មជ្ឈមណ្ឌលកម្ពុជាដើម្បីប្រព័ន្ធផ្សព្វផ្សាយឯករាជ្យ ហៅកាត់ថា ស៊ី.ស៊ី.អាយ.អិម (CCIM) និងមជ្ឈមណ្ឌលអប់រំច្បាប់សម្រាប់សហគមន៍ (CLEC) ប្រកាសថ្ងៃទី១៩ សីហា ថា នឹងបង្កើតបណ្ដាញអ្នកសារព័ត៌មានពលរដ្ឋជាលើកដំបូង ដែលនឹងមានអ្នកសារព័ត៌មានពលរដ្ឋប្រមាណ១០០ នាក់ ចូលរួម។
ស៊ី.ស៊ី.អាយ.អិម និង ក្លិក នឹងបើកសិក្ខាសាលាមួយដើម្បីបង្កើតបណ្ដាញ ចែករំលែកបទពិសោធន៍នៅថ្ងៃទី២០ សីហា ខាងមុខនេះ ដែលចាប់ផ្ដើមពីម៉ោង២រសៀល នៅការិយាល័យ មជ្ឈមណ្ឌលអប់រំច្បាប់សម្រាប់សហគមន៍ នៅផ្ទះលេខ ២៣៧ ផ្លូវលំភូមិថ្មី សង្កាត់ដង្កោ ខណ្ឌដង្កោ រាជធានីភ្នំពេញ។
សិក្ខាសាលានោះ មានពលរដ្ឋអ្នកសារព័ត៌មានប្រមាណ៨០ នាក់ បង្ហាញបទពិសោធរបស់គេ និងមានការពិភាក្សាជាក្រុម ដើម្បីចែករំលែកបទពិសោធន៍ ពីអ្នកជំនាញសារព័ត៌មាន រួមទាំងមានដាក់តាំងបង្ហាញរូបថត ជាស្នាដៃរបស់ពលរដ្ឋអ្នកសារព័ត៌មានផង៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖
ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។