រដ្ឋាភិបាល​រៀបចំ​ពិធី​បុណ្យ​ដារ​លាន​ថ្នាក់​ជាតិ​ជា​លើក​ដំបូង​នៅ​ខេត្ត​កំពង់​ឆ្នាំង

ដោយ ជិន ជេដ្ឋា
2016-01-23
អ៊ីម៉ែល
មតិ
ចែករំលែក
បោះពុម្ព
  • បោះពុម្ព
  • ចែករំលែក
  • មតិ
  • អ៊ីម៉ែល
បុណ្យ​ដាលាន កំពង់ឆ្នាំង ៨៥៥
រោង​រៀបចំ​ពិធី​បុណ្យ​ដាលាន ឋិតនៅ​កណ្ដាល​វាលស្រែ នៃ​ភូមិ​ស្ពងរាជ្យ ឃុំ​អណ្ដូង​ស្នាយ ស្រុក​រលាប្អៀរ ខេត្ដ​កំពង់​ឆ្នាំង នៅ​ថ្ងៃ​ទី​២២ ខែ​មករា ឆ្នាំ​២០១៦។
RFA/Chin Chetha

រាជរដ្ឋាភិបាល​កម្ពុជា រៀបចំ​ពិធី​បុណ្យ​ដារលាន ឬ​បុណ្យ​ភូមិ ថ្នាក់​ជាតិ​យ៉ាង​ធំ​មួយ​ជា​លើកទី១​ នៅ​ខេត្ត​កំពង់ឆ្នាំង​នា​ថ្ងៃ​ទី​២២ ខែ​មករា។ ពិធី​បុណ្យ​ដាលាន​នេះ​មាន​អ្នក​ចូល​រួម​ប្រមាណ​១​ពាន់​​ នាក់។

ប្រធាន​មន្ទីរ​កសិកម្ម​ខេត្ត​កំពង់​ឆ្នាំង សង្ឃឹម​ថា​អ្នក​ចូល​រួម​ដែល​ភាគ​ច្រើន​ជា​ប្រជា​កសិករ នៅ​ឃុំ​គោកបន្ទាយ និង​ឃុំ​អណ្ដូងស្នាយ នៃ​ស្រុក​រលាប្អៀរ មាន​ឱកាស​ចែក​រំលែក​បទ​ពិសោធន៍​កសិកម្ម​គ្នា​ទៅ​វិញ​ទៅ​មក ដើម្បី​ជា​ប្រយោជន៍​ក្នុង​ការ​បង្កបង្កើន​ផល​នៅ​ឆ្នាំ​ខាង​មុខៗ​ទៀត។ ប្រជា​កសិករ​ក៏​មាន​ឱកាស​សប្បាយ​រីករាយ​ជាមួយ​គ្នា បន្ទាប់​ពី​នឿយហត់​ប្រមូល​ផល​ស្រូវ អស់​រយៈ​ពេល​មួយ​រដូវ​ពេញ។

ប្រធាន​មន្ទីរ​កសិកម្ម​លោក ងិន ហ៊ុន មាន​ប្រសាសន៍​ថា ពិធី​បុណ្យ​ដារលាន​ថ្នាក់​ជាតិ​នេះ​បាន​ធ្វើ​ឡើង​របៀប​វិល​ជុំ​ពី​ខេត្ត​មួយ​ទៅ​ខេត្ត​មួយ ហើយ​ឆ្នាំ​២០១៦​នេះ​ធ្វើ​នៅ​ក្នុង​ខេត្ត​កំពង់​ឆ្នាំង។ លោក​ថា កន្លែង​ប្រារព្ធ​ពិធី​ដែល​ឋិត​នៅ​ចំ​កណ្ដាល​វាល​ស្រែ នៃ​ភូមិ​ស្ពងរាជ្យ ឃុំ​អណ្ដូងស្នាយ ចាប់​ផ្ដើម​ក្រុងពាលី​នៅ​ម៉ោង​១០​ព្រឹក និង​ពី​ម៉ោង​ពីរ​រសៀល​ទៅ​កម្មវិធី​នឹង​ចាប់​ផ្ដើម ក្រោម​អធិបតីភាព​របស់​រដ្ឋមន្ត្រី​ក្រសួង​កសិកម្ម៖ «ពិធី​បុណ្យ​ដាលាន​នេះ យើង​គ្រោង​ធ្វើ​រយៈ​ពេល​ធ្វើ​តែ​មួយ​ថ្ងៃ​ទេ! ជា​គោល​បំណង គឺ​ទី​១​ចង់​ឲ្យ​បងប្អូន​កសិករ​យើង​ទាំង​អស់​ជួប​ជុំ​គ្នា ពង្រីក​ចំណង​សាមគ្គីភាព​គ្នា ចូល​រួម​យោបល់ និង​បទពិសោធន៍​ពី​លើ​ការងារ​បង្កបង្កើនផល។ ទី​២​ចង់​ឲ្យ​ប្រជា​កសិករ​ទាំង​អស់​ចេះ​ស្រឡាញ់ និង​សន្សំ​សំចៃ​ស្រូវ។ ទី៣​ទាក់ទង​នឹង​បុណ្យ​ដាលាន​នេះ​ដែរ គឺ​ចង់​អប់រំ​កូន​ចៅ​ជំនាន់​ក្រោយ​ឲ្យ​យល់​ពី​ការ​រស់នៅ ឲ្យ​ដឹង​គុណ​ព្រះ​ធរណី ទឹក(គង្គា) ដែល​នេះ​ជា​កត្តា​សំខាន់​សម្រាប់​សន្តិសុខ​ស្បៀង»

