ប៉ូលិសខេត្តស្វាយរៀងរងការចោទថារំលោភស្រ្ដីម្នាក់
ដោយ សុខ សេរី
2009-10-15
ស្រ្តីមេម៉ាយម្នាក់នៅក្នុងភូមិម្អម ឃុំអង្គតាសូ ស្រុកស្វាយជ្រំ ខេត្តស្វាយរៀង កំពុងតែស្វែងរកកិច្ចអន្តរាគមន៍ពីអង្គការការពារសិទ្ធិមនុស្សអាដហុកនៅខេត្តនោះ ដើម្បីរកយុត្តិធម៌ចំពោះអ្វីដែលលោកស្រីបានចោទថា មន្រ្តីនគរបាលម្នាក់បានចាប់រំលោភលោកស្រីបានសម្រេចចំនួន២លើក ជាមួយនឹងការគំរាមអារក ឬបាញ់សម្លាប់ចោល បើសិនណារឿងអាស្រូវនេះបានលេចឮទៅអ្នកដទៃ។
លោកស្រី ព្រំ សៀ អាយុ៤២ឆ្នាំ ដែលបានមកប្តឹងរឿងនេះនៅឯអង្គការសិទ្ធិមនុស្សអាដហុក នៅក្នុងខេត្តស្វាយរៀង កាលពីថៃ្ងអង្គារ ទី១៣ ខែតុលាថ្មីៗនេះ បានថែ្លងប្រាប់វិទ្យុអាស៊ីសេរីថា លោកស្រីបានសម្រេចចិត្តប្តឹងមន្រ្តីនគរបាលរូបនោះ ដោយសារតែលោកស្រីមិនអាចទ្រាំទ្រចំពោះការគំរាមនោះបាន។
លោកស្រី ព្រំ សៀ មានប្រាប់ដូច្នេះ ៖ «ខ្ញុំកាលមុនអត់ហ៊ានប្ដឹងទេ ខ្ញុំខ្លាចគាត់សម្លាប់មែន ដល់ពេលខ្ញុំស្ដាប់វិទ្យុតាមអ្នកស្រុកហ្នឹង ឮអង្គការគេប្រកាសថា បើមានវិបត្តិក្នុងខ្លួនត្រូវដោះស្រាយអង្គការជួយរកយុត្តិធម៌ឲ្យ អ៊ីចឹងបានខ្ញុំហ៊ាន។ ខ្ញុំខ្លាចសេចក្ដីស្លាប់ខ្ញុំមិនហ៊ានតវ៉ាយូរហើយ»។
លោក ង៉ែត ណារ៉ា ជាមន្រ្តីសម្របសម្រួលនៃអង្គការការពារសិទ្ធិមនុស្សអាដហុក នៅក្នុងខេត្តស្វាយរៀង ដែលបានទទួលពាក្យបណ្ដឹងពីជនរងគ្រោះខាងលើនេះ បានមានប្រសាសន៍ថា ៖ «ជុំវិញបញ្ហានេះ ខ្ញុំសូមសំណូមពរអាជ្ញាធរមូលដ្ឋាន ឬអាជ្ញាធរពាក់ព័ន្ធទាំងអស់ ធ្វើការស៊ើបអង្កេតជាបន្ទាន់ពីករណីនេះ ព្រោះជនរងគ្រោះគាត់កំពុងតែភ័យរន្ធត់»។
មិនអាចទាក់ទងលោក ប្រាក់ សាវ៉ន ជាអនុប្រធានប៉ុស្តិ៍រដ្ឋបាលនៅក្នុងឃុំអង្គតាសូ ស្រុកស្វាយជ្រំ ខេត្តស្វាយរៀងបានទេ ដើម្បីបំភ្លឺជុំវិញការចោទប្រកាន់ខាងលើនេះ ប៉ុន្តែលោក អ៊ិន ហាក់ ជាប្រធានប៉ុស្តិ៍រដ្ឋបាលនោះ បានមានប្រសាសន៍ថា អាជ្ញាធរនៅមូលដ្ឋានមិនបានទទួលកិច្ចសហការពីជនរងគ្រោះនោះទេ ហើយសង្ស័យថា វាជារឿងចោទប្រកាន់តែប៉ុណ្ណោះ ពីព្រោះវាជារឿងព្រមព្រៀងគ្នាកន្លងមក។
លោក អ៊ិន ហាក់ មានប្រសាសន៍ដូច្នេះ ៖ «អ្នកនាងហ្នឹងមិនដែលបានមកជួបខ្ញុំបានដោះស្រាយ ឬទទួលពាក្យបណ្ដឹងអត់ទេ មិនបានមកជួបសមត្ថកិច្ច ឬមួយបង្ហាញភស្តុតាង ឬសាក្សីចង្អុលបង្ហាញ ខ្ញុំមិនបានជួបដោះស្រាយ»។
សាក្សីម្នាក់ដែលបានដឹងរឿងចាប់រំលោភនោះ បានមានប្រសាសន៍ថា វាជារឿងចាប់បង្ខំនិងគំរាមកន្លងមក ៖ «ដោយឡែកគាត់បង្ខិតបង្ខំតាំងពីគ្រាដំបូងមក បើគាត់មិនយល់ព្រមគេអារកគាត់ ឬក៏គេបាញ់សម្លាប់គាត់ចោល អ៊ីចឹងបានសមីខ្លួនឈឺចិត្តគាត់ប្ដឹង»។
សូមជម្រាបថា ប្រភពពីជនរងគ្រោះនិងសាក្សីនៅជិតខាងបានឲ្យដឹងថា លោក ប្រាក់ សាវ៉ន ជាអនុប្រធានប៉ុស្តិ៍រដ្ឋបាលនៅក្នុងឃុំអង្គតាសូ ស្រុកស្វាយជ្រំ ខេត្តស្វាយរៀង បានរងការចោទថា លោកបានចាប់រំលោភស្រី្តមេម៉ាយឈ្មោះ ព្រំ សៀ បានសម្រេចចំនួន២លើក កាលពីខែកក្កដា និងខែសីហាកន្លងទៅនេះ ហើយបានប៉ុនប៉ងចាប់រំលោភជាថ្មីទៀត ក្រោយពីជនរងគ្រោះបានផ្តាច់ទំនាក់ទំនងជាមួយនឹងរូបលោក។
