ផ្ទះ​បុរាណ​មាន​អាយុ​ជិត​១០០​ឆ្នាំ​នៅ​ខេត្ត​បាត់ដំបង​ទាក់ទាញ​ភ្ញៀវ​ទេសចរ

ដោយ ហ៊ុំ ចំរើន
2015.07.13
ផ្ទះ​បុរាណ បាត់ដំបង ៦២០ ផ្ទះ​បុរាណ​នៅ​ភូមិ​វត្តគរ សង្កាត់​វត្តគរ ក្រុង​បាត់ដំបង ខេត្ត​បាត់ដំបង។ រូបថត​ថ្ងៃ​ទី​១២ ខែ​កក្កដា ឆ្នាំ​២០១៥
RFA/Hum Chamroeun
ផ្ទះ​បុរាណ បាត់ដំបង ៦២០

ខ្លោងទ្វារ​ផ្ទះ​បុរាណ​នៅ​ភូមិ​វត្តគរ សង្កាត់​វត្តគរ ក្រុង​បាត់ដំបង ខេត្ត​បាត់ដំបង។ រូបថត​ថ្ងៃ​ទី​១២ ខែ​កក្កដា ឆ្នាំ​២០១៥ RFA/Hum Chamroeun

ផ្ទះ​បុរាណ បាត់ដំបង ៦២០

ផ្ទះ​បុរាណ​នៅ​ភូមិ​វត្តគរ សង្កាត់​វត្តគរ ក្រុង​បាត់ដំបង ខេត្ត​បាត់ដំបង។ រូបថត​ថ្ងៃ​ទី​១២ ខែ​កក្កដា ឆ្នាំ​២០១៥ RFA/Hum Chamroeun

ផ្ទះ​បុរាណ បាត់ដំបង ៦២០

ទិដ្ឋភាព​ខាង​ក្រោម​ផ្ទះ​បុរាណ​នៅ​ភូមិ​វត្តគរ សង្កាត់​វត្តគរ ក្រុង​បាត់ដំបង ខេត្ត​បាត់ដំបង។ រូបថត​ថ្ងៃ​ទី​១២ ខែ​កក្កដា ឆ្នាំ​២០១៥ RFA/Hum Chamroeun

ផ្ទះ​បុរាណ បាត់ដំបង ៦២០

ទិដ្ឋភាព​ចំហៀង​ផ្ទះ​បុរាណ​នៅ​ភូមិ​វត្តគរ សង្កាត់​វត្តគរ ក្រុង​បាត់ដំបង ខេត្ត​បាត់ដំបង។ រូបថត​ថ្ងៃ​ទី​១២ ខែ​កក្កដា ឆ្នាំ​២០១៥ RFA/Hum Chamroeun

ផ្ទះ​បុរាណ បាត់ដំបង ៦២០

ទិដ្ឋភាព​ខាង​ក្នុង​ផ្ទះ​បុរាណ​នៅ​ភូមិ​វត្តគរ សង្កាត់​វត្តគរ ក្រុង​បាត់ដំបង ខេត្ត​បាត់ដំបង។ រូបថត​ថ្ងៃ​ទី​១២ ខែ​កក្កដា ឆ្នាំ​២០១៥ RFA/Hum Chamroeun

ផ្ទះ​បុរាណ បាត់ដំបង ៦២០

ទិដ្ឋភាព​ខាង​ក្នុង​ផ្ទះ​បុរាណ​នៅ​ភូមិ​វត្តគរ សង្កាត់​វត្តគរ ក្រុង​បាត់ដំបង ខេត្ត​បាត់ដំបង។ រូបថត​ថ្ងៃ​ទី​១២ ខែ​កក្កដា ឆ្នាំ​២០១៥ RFA/Hum Chamroeun

ផ្ទះ​បុរាណ បាត់ដំបង ៦២០

ទិដ្ឋភាព​ខាង​ក្នុង​ផ្ទះ​បុរាណ​នៅ​ភូមិ​វត្តគរ សង្កាត់​វត្តគរ ក្រុង​បាត់ដំបង ខេត្ត​បាត់ដំបង។ រូបថត​ថ្ងៃ​ទី​១២ ខែ​កក្កដា ឆ្នាំ​២០១៥ RFA/Hum Chamroeun