នៅ​ក្រោម​បដា​ពាក្យ​ស្លោក "មាន​ស្រូវ គឺ​មាន​អ្វី​ៗ​ទាំង​អស់" ក្រុម​កសិករ និង​មន្ត្រី​កសិកម្ម​បាន​ដាក់​តាំង​បន្លែ​ផ្លែឈើ ត្រី​សាច់ ស្រូវ​អង្ក និង​ប្រភេទ​ជី​ដាក់​ស្រែ​មាន​គុណភាព​ខ្ពស់ ដើម្បី​បង្ហាញ​ជូន​ភ្ញៀវ​ជាតិ និង​អន្តរជាតិ ព្រម​ទាំង​ប្រជា​កសិករ​មក​ពី​តំបន់​ផ្សេង​ៗ​ទស្សនា ឬ​ទទួល​បទពិសោធន៍។ ពួកគេ​ក៏​បាន​បង្ហាញ​នូវ​សកម្មភាព​កិនស្រូវ បោក​កណ្ដាប់ និង​សកម្មភាព​ដាល់​អំបុក​នៅ​ក្បែរ​រោង​ពិធី​នោះ​ទៀត​ផង។

កសិករ​គំរូ​ខាង​ផលិត​ស្រូវ​ម្នាក់​មក​ពី​ភូមិ​ខ្វិត នៃ​ឃុំ​ពង្រ ស្រុក​រលាប្អៀរ គឺ​លោកស្រី កែ ខាន់ ឲ្យ​ដឹង​ថា ពិធី​បុណ្យ​ដាលាន ឬ​អបអរ​ភោគផល​នៅ​ពេល​បញ្ចប់​ការ​ប្រមូល​ផល​នេះ បាន​ផ្ដល់​ឱកាស​ដល់​គាត់​ជួប និង​ចែក​រំលែក​បទ​ពិសោធន៍​ទាក់​ទង​នឹង​ការ​ផលិត​ស្រូវ​ទៅ​កសិករ​ផ្សេង​ទៀត។ លោក​ស្រី​ថា ស្រប​ពេល​គ្នា​នេះ​គាត់​ក៏​អាច​សួរ​កសិករ​ដទៃ​ៗ ដើម្បី​ទទួល​បាន​បទពិសោធន៍​មក​វិញ​ដែរ៖ «អ្នក​មីង​សង្ឃឹម​ថា នឹង​ទទួល​បាន​បទពិសោធន៍​យ៉ាងម៉េច​ដែរ? មក​ថ្ងៃ​នេះ​គឺ​ទទួល​បាន​បទពិសោធន៍​ពី​កសិករ​ដទៃ​ទៀត ដូច​ថា​គាត់​ធ្វើ​បាន​ទិន្នផល​ស្រូវ​ខ្ពស់​ជាង​យើង តើ​គាត់​មាន​បច្ចេកទេស​អ្វីខ្លះ? ហើយ​យើង​នឹង​នាំ​យក​បទពិសោធន៍ និង​បច្ចេកទេស​នេះ​ទៅ​អនុវត្ត​នៅ​ឆ្នាំ​ក្រោយ»