អង្គការការពារសិទ្ធិមនុស្សក្រៅរដ្ឋាភិបាលអាដហុក កាលពីថ្មីៗនេះបានចេញផ្សាយរបាយការណ៍ស្រាវជ្រាវមួយបង្ហាញថា រយៈពេល៥ខែដើមឆ្នាំ២០០៩កន្លងទៅនេះ ករណីចាប់រំលោភសេពសន្ថវៈមានចំនួន២០១ករណី នៅក្នុងនោះ១៣៤ករណី ជនរងគ្រោះក្រោមអាយុ១៨ឆ្នាំ។ បទល្មើសព្រហ្មទណ្ឌនោះ ត្រូវបានសម្រួលជាសំណងរដ្ឋប្បវេណី ដើម្បីបោះបង់ចោលការចោទប្រកាន់នៅគ្រាដែលច្បាប់ប្រទេសកម្ពុជាបានហាមឃាត់ជាដាច់ខាត៕
អត្ថបទដែលទាក់ទង
ប៉ូលិសនៅតាកែវរងការចោទថាធ្វើឲ្យស្រ្តីមានផ្ទៃពោះមួយរូបមានគ្រោះថ្នាក់
ប៉ូលិសចរាចរណ៍ក្រុងពោធិ៍សាត់វាយយុវជនម្នាក់ឲ្យរងរបួស
គ្រូបង្រៀននៅកំពង់ចាមទាមទារឲ្យក្រសួងអប់រំដោះស្រាយប្រាក់អតីតភាព
អង្គការសេដាក់គ្រោងនាំអង្ករសរីរាង្គទៅទីផ្សារអឺរ៉ុបនិងអាមេរិក
អាជ្ញាធរស្វែងរកការបិទមន្ទីរព្យាបាលជំងឺមួយនៅរតនគិរី
អតីតប្រធានាធិបតីអាមេរិកសម្ពោធផ្ទះសម្រាប់ជនក្រីក្រនៅខែត្រកណ្ដាល
ទីតាំងផលិតប្រេងម្រះព្រៅភ្នំ២កន្លែងនៅពោធិ៍សាត់ត្រូវបានកម្ទេច
គណៈកម្មការខ្មែរម្ចាស់ស្រុកនឹងរៀបចំកិច្ចប្រជុំស្ដីពីបញ្ហានៅកម្ពុជា
អាជ្ញាធរខេត្តឧត្ដរមានជ័យរារាំងរថយន្តដឹកព្រះពុទ្ធបដិមារបស់ម៉មសូណង់ដូ
មតិ
អ្នកអាចបញ្ចេញមតិដោយបំពេញទម្រង់ខាងក្រោមនេះក្នុងទម្រង់ជាអក្សរសុទ្ធ។. មតិត្រូវតែអនុញ្ញាតដោយអ្នកសម្របសម្រួលនិងមិនបង្ហាញភ្លាមៗនៅលើទំព័រនេះទេ។ សូមអញ្ជើញត្រឡប់មកបើកទំព័រនេះម្ដងទៀតដើម្បីមើលថាតើមតិរបស់អ្នកត្រូវបានចុះផ្សាយឬអត់។
តាមមតិខ្ញុំយល់គឺត្រូវចាប់យកមកដាក់កុក ដេម្បីជាគំរូអ្នកមានអំណាចដែលហានប្រព្រិតអំពើថោលថាបយា់ងេនេៈដែលមិនអាចទទួលយកបាន <br>ពីរខ្ញុំសាវា់ន
2009-10-27 06:55
Pape is criminal case; but in Cambodia most of the rapers are free. Officer Prak Savon must be arrested and put in jail by law. Mrs. Prum Sea not suppose to accept money and close the case. Money cannot heals your heart.but justice does.It's not only for you alone, but for the others victims as well.
2009-10-23 15:29
hi! mr.prak savon, why did you do that? if someone had done that to your daughter or your sister what are going to do? <br>remember, you are the police man, you should protect the innocent women from the crime like you had been done. i think if i were you i kill my self before mrs. prum shea brings you to the criminal court>
2009-10-20 22:31
To build up strong unity of our nation <br>Justice should be done. <br>authority should not take side.
2009-10-20 20:10
I think the Cambodian government should involve more in this situation rather than having the bad guys get away with the crimes that they committed.
2009-10-19 20:51
មើលមតិទាំងអស់.