ផ្ទះ​បុរាណ បាត់ដំបង ៦២០

ដំបូល​ផ្ទះ​បុរាណ​នៅ​ភូមិ​វត្តគរ សង្កាត់​វត្តគរ ក្រុង​បាត់ដំបង ខេត្ត​បាត់ដំបង។ រូបថត​ថ្ងៃ​ទី​១២ ខែ​កក្កដា ឆ្នាំ​២០១៥ RFA/Hum Chamroeun

ផ្ទះ​បុរាណ បាត់ដំបង ៦២០

គំរូ​ផ្ទះ​នៅ​ក្នុង​ផ្ទះ​បុរាណ​នៅ​ភូមិ​វត្តគរ សង្កាត់​វត្តគរ ក្រុង​បាត់ដំបង ខេត្ត​បាត់ដំបង។ រូបថត​ថ្ងៃ​ទី​១២ ខែ​កក្កដា ឆ្នាំ​២០១៥ RFA/Hum Chamroeun

ផ្ទះ​បុរាណ បាត់ដំបង ៦២០

មូលនិធិ​អភិរក្ស​ផ្ទះ​បុរាណ​នៅ​ភូមិ​វត្តគរ សង្កាត់​វត្តគរ ក្រុង​បាត់ដំបង ខេត្ត​បាត់ដំបង។ រូបថត​ថ្ងៃ​ទី​១២ ខែ​កក្កដា ឆ្នាំ​២០១៥ RFA/Hum Chamroeun

ផ្ទះ​បុរាណ បាត់ដំបង ៦២០

ជណ្ដើរ​ខាង​ក្រោយ​ផ្ទះ​បុរាណ​នៅ​ភូមិ​វត្តគរ សង្កាត់​វត្តគរ ក្រុង​បាត់ដំបង ខេត្ត​បាត់ដំបង។ រូបថត​ថ្ងៃ​ទី​១២ ខែ​កក្កដា ឆ្នាំ​២០១៥ RFA/Hum Chamroeun

ផ្ទះ​បុរាណ បាត់ដំបង ៦២០

ផ្ទះ​បាយ​ក្នុង​ផ្ទះ​បុរាណ​នៅ​ភូមិ​វត្តគរ សង្កាត់​វត្តគរ ក្រុង​បាត់ដំបង ខេត្ត​បាត់ដំបង។ រូបថត​ថ្ងៃ​ទី​១២ ខែ​កក្កដា ឆ្នាំ​២០១៥ RFA/Hum Chamroeun

ម្ចាស់​ផ្ទះ​បុរាណ បាត់ដំបង ៦២០

លោក​យាយ ប៊ុន រឿង ម្ចាស់​ផ្ទះ​បុរាណ​នៅ​ភូមិ​វត្តគរ សង្កាត់​វត្តគរ ក្រុង​បាត់ដំបង ខេត្ត​បាត់ដំបង។ រូបថត​ថ្ងៃ​ទី​១២ ខែ​កក្កដា ឆ្នាំ​២០១៥ RFA/Hum Chamroeun

ផ្ទះ​បុរាណ​ខ្មែរ​ធ្វើ​ពី​ឈើ​ដែល​មាន​អាយុកាល​ជិត ១០០​ឆ្នាំ នៅ​ក្រុង​បាត់ដំបង ខេត្ត​បាត់ដំបង ជា​ទី​កន្លែង​ទាក់ទាញ​ភ្ញៀវ​ទេសចរ​ជាតិ និង​អន្តរជាតិ ឲ្យ​ទៅ​កម្សាន្ត។ មន្ត្រី​មន្ទីរ​ទេសចរណ៍​ខេត្ត​បាត់ដំបង បញ្ជាក់​ថា មូលហេតុ​ដែល​ភ្ញៀវ​និយម​ទៅ​កម្សាន្ត គឺ​ពួក​គេ​ចង់​ដឹង​ពី​ជីវិត​រស់នៅ​បែប​បុរាណ​នា​សម័យ​មុន។

