មានដំណឹងពីរដ្ឋធានីអង់ការ៉ា ប្រទេសទួរគី ថាក្រុមជំនាញខាងមុជទឹកបានរកឃើញសាកសពមនុស្សពីរនាក់ ក្នុងចំណោមអ្នកធ្វើការក្នុងកប៉ាល់ដឹកទំនិញមួយគ្រឿងដោតទង់ជាតិព្រះរាជាណាចក្រកម្ពុជា ចំនួន៨នាក់ ដែលបាត់ខ្លួននៅពេលនាវាលិចក្នុងសមុទ្រខ្មៅ។
ទីភ្នាក់ងារព័ត៌មានអេភី (AP) ឲ្យដឹងកាលពីថ្ងៃសុក្រ ទី៤ កុម្ភៈ ថា កប៉ាល់ដឹកទំនិញឈ្មោះវែរ៉ា (Vera) មានក្រុមនាវិកជនជាតិអ៊ុយក្រែន (Ukrainian) ១០នាក់ និងជនជាតិហ្សេអ័រហ្ស៊ី (Georgian) ម្នាក់។ ក្រុមសង្គ្រោះបានព្យាយាមស្រង់មនុស្សចេញពីសមុទ្របាន ៣នាក់ តែ៨នាក់ទៀតដែលមានទាំងអ្នកបើកកប៉ាល់ម្នាក់ផង កំពុងបាត់ខ្លួននៅឡើយ។
កប៉ាល់ដឹកទំនិញឈ្មោះវែរ៉ានេះ លិចកាលពីថ្ងៃអង្គារសប្ដាហ៍មុន ដោយសារព្យុះខណៈកំពុងធ្វើដំណើរចេញពីប្រទេសរុស្ស៊ី ឆ្ពោះទៅកាន់ប្រទេសទួរគី៕
កំណត់ចំណាំ៖ ចំពោះអ្នកបញ្ចូលមតិនៅក្នុងអត្ថបទនេះ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណាដែលមិនជេរប្រមាថដល់អ្នកដទៃតែប៉ុណ្ណោះ។