ស្ត្រីសហគមន៍បឹងកក់ បានប្រដូចសកម្មភាពរបស់អាជ្ញាធរថា ស្រដៀងគ្នាទៅនឹងរបបប្រល័យពូជសាសន៍ ប៉ុល ពត ដែលពួកគេធ្លាប់បានអនុវត្តទៅលើពលរដ្ឋខ្លួននៅពេលកាន់អំណាចដូចគ្នាដែរ។
ក្រុមអង្គការសិទ្ធិមនុស្សដែលបានឃ្លាំមើលសកម្មភាពបង្ក្រាបដោយហិង្សារបស់សមត្ថកិច្ចចម្រុះរដ្ឋាភិបាលទៅលើការតាំងសមាធិបង្អត់អាហាររបស់អ្នកភូមិបឹងកក់ កាលពីយប់ថ្ងៃទី២២ ខែកញ្ញា នៅរមណីយដ្ឋានវត្តភ្នំ ថាបានរំលោភសិទ្ធិមនុស្សធ្ងន់ធ្ងរ។
លោក អំ សំអាត ប្រធានបច្ចេកទេសស៊ើបអង្កេតនៃអង្គការលីកាដូ (LICADHO) បានឲ្យដឹងនៅព្រឹកថ្ងៃច័ន្ទ ទី២៣ ខែកញ្ញា ថា សកម្មភាពបង្ក្រាបពលរដ្ឋបឹងកក់ ដែលធ្វើសមាធិបង្អត់អាហារអហិង្សារបស់សមត្ថកិច្ច គឺជាសញ្ញាគួរឲ្យព្រួយបារម្ភ។ លោកថា កម្លាំងចម្រុះប្រដាប់អាវុធរាប់រយនាក់ ត្រូវបានបញ្ជូនមកបង្ក្រាបការធ្វើពិធីបង្អត់អាហាររបស់ស្ត្រីបឹងកក់ ជាង ១០នាក់ នៅរមណីយដ្ឋានវត្តភ្នំ ដែលមានតែទៀននិងធូប ធ្វើសមាធិបួងសួងសុំសន្តិភាព និងស្វែងរកយុត្តិធម៌ជូនម្ចាស់ឆ្នោតនោះ។
សូមស្ដាប់សេចក្ដីរាយការណ៍របស់លោក ដែន អយុធ្យា៖
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖
ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។