ផ្ទះ​បុរាណ​ខ្មែរ​ដែល​គេ​និយម​ទៅ​កម្សាន្ត​នៅ​ខេត្ត​បាត់ដំបង ភាគ​ច្រើន​ជា​ប្រភេទ​ផ្ទះ​ប៉ិត​ធ្វើ​អំពី​ឈើ និង​មាន​ដំបូល​ប្រក់​ក្បឿង ដែល​មាន​ទទឹង​ប្រមាណ ១០​ម៉ែត្រ​កន្លះ និង​បណ្ដោយ ២៩​ម៉ែត្រ។ ផ្ទះ​ដែល​មាន​អាយុកាល​ជិត ១០​ទសវត្សរ៍​នេះ មាន​លក្ខណៈ​រឹងមាំ​ហើយ​ស្រស់​ស្អាត ដោយ​ប៉ែក​ខាង​ក្រោម​ផ្ទះ​ចាក់​ស៊ីម៉ងត៍ ឬ​ចាក់​សាប និង​មាន​ជណ្ដើរ​ឡើង​ផ្ទះ​ចំនួន​២ គឺ​នៅ​ខាង​មុខ​មួយ និង​ចំហៀង​ប៉ែក​ខាង​ស្ដាំ​ផ្ទះ​មួយ ដែល​មាន​ទីតាំង​ឋិត​នៅ​តាម​ដង​ស្ទឹង​សង្កែ ដែល​មាន​ចម្ងាយ​ប្រមាណ ៥​គីឡូម៉ែត្រ​នៅ​ប៉ែក​ខាង​ត្បូង​ពី​ក្រុង​បាត់ដំបង។

ផ្ទះ​នេះ​នៅ​ពេល​ព្រឹក យើង​ពុំ​សង្កេត​ឃើញ​ភ្ញៀវ​ទេសចរ​ទៅ​លេង​កម្សាន្ត​នោះ​ទេ ប៉ុន្តែ​ម្ចាស់​ផ្ទះ​អះអាង​ថា នៅ​ពេល​ព្រឹក​ជួន​មាន​ភ្ញៀវ ជួន​ក៏​ពុំ​មាន​ភ្ញៀវ​ទៅ​លេង​កម្សាន្ត​នោះ​ទេ គឺ​ភាគ​ច្រើន​ភ្ញៀវ​និយម​ទៅ​ទស្សនា​នៅ​ពេល​រសៀល​ស្ទើរ​រៀង​រាល់​ថ្ងៃ។

ម្ចាស់​ផ្ទះ​បុរាណ​ខ្មែរ​នៅ​ភូមិ​វត្តគរ សង្កាត់​វត្តគរ ក្រុង​បាត់ដំបង នៅ​ក្នុង​សម្លៀកបំពាក់​អាវ​ស សារុង​ពណ៌​ខ្មៅ​ជា​លក្ខណៈ​អ្នក​រក្សា​សីល​ផង​នោះ គឺ​អ្នកស្រី ប៊ុន រឿង ថ្លែង​ថា ឆ្នាំ​នេះ​អ្នកស្រី​មាន​អាយុ ៧៤​ឆ្នាំ​ទៅ​ហើយ និង​ជា​ម្ចាស់​ផ្ទះ​ជំនាន់​ទី​៣។ អ្នកស្រី​អង្គុយ​ពាក់​វ៉ែនតា​នៅ​ខាង​ក្រោម​ផ្ទះ​បុរាណ ដែល​មាន​សសរ​ពណ៌​ខ្មៅ ដោយ​សម្ដី​មួយៗ​ទៀត​ថា ផ្ទះ​នេះ​ជា​កេរ​ពី​ជីតា​របស់​អ្នកស្រី​ឈ្មោះ លោក​ឧកញ៉ា នូ ពិនិត្តភិង សង់​ឡើង​នៅ​ឆ្នាំ​១៩២០៖ «ចា៎! លោក​តា​គាត់​មាន​កូន​ប្រុស​ម្នាក់ និង​ស្រី​ចំនួន ៦​នាក់ លោក​ជា​អ្នក​សាងសង់ កូន​ចៅ​បន្ត​វេន​គ្នា​មើល​ការ​ខុស​ត្រូវ​បន្តបន្ទាប់​រហូត​មក​ខ្ញុំ​ជំនាន់​ទី​៣។ មូលហេតុ​ដែល​លោក​តា​របស់​ខ្ញុំ​គាត់​សង់​ផ្ទះ​ធំ​នេះ ប្រហែល​ជា​លោក​តា​ខ្ញុំ​គាត់​មាន​កូន​ចៅ​ច្រើន»

