លោកគ្រូៗបានថ្លែងថា គាត់ជាមន្ត្រីឯករាជ គាត់មិនត្រូវការគណបក្សនយោបាយមកក្តោបក្តាប់ពួកគាត់ទេ។ ហេតុនេះ ការប្រជុំនៅថ្ងៃសៅរ៍ ទី១៩ មករា នៅមន្ទីរបក្សរបស់គណបក្សប្រជាជនកម្ពុជា ពួកគាត់ទំនងជាមិនចូលរួមប្រជុំឡើយ។ លោកថា គ្រូមិនព្រមចុះហត្ថលេខាចូលរួមប្រជុំទេ ប៉ុន្តែនាយករងបង្ខំឲ្យចុះហត្ថលេខា បង្ខំឲ្យគាត់ចាំបាច់ត្រូវតែចូលប្រជុំ។
នាយករងវិទ្យាល័យភ្ញីមាស លោក គឹម ហ៊ត ថ្លែងថា លោកពុំបានដឹងពីកិច្ចការប្រជុំនោះទេ។ ប៉ុន្តែការិយាល័យអប់រំស្រុកព្រៃកប្បាស បានទូរស័ព្ទមកប្រាប់គ្រប់សាលាថា ថ្ងៃទី១៩ ខែមករា គ្រូទាំងអស់ត្រូវចូលរួមប្រជុំនៅមន្ទីរបក្សស្រុកព្រៃកប្បាស នោះ។ លោកមិនដឹងខ្លឹមសារប្រជុំនោះជាការងារពង្រឹងអ្នកគាំទ្រគណបក្សប្រជាជនកម្ពុជា ឬជាការងារប្រជុំផ្នែកអប់រំទេ។
ពាក់ព័ន្ធបញ្ហានេះ វិទ្យុអាស៊ីសេរី បានព្យាយាមទាក់ទងការិយាល័យអប់រំស្រុកព្រៃកប្បាស ដើម្បីបំភ្លឺតបចម្ងល់នោះ ប៉ុន្តែមិនអាចទំនាក់ទំនងបានទេ នៅថ្ងៃទី១៨ ខែមករា៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។