យោងតាមកាសែតភ្នំពេញប៉ុស្តិ៍ ក្នុងសវនាការដ៏ឆាប់បំផុត កាលពីថ្ងៃអង្គារ ១៥ កក្កដា ចៅក្រមតុលាការខេត្តពោធិ៍សាត់ គឺលោក ប៉ុល យន បានសម្រេចឲ្យជនជាតិចាមឈ្មោះ នី កុសល និង ទុល ម៉ាន រួចខ្លួនពីការចោទនិងទោសកំហុសផ្សេងៗ ដោយហេតុថា គ្មានភស្តុតាងគ្រប់គ្រាន់ ។ ចំណែកឯ បុរសឈ្មោះ ច័ន្ទ តារា ហៅ វាសនា ដែលថាគេថាជាមេខ្លោងនិងបុរសឈ្មោះ ថាប់ ថេ ត្រូវមានទោសជាប់ពន្ធនាគារ ។
ទៅជាយ៉ាងណាក៏ដោយ មេធាវីការពារជនជាប់ចោទទាំងអស់ និងតំណាងអង្គការការពារសិទ្ធិមនុស្ស ដែលតាមដានរឿងនេះ សុទ្ធតែនិយាយថា ការវិនិច្ឆ័យក្តីរឿងនេះ មានសម្ពាធឬមានការភ័យខ្លាចពីអ្នកនយោបាយកាន់អំណាច ៕