ផ្ទះ​បុរាណ​មួយ​នេះ​មាន​សភាព​រឹងមាំ និង​ស្រស់​ស្អាត មាន​ទីធ្លា​ធំ​ទូលាយ អម​ទៅ​ដោយ​ដើម​ឈើ​តូច​ធំ​ព័ទ្ធ​ជុំវិញ​ផ្ទះ ពោល​គឺ​មាន​គុណភាព​មិន​ចាញ់​ផ្ទះ​សម័យ​ថ្មី​ឡើយ។

លោក​យាយ​អះអាង​ថា ពី​មួយ​ជំនាន់​ទៅ​មួយ​ជំនាន់​នៃ​អ្នក​គ្រប់គ្រង​ផ្ទះ គឺ​តែង​ធ្វើ​ការ​ថែទាំ និង​បោស​សម្អាត​ជា​ប្រចាំ​រហូត​មក​ទល់​សព្វថ្ងៃ៖ «ការ​ថែរក្សា ខ្ញុំ​មិន​ដល់​លោក​យាយ​លោក​តា​ខ្ញុំ​ទេ គឺ​គាត់​មាន​មនុស្ស​សម្រាប់​ថែ​រក្សា​បោស​ជូត​ជា​ប្រចាំ​បាន​ល្អ​ណាស់»

លោក​យាយ​បន្ត​ថា សព្វថ្ងៃ​មាន​ភ្ញៀវ​ជាតិ និង​អន្តរជាតិ​ទៅ​លេង​កម្សាន្ត​ជួន​តិច​ជួន​ច្រើន​ជា​រៀង​រាល់​ថ្ងៃ ជាពិសេស​ចាប់​ពី​ខែ​វិច្ឆិកា ដល់​ខែ​មករា។

ទាក់ទង​នឹង​បញ្ហា​នេះ​ដែរ ប្រធាន​មន្ទីរ​ទេសចរណ៍​ខេត្ត​បាត់ដំបង លោក ធី ស្សារ៉ា មាន​ប្រសាសន៍​ថា ផ្ទះ​បុរាណ​ខ្មែរ​ដែល​ភ្ញៀវ​ជាតិ និង​អន្តរជាតិ​និយម​ទៅ​ទស្សនា​នៅ​ខេត្ត​បាត់ដំបង មាន​ចំនួន ២​កន្លែង ក្នុង​ចំណោម​ជាង ២០​ផ្ទះ។ លោក​បញ្ជាក់​ថា មូលហេតុ​ដែល​គេ​និយម​ទៅ​ទស្សនា​ផ្ទះ​បុរាណ ភាគ​ច្រើន​ដើម្បី​ទៅ​ស្វែង​យល់​អំពី​របៀប​រស់នៅ​របស់​ខ្មែរ​កាល​ពី​សម័យ​ដើម​ផង និង​ជួយ​លើក​កម្ពស់​ដល់​ប្រជាពលរដ្ឋ​រស់នៅ​តំបន់​នោះ​ផង៖ «ផ្ទះ​បុរាណ​នោះ​ជាទូទៅ​គេ​ហៅ​ថា​ភូមិ​វប្បធម៌ ដែល​ជា​តំបន់​ទាក់ទាញ​ភ្ញៀវ​ទេសចរ​សំខាន់​ណាស់ ដែល​គាត់​សិក្សា​អំពី​របៀប​របប​ពី​ការ​រស់នៅ​របស់​ប្រជាពលរដ្ឋ និង​ចង់​ជួយ​ប្រជាពលរដ្ឋ​ដែល​រស់នៅ​តាម​ទី​ជនបទ»