អាជ្ញាធរ​តាម​ខេត្ត​នីមួយៗ នៃ​ប្រទេស​កម្ពុជា បាន​ចាប់​អារម្មណ៍​រៀបចំ​ពិធី​បុណ្យ​ដារលាន ឬ​ពិធី​អបអរ​សាទរ​ភោគផល ក្រោយ​ពី​បញ្ចប់​ការ​ប្រមូល​ផល​ស្រូវ​វស្សា​ម្ដងៗ តាម​ទម្លាប់​របស់​កសិករ​នៅ​តាម​ភូមិ​ឋាន​នានា​នាំគ្នា​ធ្វើ​ពិធី​ពូន​ភ្នំ​ស្រូវ និង​និមន្តព្រះសង្ឃបង្សុកូល​តាម​បែប​សាសនា​មិន​ដែល​អាក់ខាន។ អាជ្ញាធរ​ថា ពិធី​នេះ​គឺ​ចង់​បង្ហាញ​ពី​សារសំខាន់​របស់​ស្រូវ និង​លើក​ទឹក​ចិត្ត​កសិករ​ក្នុង​ការ​​ផលិត​ស្រូវ៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

មតិ (3)
  • បោះពុម្ព
  • ចែករំលែក
  • អ៊ីម៉ែល

ត្រា

ពី ភ្នំពេញ

ព័ត៌មាននេះប្រាសចាកពីការពិត!
តាមពិតបុណ្យដារលានថ្នាក់ជាតិត្រូវបានប្រារព្ធធ្វើឡើងតាំងពីឆ្នាំ២០០៦-២០០៧ ក្រោមការផ្ដួចផ្ដើមរបស់អតីតរដ្ឋមន្ត្រី ច័ន្ទ សារុន ។ ខេត្តដែលទទួលរៀបចំធ្វើមុនគេគឺខេត្តសៀមរាប ហើយបន្ទាប់មក បានចល័តធ្វើតាមបណ្ដាខេត្តផ្សេងៗជាបន្តបន្ទាប់ ។ អស្ចារ្យជាងគេ ឆ្នាំនេះជាឆ្នាំពិសេស ដោយហេតុថា ខេត្តកំពង់ឆ្នាំងបានទទួលធ្វើពិធីបុណ្យជាលើកទីពីរ ព្រោះខេត្តនេះធ្លាប់បានទទួលធ្វើម្ដងរួចមកហើយកាលពីឆ្នាំ២០០៩ ឬ ២០១០ ។ បើតាមដឹង ខេត្តដទៃហាក់មិនចង់ទទួលធ្វើ បូកនឹងខេត្តកំពង់ឆ្នាំងជាមូលដ្ឋានរបស់រដ្ឋមន្ត្រី អ៊ុក រ៉ាប៊ុន ផង ទើបខេត្តនេះមានឱកាសទៅ ។ តាមជាក់ស្ដែងខេត្តនេះត្រូវរង់ចាំប្រមាណ ២៤ ឆ្នាំ ទម្រាំវិលជុំមកដល់វិញ ។

តំណខាងក្រោមជាសក្ខីភាព
http://www.radioaustralia.net.au/khmer/radio/onairhighlights/1078950
http://www.savefood.net/save-food-brought-into-focus-at-the-bun-da-lean-rice-harvest-festival-in-kampong-cham-province-cambodia/

Bun Da Lean is literally translated as the celebration of flat area or yard when paddy rice is collected for storage. The ceremony marks the end of harvesting season. It is traditionally observed at village level and local community. Since 2006-2007, the Ministry of Agriculture, Forestry and Fisheries (MAFF) has been celebrating the festival at national level in a selected province rotating annually across the country.

Bun Da Lean is to express the thankfulness of the villagers to the water and soil for a good harvest of the year and to officially apologise to them for disturbance and contamination with urine and excrement. Cambodian people regard water as “Preah Kongkea (God Water)” and soil as “Neang Konghing (Goddess Konghing)”. The ceremony also provides the opportunity to have a family reunion. Most importantly it sends out the message of respecting rice which is a predominant staple food of Cambodian people. They traditionally worship rice as “Preah Me (God Mother)”. To them, wasting rice during cooking preparation and eating means insulting the god mother.

Jan 25, 2016 03:56 AM

អ្នក​អាន​អនាមិក

I love to see Cambodian people to do this ceremony it is means of the same thing of thanksgivings in america .Thanks to God who created everything in the universe.

Jan 24, 2016 09:23 PM

អ្នក​អាន​អនាមិក

Congratulation to the people I wishes we have this forever

Jan 24, 2016 09:15 PM

គេហទំព័រ​ទាំងមូល