ពលរដ្ឋ​នៅ​ឃុំ​ថ្មដា​ជាប់​ព្រំដែន​ខ្មែរ-ថៃ​ប្ដេជ្ញា​ការពារ​ទឹក​ដី

ដោយ មណ្ឌល កែវ
2013-03-30
អ៊ីម៉ែល
មតិ
ចែករំលែក
បោះពុម្ព
  • បោះពុម្ព
  • ចែករំលែក
  • មតិ
  • អ៊ីម៉ែល

ប្រជាពលរដ្ឋ​ខ្មែរ​រស់នៅ​តាម​បណ្ដា​ខេត្ត​មួយ​ចំនួន​ជាប់​នឹង​ខ្សែ​បន្ទាត់​ព្រំដែន​កម្ពុជា-ថៃ ភាគ​ពាយ័ព្យ និង​ភាគ​ឧត្តរ តែងតែ​អះអាង​ថា មាន​ការ​លួច​រំកិល​បង្គោល​ព្រំដែន​ចូល​មក​ក្នុង​ទឹកដី​ខ្មែរ​ពី​សំណាក់​ភាគី​ថៃ។ ប៉ុន្តែ ដោយ​ឡែក​ប្រជាពលរដ្ឋ​រស់នៅ​ក្នុង​ខេត្ត​ពោធិ៍សាត់ វិញ ដែល​ជា​ខេត្ត​មួយ​មាន​ព្រំដែន​ជាប់​នឹង​ប្រទេស​ថៃ ដែរ​នោះ ពួក​គាត់​បាន​បញ្ជាក់​ថា ពុំ​មាន​បញ្ហា​នេះ​កើត​ឡើង​នោះ​ទេ។

ប្រជាពលរដ្ឋ​ឃុំ​ថ្មដា អះអាង​ថា ព្រំ​ប្រទល់​រវាង​ប្រទេស​កម្ពុជា និង​ប្រទេស​ថៃ នៅ​តំបន់​នេះ​ពុំ​មាន​ការ​បង្ខិត​ខ្សែ​បន្ទាត់​ព្រំដែន​ពី​សំណាក់​ភាគី​ថៃ ទេ។

ព្រឹទ្ធាចារ្យ ស្វាយ សុម៉េធ អតីត​យោធា​ខ្មែរ​ក្រហម​នៃ​កម្លាំង​សមាហរណកម្ម និង​ជា​ប្រជាពលរដ្ឋ​ម្នាក់​ដែល​បាន​រស់នៅ​ក្នុង​ឃុំ​ថ្មដា នេះ​តាំង​ពី​សម័យ​ខ្មែរ​ក្រហម​មក​ម្ល៉េះ លោក​តា​បាន​ឲ្យ​ដឹង​ថា ចំណុច​ព្រំដែន​នៃ​តំបន់​ថ្មដា នេះ តាំង​ពី​ដើម​រៀង​មក ភាគី​ថៃ មិន​អាច​លួច​រំកិល​ព្រំដែន​ចូល​បាន​ទេ ព្រោះ​ប្រជាពលរដ្ឋ​ដែល​រស់នៅ​តំបន់​ថ្មដា មាន​ចិត្ត​អង់អាច​ក្លាហាន​ណាស់​មិន​ដែល​រា​ថយ​ក្នុង​ការ​ប្រឆាំង​នឹង​ការ​ព្យាយាម​រំលោភ​លើ​បូរណភាព​ទឹក​ដី​ខ្មែរ​ឡើយ។

ព្រឹទ្ធាចារ្យ ស្វាយ សុម៉េធ៖ «ពេល​ខ្ញុំ​នៅ​នោះ ថៃ វា​មក​បោះ​បង្គោល​ដល់​ណេះ វា​ថា​ព្រំដែន​វា។ ពេល​នោះ ខ្ញុំ​បាន​ដក​បង្គោល​វា​ចោល ហើយ​ប្រាប់​វា​ថា ឥឡូវ​អ្នក​ឯង​កំពុង​នៅ​យ៉ាង​ម៉េច គឺ​នៅ​តាម​ហ្នឹង ខ្ញុំ​នៅ​ម៉េច គឺ​នៅ​អ៊ីចឹង។ រក្សា​ដូច​គ្នា​នៅ​ពេល​ដែល​យើង​សន្តិភាព​ទៅ រដ្ឋាភិបាល​ថា​ព្រំដែន​នៅ​ត្រង់​ណា​អា​ហ្នឹង​យើង​កំណត់​ជា​គោលការណ៍​ទៅ។ ឥឡូវ​អ្នក​ឯង​ចូល​អត់​បាន​ទេ...»