អ្នក​ជំនាញ​ខាង​ស្រាវជ្រាវ​ផ្នែក​វប្បធម៌ និង​សិល្បៈ ប្រចាំ​រាជបណ្ឌិត្យសភា លោក​បណ្ឌិត ធុយ ធួន មាន​ប្រសាសន៍​ថា ផ្ទះ​បុរាណ​ខ្មែរ​ភាគ​ច្រើន​និយម​សាងសង់​បែប​ផ្ទះ​ប៉ិត និង​ផ្ទះ​កន្តាំង ធ្វើ​អំពី​ឈើ​ដែល​ភាគ​ច្រើន​មាន​សសរ​ចាក់​គ្រឹះ​ស៊ីម៉ងត៍ និង​ដំបូល​ប្រក់​ក្បឿង ឬ​ស្លឹក​ស្បូវ។ លោក​ពន្យល់​ថា មាន​ហេតុផល​មួយ​ចំនួន​ដែល​ប្រជាពលរដ្ឋ​ខ្មែរ​សម័យ​ដើម​និយម​សង់​ផ្ទះ​អំពី​ឈើ​នោះ ដោយសារ​កាល​ពី​សម័យ​មុន​នៅ​ស្រុក​ខ្មែរ​សម្បូរ​ទៅ​ដោយ​ដើម​ឈើ និង​ធនធាន​ធម្មជាតិ​ច្រើន ដែល​ងាយ​ស្រួល​ដល់​ការ​សាងសង់​ផ្ទះ។ ទោះ​យ៉ាង​នេះ​ក្ដី លោក​អះអាង​ថា ខ្មែរ​សម័យ​ដើម​មិន​និយម​សង់​ផ្ទះ​ដែល​មាន​ជញ្ជាំង​ជាប់​នឹង​ដី​ដូច​ជនជាតិ​វៀតណាម និង​ចិន នោះ​ទេ ដោយសារ​ការពារ​ពី​គ្រោះថ្នាក់​ធម្មជាតិ​ផ្សេងៗ៖ «ហេតុ​ដែល​ដូនតា​ខ្មែរ​សង់​ផ្ទះ​ដាក់​ជើង​សសរ​ឡើង​ខ្ពស់​នោះ ដោយសារ​នៅ​ស្រុក​ខ្មែរ​យើង​ភាគ​ច្រើន​ទឹក​ជន់​លិច​នៅ​រដូវ​វស្សា។ ដោយឡែក​ប្រជាពលរដ្ឋ​ខ្មែរ​នៅ​ខាង​ខេត្ត​រតនគិរី និង​មណ្ឌលគិរី វិញ ពួក​គាត់​សង់​ផ្ទះ​ជាប់​ដី​ដូច​នៅ​ប្រទេស​វៀតណាម ដែរ ដោយសារ​នៅ​តំបន់​នោះ​ជា​តំបន់​ខ្ពង់រាប»

