គេហទំព័រស៊ីហ្គេម ចុះផ្សាយនៅថ្ងៃទី១១ ធ្នូ បានប្រកាសលទ្ធផលមេដាយបណ្ដើរៗនៃការប្រកួតកីឡាស៊ីហ្គេមលើកទី២៧ មកទល់ថ្ងៃទី១១ ធ្នូ ដែលប្រទេសមីយ៉ាន់ម៉ា ធ្វើជាម្ចាស់ផ្ទះនៃការប្រកួតនេះ បានឈ្នះមេដាយច្រើនជាងគេ ហើយប្រទេសដែលមិនទាន់បានឈ្នះមេដាយសោះនោះ គឺប្រទេសប្រទេសទីម៉ឡេស៍។
នេះជាលទ្ធផលផ្សាយដោយគេហទំព័រស៊ីហ្គេមថ្ងៃទី១១ ធ្នូ ប្រទេសមីយ៉ាន់ម៉ា ឈ្នះមេដាយមាស១៨ ប្រាក់៧ សំរិទ្ធិ៩។ ប្រទេសវៀតណាម ឈ្នះមេដាយមាស៩ ប្រាក់៤ សំរិទ្ធិ៧។ ប្រទេសថៃ មេដាយមាស៥ ប្រាក់៩ សំរិទ្ធិ៤។ ប្រទេសឥណ្ឌូនេស៊ី ឈ្នះមេដាយមាស៥ ប្រាក់៨ សំរិទ្ធិ៨។ ប្រទេសម៉ាឡេស៊ី ឈ្នះមេដាយមាស៣ ប្រាក់៥ សំរិទ្ធិ១២។ ប្រទេសហ្វីលីពីន ឈ្នះមេដាយមាស៣ ប្រាក់៥ សំរិទ្ធិ៣។ ប្រទេសសិង្ហបុរី បានមេដាយមាស២ ប្រាក់២ សំរិទ្ធិ៤។ ប្រទេសឡាវ ឈ្នះមេដាយមាស១ ប្រាក់៥ សំរិទ្ធិ៨។ ប្រទេសប្រ៊ុយណេ ដារូហ្សាឡឹម ឈ្នះមេដាយមាស១ សំរិទ្ធិ១។ ចំណែកប្រទេសទីម៉ឡេស៍ នៅមិនទាន់បានមេដាយនៅឡើយ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖
ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។