ព្រឹទ្ធាចារ្យ ស្វាយ សុម៉េធ រៀបរាប់​ថា គាត់​នៅ​តំបន់​ឃុំ​ថ្មដា នេះ​តាំង​ពី​មិន​ទាន់​មាន​វត្តមាន​នៃ​កង​កម្លាំង​ប្រដាប់​អាវុធ​មក​បោះ​ទីតាំង​នៅ​ឡើយ។ គាត់​បន្ត​ថា មុន​ថ្ងៃ​៥ និង​៦ ខែ​កក្កដា ឆ្នាំ​១៩៩៧ មាន​មេ​ទាហាន​ថៃ ម្នាក់​បាន​យក​បង្គោល​ព្រំ​មក​បោះ​ចូល​ជ្រៅ​ក្នុង​ដី​ខ្មែរ​ដែរ តែ​ត្រូវ​បាន​ប្រជាពលរដ្ឋ និង​រូប​គាត់​ផ្ទាល់ ដក​ចោល ហើយ​បន្ទាប់​មក​កង​កម្លាំង​ប្រដាប់​អាវុធ​ក៏​បាន​មក​បោះ​ទីតាំង។ ពី​ពេល​នោះ​មក ភាគី​ថៃ លែង​ហ៊ាន​ចូល​មក​ធ្វើ​សកម្មភាព​បោះ​បង្គោល​រហូត​មក​ទល់​បច្ចុប្បន្ន៖ «ទម្លាប់​របស់​ថៃ យើង​ដឹង​ហើយៗ​យើង​នៅ​ទីនេះ ពេល​មិន​ទាន់​ត្រូវ​គ្នា​វា​បិទ​ច្រក ខ្ញុំ​ប៉ុន្មាន​សារ​ដែរ។ ខ្ញុំ​បាន​ហៅ​ភាគី​ថៃ មក​ប្រាប់​ថា បើ​អ្នក​ឯង​បិទ ប្រយ័ត្ន​មាន​អំពើ​ប្លន់​អី​កុំ​បន្ទោស​ខ្ញុំ ព្រោះ​មនុស្ស​តែ​អត់​ហើយ គឺ​ត្រូវ​តែ​ទៅ​រក​អង្ករ​ស៊ី​ហើយ។ ដល់​ខាង​ថៃ គេ​ឮ​អ៊ីចឹង គេ​ក៏​បើក​ច្រក​ឲ្យ​យើង​វិញ»

ឃុំ​ថ្មដា គឺ​ជា​ឃុំ​តែ​មួយ​គត់​នៃ​ស្រុក​វាលវែង ខេត្ត​ពោធិ៍សាត់ ដែល​មាន​ព្រំដែន​ជាប់​នឹង​ឃុំ​ឡេមកាប់ ស្រុក​មឿង ខេត្ត​ត្រាត នៃ​ប្រទេស​ថៃ និង​មាន​ខ្សែ​បន្ទាត់​ព្រំដែន​ប្រវែង ៤៩​គីឡូម៉ែត្រ។