លោក​បន្ត​ថា សព្វថ្ងៃ​ផ្ទះ​បុរាណ​ខ្មែរ​មាន​សេសសល់​ច្រើន​នៅ​ពាសពេញ​ប្រទេស មាន​ជាអាទិ៍ នៅ​ខេត្ត​ជាប់​តំបន់​ដង​ទន្លេ​មេគង្គ ខេត្ត​បាត់ដំបង និង​ខេត្ត​សៀមរាប ជាដើម ហើយ​ក្នុង​ចំណោម​ខេត្ត​ទាំង​នោះ ផ្ទះ​បុរាណ​នៅ​ខេត្ត​សៀមរាប មាន​លក្ខណៈ​ល្អ​ជាង​គេ។ លោក​អំពាវនាវ​ឲ្យ​ម្ចាស់​គ្រប់គ្រង​ផ្ទះ និង​ស្ថាប័ន​ពាក់ព័ន្ធ អភិរក្ស​ផ្ទះ​បុរាណ​ខ្មែរ​ឲ្យ​បាន​គង់វង្ស​ទៅ​មុខ​ទៀត ដើម្បី​ជា​ប្រយោជន៍​ដល់​ការ​សិក្សា​របស់​កូន​ចៅ​ជំនាន់​ក្រោយ។

ដោយឡែក​ផ្ទះ​បុរាណ​ខ្មែរ​នៅ​ឃុំ​វត្តគរ ក្រុង​បាត់ដំបង វិញ លោកស្រី ប៊ុន រឿង ថ្លែង​ថា នៅ​ពេល​ដែល​អត់​ពី​លោកស្រី​ទៅ នឹង​ផ្ទេរ​សិទ្ធិ​ផ្ទះ​នោះ​ឲ្យ​ទៅ​ក្មួយ​ជីដូនមួយ​ឈ្មោះ លោក សម្បត្តិ វីរៈ ឲ្យ​ជួយ​គ្រប់គ្រង និង​មើល​ថែរក្សា​បន្ត។

មន្ត្រី​នៃ​មន្ទីរ​ទេសចរណ៍​ខេត្ត​បាត់ដំបង ឲ្យ​ដឹង​ថា ភ្ញៀវ​ទេសចរ​ជាតិ និង​ភ្ញៀវ​អន្តរជាតិ ទៅ​លេង​កម្សាន្ត​ខេត្ត​បាត់ដំបង មាន​ការ​កើន​ឡើង។ ក្នុង​នោះ​នៅ ៥​ខែ​ដើម​ឆ្នាំ​១០១៥ ភ្ញៀវ​ទេសចរ​ជាតិ​មាន​ចំនួន​ជាង ១៨​ម៉ឺន​នាក់ (១៨២.៥៥០​នាក់) គឺ​កើន​ឡើង​ប្រមាណ​ជាង ១០​ភាគរយ បើ​ប្រៀបធៀប​ពេល​ដូច​គ្នា​នៃ​ឆ្នាំ​២០១៤។ ចំណែក​ភ្ញៀវ​ទេសចរ​អន្តរជាតិ​វិញ មាន​ចំនួន​ជាង ៣​ម៉ឺន ៨​ពាន់​នាក់ (៣៨.៤៣៦​នាក់) គឺ​កើន​ឡើង​ប្រមាណ​ជាង ៥​ភាគរយ បើ​ធៀប​រយៈពេល​ដូច​គ្នា​កាល​ពី​ឆ្នាំ​កន្លង​ទៅ។ ក្នុង​ចំណោម​ភ្ញៀវ​ទាំង​នោះ ភ្ញៀវ​ខ្លះ​ក៏​និយម​ទៅ​ទស្សនា​ផ្ទះ​បុរាណ​ដែរ៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

បញ្ចេញ​មតិយោបល់៖

បញ្ចូលមតិរបស់អ្នកដោយបំពេញទម្រង់ខាងក្រោមជាអក្សរសុទ្ធ។ មតិនឹងត្រូវសម្រេចដោយអ្នកសម្របសម្រួល និងអាចពិនិត្យកែប្រែឲ្យស្របតាម លក្ខខណ្ឌនៃការប្រើប្រាស់ របស់វិទ្យុអាស៊ីសេរី។ មតិនឹងមិនអាចមើលឃើញភ្លាមៗទេ។ វិទ្យុអាស៊ីសេរី មិនទទួលខុសត្រូវចំពោះខ្លឹមសារនៃមតិដែលបានចុះផ្សាយឡើយ។ សូមគោរពមតិរបស់អ្នកដទៃ ហើយប្រកាន់ខ្ជាប់នូវការពិត។