត្តព្រៃញែក ក្រុងពោធិ៍សាត់។
មន្ត្រីសិទ្ធិមនុស្សបានចាត់ករណីស្លាប់របស់ទណ្ឌិតនេះថា ជាការធ្វេសប្រហែលរបស់មន្ត្រីពន្ធនាគារ និងជាការរំលោភសិទ្ធិមនុស្សធ្ងន់ធ្ងរ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖
ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។