ដូច​គ្នា​នឹង​ព្រឹទ្ធាចារ្យ ស្វាយ សុម៉េធ ដែរ បុរស​អ្នក​ភូមិ​សង្គមថ្មី ឃុំ​ថ្មដា ឈ្មោះ ប៊ី ប៊ន បាន​ឲ្យ​ដឹង​ថា នៅ​ពេល​ដែល​មាន​ព្រឹត្តិការណ៍​ប្រយុទ្ធ​គ្នា​រវាង​កងទ័ព​កម្ពុជា-ថៃ នៅ​ព្រំដែន​ខេត្ត​ព្រះវិហារ អ្នក​ភូមិ​សង្គមថ្មី ភាគ​ច្រើន​បាន​ជីក​លេណដ្ឋាន​ត្រៀម​ជួយ​ប្រយុទ្ធ​ជាមួយ​កងទ័ព​ដែល​ឈរ​ជើង​ការពារ​បូរណភាព​ទឹកដី នៅ​ចំណុច​ព្រំ​ប្រទល់​ឃុំ​ថ្មដា នេះ ដោយ​គ្មាន​រា​ថយ។ បើ​ទោះ​បី​ជា​កង​កម្លាំង​ប្រដាប់​អាវុធ​ចម្រុះ​បាន​អង្វរ​ឲ្យ​ពួក​គាត់​ចាក​ចេញ​ជា​បណ្ដោះ​អាសន្ន ក្រែង​មាន​គ្រោះថ្នាក់​ក៏ដោយ ក៏​ពួក​គាត់​មិន​ព្រម​ចាក​ចេញ​ដែរ៖ «កាល​សៀម វា​ចូល​ឈ្លាន​ពាន​ទឹកដី​យើង​នៅ​ព្រះវិហារ ខ្ញុំ​បាន​ជីក​លេណដ្ឋាន​នៅ​ក្រោយ​ផ្ទះ ដើម្បី​តស៊ូ​ជាមួយ​វា។ ខ្ញុំ​មិន​រត់​ចោល​ដីធ្លី​ផ្ទះ​សម្បែង​ខ្ញុំ​ទេ។ ពេល​ក្រុម​និស្សិត​មក​វាស់វែង​ដី​ឲ្យ​ខ្ញុំ ពួក​គាត់​ភ្ញាក់​ផ្អើល​ខ្លាំង​ណាស់។ ខ្ញុំ​ប្រាប់​ពួក​ប្អូនៗ​និស្សិត​ទាំង​នោះ​ថា នេះ​ជា​រណ្ដៅ​លេណដ្ឋាន​ដែល​ខ្ញុំ​បាន​ជីក ដើម្បី​ការពារ​ផ្ទះ​សម្បែង និង​ទឹកដី​ខ្មែរ​យើង។ ខ្ញុំ​មិន​ខ្លាច​ពួក​សៀម ទេ»

ស្មារតី​ស្នេហា​ជាតិ និង​ទឹកចិត្ត​ប្ដេជ្ញា​នេះ រឹត​តែ​មាន​សន្ទុះ​ខ្លាំងក្លា​ក្នុង​ជួរ​កម្លាំង​ប្រដាប់​អាវុធ ដែល​ឈរ​ជើង​ការពារ​នៅ​លើ​ខ្សែ​បន្ទាត់​ព្រំដែន​នៃ​ឃុំ​ថ្មដា នេះ​ផង​ដែរ។

លោក ដាញ់ វណ្ណា ជា​នាយ​ទាហាន​មួយ​រូប​ឈរ​ជើង​ការពារ​ទឹកដី​នៅ​ចំណុច​ច្រក​ផ្លូវ​លេខ​៥៦ ឃុំ​ថ្មដា លោក​មាន​ប្រសាសន៍​ឲ្យ​ដឹង​ថា ដោយ​ស្ថានភាព​ភូមិសាស្ត្រ​មាន​លក្ខណៈ​អំណោយ​ផល​ចំពោះ​ផ្នែក​ខាង​ទឹកដី​ខ្មែរ និង​ដោយ​មើល​ឃើញ​ពី​សន្ទុះ​ទឹក​ចិត្ត​នៃ​ប្រជាពលរដ្ឋ និង​កង​កម្លាំង​ប្រដាប់​អាវុធ​ខ្មែរ​មាន​ភាព​សាមគ្គី​រឹងមាំ ភាគី​ថៃ មិន​ដែល​ធ្វើ​សកម្មភាព​ណា​មួយ​បំពាន​មក​លើ​បូរណភាព​ទឹកដី​ខ្មែរ​ម្ដង​ណា​ឡើយ៖ «ទំនាក់​ទំនង​រវាង​កម្ពុជា-ថៃ នៅ​តំបន់​នេះ មាន​លក្ខណៈ​ល្អ​ណាស់​បង យើង​ចង់​ចេញ​ចូល​អី​គឺ​គេ​បើក​ឲ្យ​យើង​ចូល​ភ្លាម។ សូម្បី​តែ​ពេល​ដែល​កំពុង​មាន​ការ​វាយ​ប្រយុទ្ធ​គ្នា​នៅ​ឯ​ព្រះវិហារ ក៏​នៅ​តំបន់​នេះ​មិន​មាន​អ្វី​ប្លែក​ដែរ គ្រាន់​តែ​ភាគី​ទាំង​សង្ខាង​ត្រៀម​រៀងៗ​ខ្លួន តែ​ការ​ទំនាក់​ទំនង​នៅ​តែ​ដដែល»

