អាជ្ញាធរថៃ បានចាប់ខ្លួនបុរសវៀតណាមម្នាក់ និងស្ត្រីចិនម្នាក់ នៅអាកាសយានដ្ឋានសុវណ្ណភូមិ ក្រុងបាងកក ប្រទេសថៃ កាលពីថ្ងៃទី២៨ កក្កដា សង្ស័យថា ជួញដូរភ្លុកដំរី និងខ្សែដៃធ្វើពីភ្លុកដំរីពីអាហ្វ្រិកមកកម្ពុជា មានតម្លៃប្រមាណ ៩លានបាត។
កាសែតថៃ បាងកក ប៉ុស្តិ៍ (Bangkok Post) ឲ្យដឹងថា គយថៃប្រចាំអាកាសយានដ្ឋានសុវណ្ណភូមិបានរកឃើញភ្លុកដំរី ពេលថត អិករ៉េ (X-ray) ឥវ៉ាន់បុរសវៀតណាម និងស្ត្រីជនជាតិចិននោះ មុនឡើងយន្តហោះមកកាន់ខេត្តសៀមរាប ថ្ងៃទី២៨ កក្កដា។
ជនសង្ស័យទាំងពីរបានប្រាប់មន្ត្រីគយថៃថា ភ្លុកនិងផ្លាកដៃធ្វើពីភ្លុកទាំងនោះ មិនមែនជារបស់ខ្លួនទេ គឺជាបញ្ញើបុរសម្នាក់ជាជនជាតិអាស៊ីដូចគ្នានៅអាហ្វ្រិក ផ្ញើមកឲ្យគ្នាគេនៅកម្ពុជា៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖
ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។