ចិន នឹងសង់ផ្សារទំនើបរួចពន្ធពីរ ឬហៅថា ផ្សារ យូធី ហ្វ្រ៊ី (Duty Free) នៅខេត្តសៀមរាប និងនៅភ្នំពេញ ដែលនឹងចាប់ផ្ដើមនៅចុងឆ្នាំនេះ។
ទីភ្នាក់ងារចិន ស៊ិនហួ (Xinhua) ផ្សាយថ្ងៃទី១២ សីហា ថា ផ្សារ យូធី ហ្វ្រ៊ី ទីមួយ សង់លើផ្ទៃដី ៤.៥០០ម៉ែត្រក្រឡា នៅកណ្ដាលក្រុងសៀមរាប ដោយដាក់ឈ្មោះថា អង្គរ យូធី ហ្វ្រ៊ី ដែលនឹងបើកទ្វារនៅខែធ្នូ ឆ្នាំ២០១៤។ ចំណែកផ្សារ យូធី ហ្វ្រ៊ី មួយទៀតនៅភ្នំពេញ នឹងបើកនៅឆ្នាំ២០១៥។
សារព័ត៌មានដដែលផ្សាយថា ផ្សារ យូធី ហ្វ្រ៊ីចិន ទាំងពីរនេះ មានទំនិញម៉ាកទំនើបៗ និងគុណភាពខ្ពស់ប្រហែល ២០០មុខដាក់លក់ ដូចជា ទឹកអប់ គ្រឿងសំអាង ស្រា ភេសជ្ជៈ និងគ្រឿងអលង្ការ ជាដើម៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖
ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។