អធិការនគរបាលស្រុកត្រពាំងប្រាសាទ លោក កែវ តាន់ បានមានប្រសាសន៍នៅរសៀលថ្ងៃពុធ ទី៣១ ខែកក្កដា ថា កុមារ ២នាក់ និងបុរសម្នាក់ដែលស្លាប់នោះ គឺជាអ្នកភូមិទំនប់អភិវឌ្ឍន៍ នៃឃុំអូរស្វាយ៖ «គាត់បររទេះក្របី ដឹកដើមត្រាច ដើមខ្លុងយើង គេអារធ្វើផ្ទះហ្នឹងណា ហើយផ្លូវហ្នឹងពីដើមអត់មានទេ តែក្រោយមក គេចេះតែកាត់ពីនេះកាត់ពីនោះ ដឹកដៀវអី វាចេះតែកើតជាផ្លូវទក់ៗ គាត់ដឹកចេញទិសដៅក្នុងបំណងមកផ្ទះ។ ផ្ទុះទៅ ស្លាប់ឪពុកម្នាក់ កូនស្រីម្នាក់ ហើយក្មួយប្រុសនៅជាមួយម្នាក់ទៀត ឯប្រពន្ធដើរតាមក្រោយ ៥០ម៉ែត្រ នោះអត់អីទេ»។
សមត្ថកិច្ចបានឱ្យដឹងថា តំបន់ដែលផ្ទុះមីននោះ គឺជាអតីតខ្សែត្រៀមចុងក្រោយសម្រាប់ការពារមូលដ្ឋានយោធារបស់ខ្មែរក្រហម។ តំបន់នោះ គឺមិនទាន់បោសសម្អាតមីននៅឡើយទេ ដោយ ២-៣ឆ្នាំជាប់ៗគ្នាមកនេះ គឺមានប្រជាពលរដ្ឋមួយចំនួនបានរងគ្រោះដោយសារផ្ទុះមីននៅពេលចូលទៅក្នុងព្រៃទីនោះ។
អាជ្ញាធរតែងផ្សព្វផ្សាយកុំឱ្យប្រជាពលរដ្ឋចូលទៅក្នុងព្រៃតំបន់នោះ ហើយអ្នកភូមិដែលរស់នៅជាយូរមកហើយ សុទ្ធតែបានដឹងថា តំបន់ព្រៃនោះគ្រោះថ្នាក់។ ក៏ប៉ុន្តែ បុរសដែលស្លាប់នោះ គឺទើបផ្លាស់ទីលំនៅពីស្រុកទ្រាំង ខេត្តតាកែវ ទៅរស់នៅជិតតំបន់គ្រោះថ្នាក់រយៈពេលប្រមាណជាង ៣ឆ្នាំប៉ុណ្ណោះ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖
ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។