ខុស​ប្លែក​ពី​ប្រជាពលរដ្ឋ​នៃ​តំបន់​ព្រំ​ប្រទល់​ខ្មែរ-ថៃ នៃ​ខេត្ត​ផ្សេង​ទៀត ប្រជាពលរដ្ឋ​នៅ​ព្រំដែន​ឃុំ​ថ្មដា នៃ​ខេត្ត​ពោធិ៍សាត់ ហ៊ាន​និយាយ​ជា​ចំហ​អំពី​បញ្ហា​បូរណភាព​ទឹកដី និង​ហ៊ាន​ប្រកាស​យ៉ាង​ឱឡារិក​អំពី​ឆន្ទៈ​ហ៊ាន​ប្រយុទ្ធ ដើម្បី​ការពារ​ទឹកដី។ ចំណែក​ភាគី​កងទ័ព​ថៃ នៅ​តំបន់​នេះ​វិញ តែង​ធ្វើ​ការ​សម្រប​សម្រួល​ឲ្យ​ប្រជាពលរដ្ឋ​ខ្មែរ​ចេញ​ចូល ដើម្បី​ទៅ​ព្យាបាល​ជំងឺ ឬ​ទៅ​ទិញ​ស្បៀង​អាហារ​ដោយ​ពុំ​មាន​ការ​រឹតត្បិត​អ្វី​ឡើយ៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (6)
  • បោះពុម្ព
  • ចែករំលែក
  • អ៊ីម៉ែល

បញ្្ញា

ពី Phnom Penh

អូ! សៀមពិតជាមិនចោលក្បួន តែបើតាមប្រសាសនគាត់ បើយើងលេងខ្លាំង វាខ្លាចដែតើ មានអិជាលទ្ធផល ចំនុចនោះលែងមានការរំលោភទឹកដីទៀត. តែកន្លែងដែលលួចរួចហើយគិតយ៉ាងម៉ិចទៅ?

Apr 15, 2013 04:13 PM

pisetha

ពី phnom penh

គ្រាន់តែទឹកដីប៉ុណ្ណឹងការពារមិនបាននៅធ្វើជាមេដឹកនាំធ្វើអី
គោលការណ៍សំខាន់ទោះបីប្រទេសមានរឺក្រក៏ដោយត្រូវការពារទឹកដីអោយបានសិន

Mar 31, 2013 06:10 AM

អ្នក​អាន​អនាមិក

the government must promote company to development infrastructures in border such as school, factory and others without tax payment for 20 -30 years period or more.

Mar 31, 2013 12:08 AM

អ្នក​អាន​អនាមិក

ពី

Cambodia people and authority near the border of other provinces must do as people and authority of thmorda pursat province. To die for mother land non coward as dekcho

Mar 31, 2013 12:02 AM

KONE KHMER

ពី PHNOM PENH

TO ALL BRAVE KHMER:
AT FIRST, I WOULD LIKE TO ADMIRE KHMER AT CAMBODIA / THAILAND BORDER "YOU ARE SO BRAVE TO STAND UP FOR OUR KAMPUCHEA"

I GUESS HUN SEN MUST SELL CAMBODIA TO THAI AND ALSO HUN SEN SELL CAMBODIA TO YOUN FOR HIS POLITICAL REASON TO STAY IN POWER.

ALL KHMER MUST STAND UP TO AGAINST HUN SEN BY NOT GOING TO VOTE FOR THIS 2013 ELECTION. SAM RAINSY AND KEM SOKHA KNOW THAT THEY ARE GOING TO LOOSE THIS ELECTION. THEY BOTH WANT THEIR JOB AND THEY GET PAID BY HUN SEN.

"VOTING" MEANS KHMER LOOSE. HUN SEN, SAM RAINSY, KEM SOKHA WIN.
"DO NOT VOTE" MEANS KHMER WIN UNDER THE INTERNATIONAL LAW. TRUE FREEDOM KHMER WILL HAVE.

Mar 30, 2013 08:56 AM

អ្នក​អាន​អនាមិក

I think you're also the one who crazy with political. Whatever, whenever, wherever, your ideas always related to Hun Sen. Maybe because of your party.

Apr 16, 2013 12:58 AM

មើល​មតិ​ទាំង​អស់.

គេហទំព័រ​ទាំងមូល